Yetaya 2:11 - Ala Wone Peenok Peebi Mbanak

¹¹ It aakumi inigen tiyanak nugwi nogo tebenogo piige, “Nit iya,” mba'nuk tiyappatit nugwi nogo at abu'me tebenogo piige, Eerigin me, Ne ti eyom Aliku ALA alik mban endage tiyak yigin o.

Yetaya 2:11 ပူးပေါင်းရင်းမြစ်များ

2 Tamuwen 22:28

It iniki tebeppakwi iinok, kat nen inagap ndake kwe, Iniki wogoppakwi iinok perak, Iniki tebeppatuwak nduk, kenegen wogoren nage, Eeke menggendak me,

Ndawi 18:27

Iniki tebeppakwi iinok, kat nen inagap ndake kwe, Iniki wogoppakwi iinok perak, Iniki tebeppatuwak nduk, kenegen wogoren nage, Eeke menggendak me,

Ndawi 18:28

Kaliku ALA wae. Nandi wuninik logowak nduk eerogo panege, An o apit paga wonage neenok, Kat nogoba Ala nen eya eerogo panege,

Ndawi 20:8

It ti, inengga wandinik ninabu'me tebenak wonogwe kwe, Nit perak, ninengga pilanak mondok mi'ndak nu'lek wonogo ogoorik o.

Ndawi 46:10

Togop me, at Ala nen ari logonet, “An Ala aret kineenu arubagip nduk, Kinabulok lek puk logonip o. Yi aakumi ndi aakumi inenggela'me nendage tiyak ari, O nggween paga yime nendage nggwok age, Eerigin o,” Yinuk, yereegerak o.

Ndawi 46:11

At Omaawi Lombok Menggerak Aliku ALA ninom wonage, At Yakup ogoba Ala pak wurik kwak nobappinanogo wonage, Eeke agaarik o.

Ndawi 94:2

It nggween paga menggaarak inowak loongga yi wae. Pilak yu o. Pilak ari logomenggendik, It aap iniki wogoppako menggaarak nogo Eekwi onggo ndak-ndak eeppiyet o.

Kini Wuppiige 16:5

Aap iniki tiyappakwi abok aret Aliku ALA nen eebi lombok mbake menggerak me, Aap ti, maluk onggo eeppiyaagin lek ti lek, eeppiyaagin abet aret mbako logonip o.

Kini Wuppiige 30:13

It aap ando inapuri nen, “Nit iya,” mba'nuk inigen tiyanak nugu logonet, aakumi laakot inombarit nugwi,

Yetaya 10:12

At Ala nen it puut Tiyon paga wonogwe inom, kota Yerutalem wonogwe inom, eeppiyoorak koonogo pemenggerak nogo worok togon eeppiige kenok, at nen, “It Atiyut mendek inowe endagembogut wogoppake, An iya, mbarit nage, eeke ti paga aaninggin oba kwippigin o.

Yetaya 12:1

Ne ti eyom paga kit nen yogo logonet, “Kaliku ALA wae. Aa'nduk kanini abet aret ninoba pinanege nagagindak kwe, yogondak nen kanini lek age, Niniki eyak wappinanege, Eeke me, Wa, lombok yokkogo ogoorik o.

Yetaya 12:4

Ne ti eyom paga kit nen it yorogo logonet, “Aliku ALA, Wa, yogwi, At endage kunogo kinoone nggwok paga yogwi, At eerit wagagerak nogo yi aakumi ndi aakumi inenggela'me yoranet nugwi, At endage tiyanak lombok menggerak nogo wiganogo pit nugwi, Eeko logonip o.

Yetaya 13:11

It aakumi o nggween paga maluk eeko menggaarak nogo onggo eeppiige, It aap maluk eeka mendek inomaluk onggo inoba kwippiige, Nit iya o, yinuk, wogoppatit nugwi nogo tebenogo piige, Iniki worokot logonet, agan nugwi nogo inomaawi lek eerogo piige, Eerigin o.

Yetaya 14:15

Melak togon aakumi kambunuk nogo menggam mbo wuppagage, Mbuun ambe kiiniki paga lombok wuppagage, Eeke kagarak o.

Yetaya 2:17

Aakumi iniki wogoppakwi nogo tebenogo piige, inanggup tiyappakwi nogo at abu'me tebenogo piige, Eerigin me, Ne ti eyom paga Aliku ALA mban endage tiyak yigin o.

Yetaya 23:9

Lek o! It aakumi eerit nugwi paga inendage tiyak ari kenok, wogoppakwi nogo abok aret tebenogo piige, It aap o nggween paga inendage warak wonogwe nogo lek eerogo piige, Eerikit nduk, Nomaawi Lombok Minggirak Naliku an ALA nen aret koonogo pege nagarik, lek eerogo pigirak o.

Yetaya 24:21

Ne ti eyom paga at Aliku ALA nen it inomaawi ambik mbogut irimbaga menggaarak nogo aaninggin inoba piige, Ndi, it o nggween paga yime it aakumi nggween paga mendek inoweewi inendagembogut nogo aaninggin inoba kwippiige, Eerigin o.

Yetaya 25:9

Ne ti eyom paga it aakumi nen yogo logonet, “Eeppinanege yi ti, ninogoba Ala nen aret o. Ninagap ndaruwak nduk, tokkogo nogoorak nogo at aret. At tokkogo nogoorak nogo Aliku ALA yi aret me, ninale'nggen mbakwi, Ninagap ndakerak me, ninale'nggen nen ndawi lubuk yogwe, Eeko logowok o,” yinuk, yugun o.

Yetaya 26:1

Ne ti eyom paga it Yekura wonogo menggam ndawi wako logogun nogo yi aret. Nit ninawi kota mondok omaawi aret wonage agaarik o. Yugum pak wurik eyak panggonak ti paga ninagap ndarak logowok nduk, ninogoba Ala nen eerogo pinanege me,

Yetaya 28:5

Ne ti eyom paga at Omaawi Lombok Menggerak Aliku ALA ti, At apuri eegu yumbunik wonogwe nogo Nggare-nggare laambu yanggwi negen inanobak paga yirik kwak, Eyo anggen laambu mendaarak inenggaanok me yirik kwak, Aret logogin o.

Yetaya 29:18

Ne ti eyom paga mbuku pirik-perek mbanak nogo lunggwi iinok, it aap inaruk logu nen inaruk konenggwi, Ndi, it aap inigen mbuk o yumaak apit aagome wonogwe nogo inigen kogwe, Eerugun o.

Yetaya 30:18

Togop kwe, at Aliku ALA nogo nen, “Obeelom eeppiyaakit lak, ao,” yinuk, tokkiige, Kinabuwa nen eeppinagakit nduk, pipuk aago wonage, Eeke agaarik o. At Aliku Ala a'me nggelok eeppiige menggerak me, “Eeppinanuwak o,” yinuk, It abok aret at tokkogwe nogo inale'nggen mbako logogun o.

Yetaya 30:23

At nen kineyabume yi mendek ndi mendek awi yarumonggotak mbilanuwak nduk, mayu nappi woramenggerak paga kinambi ambik abe aret nunggo logomunggup o. Ne ti eyom paga kinaanggumi nggween nggwok wiganak paga inagari'ngga abe nenet nugwi,

Yetaya 37:23

At ta meek eerogo pege? Ha! yinuk, ta agi'ndok kangge? Ta kenok, oone nggwok paga yoge? Ta kenok, iniki wogoppake? Eeke ti, At Kikak Nakeelik Alik Leenak Iterali inogoba kenok aret eeke agaarik o.

Yetaya 4:1

Ne ti eyom paga kumi ineebe 7 nen aap ambit-ambi ineenggi pippunuk, yogo logonet, “Nit ninogonggelomini lek me, ninenggali mbakak nugwi nogo lek aruwak nduk, kat nen, An nakuwi kit aret, yo'niret o. Yo'nirage keenok, ninambi noorak inom, ninayum yikkoloorak inom, ti, ninalik ninobaalombok nen aret kwaakkologo logogun o,” yinuk, yogo logogun o.

Yetaya 40:23

It aap inendage warak wonogwe nogo inendage lek eerogo piige, Aakumi inarum waka o nggween paga wonogwe nogo tebenogo piige, Eeke menggerak o.

Yetaya 52:6

Togop aret me, napuri nendage ineenu ogwe, Togop me, Ti eyom paga eerigin, yoragaarak nogo ti, an nen aret yagarak ineenu ogwe, Eerugun o. Ndi, yagarak ti, an nen aret yagaarak o,” yinuk, yegerak me, yokkigi o.

Yeremiya 12:9

Yi towe ndi towe enggaanggum nengga nen Towe it mendek eeruwak yabenggek-ndabenggek aago nogo paga ninggippunuk, warogo mbelek togon nunggo mengga kwak, Neyate kwak napuri nogo togop aganakwi lek mbakop? Togop aganakwi aret me, ndiimbu-nggwiya abok aret nen nawak nduk, kuwak eerogo piya mok o.

Yeremiya 9:24

Ata, aap ambi nen wone tiyappuurak mbake kenok, wone eebe tiyappuurak nogo yi aret. O nggween paga yime aakumi inabuwa mbakwi, Eekaatak a'me nggelok eeppiigwi, obeelom mban eeppiinet nugwi, Eekwi paga ninikilom mbake minggirak Naliku ALA neebe at eenu wonage, Ndi, an eeke minggirak liippanege, Eeke logorak ti aret o,” yinuk, Aliku ALA nen aret yegerak o.

Yetikiyen 38:14

Togop aret me, aakumi nen ndarak yi wae. At Aliku Itok Menggerak ALA nen yegerak nogo yi aret o, yinuk, at Nggok eeppuurak nogo yoge logonet, Napuri Iterali iniki ugun tayenak wonogwe iinok, at liippigin lek ya? Liippigin aret me,

Yetikiyen 38:19

Neebi lombok ee'nake, nanini kani kunik negen mi'nage, eeke logonet, ne ti eyom Iterali inanggween paga time o mi ndipuk mondok iya tit eerigin o, yinuk, yagi o.

Yetikiyen 39:11

“Ne ti eyom paga it Iterali wonogo menggam oonegen lagi wage menggim pa'nggwe tu niyo nggwok laut paga nogo menggam kobappaga time, at Nggok eebe taambuurak nggween mbanogo wogorigin o. At Nggok inom, at awuri ineebe ambik aago inom, ineebe time taambiigwi iinok, tu ti, non mbanogo pigin me, aakumi tu ti paga nogo logogun lek o. Togop me, o ti endage, Aap Nggok Awuri Ambik Aago Taambiyareegwam Kobappaga o, yinuk, yogo logogun o.

Yetikiyen 39:22

Nendage tiyanak neyaawak nduk, eeke ne ti paga nen nok aret eeppiinet nage paga it Iterali mendek nen Naliku inogoba Ala an aret ineenu arugun o.

Ndaniyen 4:34

Ndi, “Tahun ndogop logorak,” yugu nogo abu aret ari wage mbareegi, an Nebukanetat nena mbogut paga ni'nage neegak, niniki nambokan agagerak nogo nenaame ari wage mbareegi, at Tiyanak Lombok Menggerak nogo alut eeke, at eenik mondok menggerak nogo ayuk wuke, endage tiyappege, eereegirak o. At wone lengganogo yorage menggim omaawi menggerak ti, lek arigin lek mondok omaawi aret wonage, Aakumi nda'narit wundi wogwe iigak, at abu'me piinok menggim nogo mondok wonage, Eerak logogin o.

Oteya 2:16

At Aliku ALA nen ari logonet, “Ne ti eyom paga at nen, Nombo agugi o, yinuk, an yo'nirigin lek o. Ata, Kat nogonggelo aret, yo'nirigin o.

Oteya 2:18

Ne ti eyom paga ndiimbu-nggwiya o karume nugu menggaarak inom, Yi towe ndi towe wiga agan nugu menggaarak inom, Yi mendek ndi mendek inaanogum nggween mbaanggagak nugu menggaarak inom, nen At ineyak mbanggwi iyo, it ninom wone mbanigin o. Yigin inom, wooluwak inom, wim eekak inom, o time nen abok aret lek eerogo pigin me, It abok aret iniki ugun tayenak logonet nogo yogo logogun o.

Oteya 2:21

Aliku ALA nen ari logonet, “Ne ti eyom paga at oone yo'nege kenok, naruk konengge, Naruk konembunuk, o mayu wuppi woroorak mbogut yoge, Yoge neenok, mbogut nen mayu wuppi wage,

Yowen 3:18

Ne ti eyom paga puut-puut yabume eyo anggur amburu nggi-nggi wambit nage, Ndi, puut-puut teberogon inaanggumi inagari'ngga abe mban mbanogo nenet nugwi paga inelak amburu tene-tene wambit nage, O Yekura nggelok-nggobok me abok aret niyo nage nogo porok yaga'lek nage mban wonage, An nawi wurik me nen niyo eneeri kila-kila wungge logonet, o Titim Kobappaga time miin eerogo pit nage, Eeke logogin o.

Amot 9:11

“It Iterali nen aakumi o Erom eegu yumbunik wonogwe nogo inabu'me piigwi, It yi aakumi ndi aakumi, Nogoba Ala aret o, yinuk, yogo logomenggaarak nogo, inabu'me piigwi, Eeruwak nduk, Ne ti eyom paga Ndawut awooliya wurik langgunnagagerak nogo obaane'me wuke, Yugum pak wurik langgunogo pereegwaarak nogo, obaane'me wuke logonet, aa'nduk wurik wonagagi kwak eerogo pege, Eerigin,” yegerak o. Eerigin yegerak yi, Aliku ALA nen aret yegerak me, yokkiragi o.

Obaya 1:8

Aliku ALA nen ari logonet, “Ne ti eyom paga aakumi iniki warak o Erom mendek an nen lek eerogo piige, It yi wone ndi wone yelok kaga it Etawu mendek menggam puut nggelok-nggobok me wonogwe nogo, maluk eerogo piige, Eerigin nogo lek a?

Mika 2:3

Togop aret eeko menggaarak me, Aliku ALA nen ari logonet, “An nen it aakumi yi, maluk eerogo piyoorak koonogo pege me, inoba kwippiige neegak, kole mbaganggwi, Ne ti, maluk eerogo piyoorak eyom aret me, An iya! mbakak mbaganggwi, Eeriyak meek aret kaagun o.

Mika 4:6

Aliku ALA nen ari logonet, “Ne ti eyom paga an nen it inendop yilugu negen nogo kuwak eerogo piya wage, It mbo piya nogogwaarak wonogwe nogo, ambit me wonggonogo piya wage, Aaninggin-paaninggin inoba piyareegirak nogo, kuwak eerogo piya wage, Eerigin o.

Mika 5:10

Inawi kota-kota lek eerogo pege, Ineebe op logowam inobak wurik nogo ndengganogo pege,

Tepaniya 3:11

Ne ti eyom paga it an noone taganogo mbo punuk, maluk eerogo panugo nogogwaarak nogo, inenggali wappiyaagin lek o. It inoreewi, Nit iya o, yinuk, iniki wogoppako logomenggaarak nogo, o yime nen mbo wumbiyaagin me, It ando perak, nabuut alik leenak paga yime wonogo logonet iniki wogoppako logogun lek aret o.

Tepaniya 3:16

Ne ti eyom ari wage kenok, it aakumi nen at Yerutalem yogo logonet, “Kat Tiyon yi wae. Kagabiti nen komanggen tayok ari ti, mage o.

Takariya 9:16

Aap ndomba ndegeninaka nen andomba ndegeninake menggi kwak, ne ti paga at Aliku inogoba Ala nen apuri inagap ndarigin o. Nggare-nggare yugum abinak mendek nabenak kere'li-kere'lo eeke menggi kwak, It at apuri Aliku ALA anggween paga logonet, togop aago aret logogun o.

Maleyaki 4:1

At Omaawi Lombok Menggerak Aliku ALA nen ari logonet, “An nen aakumi eeppiya woroorak ne nogo ti, abet aret woraagin o. Yugum kani pugu wunuk ari menggi kwak, woraagin me, it aap iniki wogoppatit nega inom, maluk eeriyak mban mbaka inom, wiiringga kani nenet nage menggi kwak nenet nagin o. Ne ti paga kani nenet nage logonet, wiiringga owak inom, omanggen inom, pup eerogo nengge menggi kwak, togop aret eerogo nagin o.

Lukat 18:14

Imbirak tamban togop aret eereegwaarak kwe, at tamban aa'nduk eereegerak nogo lek o. Ata, peebi eereegerak nogo mban Ala nen, Aap ti, iniki obeelom aret kagi o, mbake kagak, ame aret nagagerak. Aap ambi iniki tiyappake kenok, tebembege, ndi, iniki tebeppake kenok perak, tiyappege, eeke menggerak o, yinuk, yokkiragi o,” yoragagerak.

2 Korindut 10:17

“Kit ambi nen wogoppatiyak mbakwi kenok, Ala nen eeppinagage kagak, eeko monggotak me, at mban wogoppogo logonip o.”

2 Korindut 10:5

At Ala mban ninenggaawak paga logonet, it abe wone taganogo punuk inoone we ugun agan nugwi nogo inoone lek eerogo piigwi, “Ala wone mban kineenu a'nuk logorak ti meek o. Ata, yi wone ndi wone abok aret kineenu ariyak perak op o,” yinuk, wogoppatit nugwi nogo tebenogo piigwi, ndi, nit niniki mba'nuk eeriyak koonit nugwi nogo tebenogo punuk, Keritut yo'nirage kenok mban eekwi, eerit nogo ogoorik o.

1 Peterut 5:5

Togop me, kit aap tawe nen eeko logorak wone ambi yokkira o. Kinogobamini nen inoone yokkirogwe iinok, kinaruk liirogon konembunuk eeko logonip o. “It aakumi iniki wogoppako menggaarak kenok, Ala nen tebenogo piige menggerak kwe, Iniki tebenak wonogwe iinok perak, Inabuwa nen obeelom eeppiige menggerak o,” yinuk, yereegerak Ala wone liiru mbanak wonage me, kit abok aret kiniki tebenak logonet, yeenggwa-yeenggwa eeko logonip o.