Yetaya 2:10 - Ala Wone Peenok Peebi Mbanak

¹⁰ Aliku ALA abu tiyanak pi wakugak obaanggi-obaangge li'luk ee'nuk wage, Aakumi inamineeri ne agan noorak mendek eeppiige, Eeke kenok, It kole puut-puut yugum ambe nggaganak me unggwit nogwe, Nggween nenaarak me kumaa'nari unggwogwe, Eeruwak o.

Yetaya 2:10 ပူးပေါင်းရင်းမြစ်များ

Ayup 31:23

Ala nen aaninggin ambi noba panege kero, nagabiti mbake, At mondok iya tiyanak lombok menggerak ayuk wuke, Eekirak me, Togop eerulik o.

Ayup 40:13

It abok ambugwi aret nggween taambiige, Keele maarogo kambunuk nogo menggam mambiige, Eeke logot o.

Ndawi 90:11

Kanini mondok iya lombok menggendak nogo, Aap ta nen eenu age, Kat kanini mondok iya eeppiige ndak-ndak it aakumi inagabiti kombakwi me, Ta nen aganak nuk ega'lek lambek puk wonage, Eerigin mbaken? Lek aret o!

Yetaya 10:3

Togop eekwi me, eekotak onggo aaninggin kinoba ari wage, Kineebe lek eerogo pinagarak nduk, o nda nen wogwe, Eeriyak eyom paga nano eeriyak mbakop? “Yeenggwa niret o,” yinuk, mbe agan aap ta yori nogwe, Kinamendek ambik aago nogo o nggeeme punuk mbaganggwi, Eeriyak mbakop?

Yetaya 25:11

Aap niyo ngguu'mo wundogo logonet, ineenggi mbigappegak warit wunda nogo mengga kwak, It aakumi Mowap mendek nen it inaan wurik amok mbanak paga ineenggi labuk-mbabuk nogo logogun o. Inomaawi logowok nduk, eerit nugwi paga iniki wogoppakwi nogo Ala nen inomaawi lek eerogo piige,

Yetaya 42:22

Aakumi alik nen it aakumi yi, inooppiinok inagugun waganggwi, Iname unggwi nanuk, inamendek kologwe, Mbuun ambena mbo wuppiigwi, o keele maarogo mambiigo menggam kumaarogo piya unggwogwe, Eeko menggaarak o. Ineebe tebenogo piinok, inagugun waganggwi iigak, it ambi nen yeenggwaara wogwe, Iname unggwi nanuk inamendek waganggwi iigak, it ambi nen munogo nappiiga'lek wonogwe, Eeko agaarik o.

Yeremiya 10:10

Kaliku ALA perak, kalik Ala aret! Kat kanggeelik mondok keenik wonage, Kendagembogut kitok mondok wonage, Eeke menggendak o. Kanini mbake keenok, nggween yi nuk-nuk ari, Kanini yi aakumi ndi aakumi inoba piige keenok, ko wappunuk, wonaga'lek iniki ma'nogwe, Eeko menggaarak.

Yeremiya 10:7

It yi aakumi ndi aakumi inowe endagembogut yi wae. Taani nen kat kayuk wuriyak lek mbako agaarik? It aakumi inanebunu lombok inom, it inoweewi aap inendagembogut inom, apit aret inenggela'me Kat kokwak aap iniki warak ambi lek aret me, Kat mban kayuk wuko logorak ti op aret o.

Yeremiya 13:9

“Naliku ALA nen yokkege yi aret. Kobee'le agaarak kagandak nogo ti ndak-ndak it aakumi Yekura iniki wogoppakwi, it Yerutalem wonogwe nen, Nit iya lombok, mba'nuk, iniki tiyappakwi, eekwi nogo an nen lek eerogo piyaagin o.

Oteya 10:8

O Mbet-Awen puut-puut kugi awi wuppunuk maluk eerit nugwi ti, Iterali maluk eeko menggam aret me, Lek eerogo pit nagun o. It inayuk wukwi inake warogo wogoragak ogobakkigirik nogo paga iri'ngga alok-palok mban yinik-kunik eerogo pege kenok, It nen, “Nit nineebe noba'ninabu o,” yinuk, puut-puut yorogwe, Ndi, puut-puut teberogon nogo yorogo logonet, “Kit nen aan wogonogo nineebe lebembinaninuk logonip o,” yinuk, yorogwe, Eerugun o.

Nakum 3:11

Kat kunduk niyo amburu nenok kumili kunggo mengga kwak kumbunuk, It kinom wim mbanak nen kwaakkeyokwak, kumaa'nari nage, Kagap ndakko'nok kole mbagangge, Eerumunggun o.

Lukat 12:5

Kit kinagabiti mbarumunggup nduk, an kurumbi yokkira o. At kinagabolo mondok kinooppunuk, kani omoonuk wunuk mban ari menggim nappinagarak unde menggerak ti perak, kinagabiti mbako logonip o. At mondok kinagabiti mbako logonip o, yinuk, yokkirage agarik o.

Lukat 23:30

Ti eyom paga it aakumi nen puut nggwok yogo logonet, Nineebe aan lebenogo pinanu o, yinuk, yogwi, ndi, puut mbuuluk yogo logonet, Nineebe taanogo pinanu o, yinuk, yogwi,

2 Tetalonika 1:9

Ti eyom paga nit at apuri ake leenak nogo nen at eebe tiyappugwi, ndi, nit wone paganogo yokkirogogurak paga abet mbareegutak me, kit ninom abet mbakwi abok aret, “Wi!” ugwi, eeruwok nduk, woraagin o. Wage kenok, it Ala ineenggo'lek Yetut eeke nagagerak obeelom wone wagangga'lek mendek nogo, maluk onggo mondok-mondok aganabuwak nduk, at Ala nen, “An nomaawi paga eeppiinet nage neenok, aakumi nen, Wi! nugu menggam nenggaawak paga yayi logorak lek o,” yinuk, ogoorogo endekem wumbiyaagin o.