Yetaya 19:6 - Ala Wone Peenok Peebi Mbanak

⁶ Niyo Nin elaganggen obari arit nage, Mbinik-mbenak wangge nagaatik, poro agan lek age, Aa'nggi paga piinde mbereewak wonage nogo mbuk arit nage,

Yetaya 19:6 ပူးပေါင်းရင်းမြစ်များ

Wakkagagerak 41:2

tapi ineebe 7 inamok ambik ineeruwak mili obeelom mban niyo inikime nen wundi wogo nogogwaarik, niyo aa'nggi paga iri'ngga mbanogo nenet nugwi iyareegerak.

2 Endagembogut 19:24

Aakumi nggiru iname nggween kabunogo punuk, Time nen niyo toologo nengge, Yi niyo ndi niyo o Metit wonage nogo Niyok awo mbaanggage neegak porok ari, Eeke nagagirak o, yinuk, agan nege nagagerak kwe,

Ayup 8:11

Purok lek me, longgop nggorek lagangge, Niyo amburu lek me, mbereewak kwit agan lagangge, Eeke menggerak mbaken?

Ayup 8:12

Niyo lek kenok, iri'ngga mbet-mbet mbuk age menggi kwak, Longgop mbereewak imbirak anggen yege, eebe kole age, Eeka'lek kagak Mbet-mbet mbuk age menggerak o.

Wundeegwaarak 2:3

Tut kenagan penengge mbareegi, elege nogo ambinom kumaapporogo logorak meek age kenok, agalo nogo nen mbereewak ambi muun negen yonggon-yonggon yappunuk, niyo unggwage kero mut amburu negen aspal paga endekem-akem mbenangge nagagerik, elege nogo nogome yonggoppunuk, wonok niyo Nin aa'nggi paga mbereewa'na time kumaappi nagagerak.

Wundeegwaarak 7:18

Amiya age kenok, ikan niyo inikime wonogwe nogo kambit namenggaarak paga niyo obari arigin me, it aakumi nen noorak abu meek aret kaagun, yegerak, yori nanu o,” yinuk, yoreegerak.

Yetaya 15:6

Niyo endage Nimirim mondok porok ari, Iri'ngga-kale'ngga abok aret mbuk age, Iri'ngga ki ambi wonage lek abok aret mbuk eerogo pege, Eerak wonage kagarak.

Yetaya 18:2

Kun yiiro mbanak paga aap wone unde niyo kole yenggenak nggaruppegak nawak nduk nappiigwi, Eeko menggam wonogwe nogo, inabuwa o! Kit aap wone mbet-mbet wonok nega yi, It aakumi ineebe yerek-nggorek inagabolo teretak lombok tawe wonogwe, It aakumi nda wonogwe inom, koorok wonogwe inom, nen inayuk wukwi, Aakumi inoone alik inogogumbuk wonogwe, Aakumi inanggween paga niyo ambik nage, Eeko menggam nogome Wone wonok kiniyokan nanip o.

Yetaya 37:25

Aakumi nggiru iname nggween kabunogo punuk, time nen niyo toologo nengge, Yi niyo ndi niyo o Metit wonage nogo niyok awo mbaanggage neegak porok ari, Eeke nagagirak o, yinuk, agan nege nagagerak kwe,

Nakum 3:8

O kota Teba niyo Nin aa'nggi paga wonage ti, Yugum pak wurik kwak niyo mban wanggerak wonage me, tebenogo puurak meek wonage kwe, “At ti, meek, ndi, an perak, iya lombok,” mbake agandik ya? O kota Teba eebe op logorak ti, niyo Nin aret. Ndi, at ayugum pak wurik kwak ti, niyo wanggerak ti aret.