Yetaya 19:2 - Ala Wone Peenok Peebi Mbanak

² “O Metit it-it aret ogooppunuk wim eeruwak nduk eerogo piyaminggirak paga It inoweewi nen inawuri inom aret wim nambukwi, It inoreewi inom wonogwe nen inom wonogwe aret inom wim nambukwi, O kota ambi nen o kota ambi inom wim nambukwi, At ambi abu'me piinok menggim nen at ambi abu'me piinok menggim inom wim nambukwi, Eerugun o.

Yetaya 19:2 ပူးပေါင်းရင်းမြစ်များ

1 Endagembogut 16:21

Ne ti eyom paga it aakumi ando nen aap Ngginat aput Tibini mippuurak yogwe, ndi, it ando nen Omiri mippuurak yogwe, eeko logonet, Iterali oolo mogonggologogwaarak.

2 Mbinineegwaarak 15:6

At Ala nen aaninggin-paaninggin anebunu lombok inoba piigak mban eeke paga, Nonggop eekkoloobok, wonogwe iigak, aakumi o ambime mendek nen o ambime mendek tebenogo piigwi, it o kota ambi nen it kota ambi tebenogo piigwi, eeko nogogwaarak.

Yetaya 3:5

It aakumi ti nen an iya kat iya yogo logonet, It ambi nen it ambi tebenogo piigwi, Imbirak koorok wonogwe nen at ambi tebenogo pegak eekwi, Wologwe nen inogobamini tebenogo piigwi, Inendage lek nen inendage warak tebenogo piigwi, Eeko logogun o.

Yetaya 9:21

Neyak-keyak yogo logonet, it aap Manate mendek nen Eparayim mendek inoorogo piigwi, Ndi, it Eparayim mendek nen it Manate mendek inoorogo piigwi, Eeko logonet, It imbirak lambunna'nuk, Yekura inom wim eerugun o. Togop eerugun kwe, at Ala anini inombake nogo lek aga'lek ambinom inoba pikit nduk, “Ndime eeri nanip o,” yinuk, eenggi titik irage agaarik o.

Yeremiya 46:12

At maluk eerogo pegaarak nogo aakumi inanebunu lombok nen inaruk konenggaarak o. At kwa ari nogo o nggween paga abok ndak warit nage, It aap wim eeka it-it iniyogobit lin-lin yogo logonet, nggween paga ngginnarit nogwe, eekaarak o,” yinuk, yegerak me, yagi o.

Yeremiya 51:46

It o time logonet, Ndogop arigin o, yinuk, yogwe, Tahun yi paga, Yogop arigin o, yinuk, yogwe, Tahun peebi paga, Ndogop arigin o, yinuk, yogwe, Inoone aganggen kereembu yogo logonet, O time maluk eeppiinet nogo agaarik o, yinuk, yogwe, Aap inendagembogut nen it aap inendagembogut tebenogo piigwi o, yinuk, yogwe, Eekwi nogo Inaruk konenggwi iinok, iniki ma'nage, inogut nggigik ari, eerugwaarik o.

Yetikiyen 38:21

Iterali wonogo menggam puut-puut paga nen wooluwak wonok aap Nggok tebenogo pi woraawak nduk, inayonggo piminggirak wonok wogwe iinok, inagabiti nen at ore nen at ore ambi wakak eeko logogun o, yinuk, Naliku Nitok Minggirak an ALA nen aret yagi o.

Takariya 8:10

Ti wuriyak awo eeka'lek kagak, aakumi yabu eekwi onggo inom, inaanggumi yabu eeppiigwi onggo inom, wogoroorak lek aret o. Ndi, inom wat-wat yogo logowak nduk, eerogo piyareegirak me, it iname yinggwi-unggwogwe eekwi nogo nen, Ninawim nen eeppinani wogwe iyo, yinuk, iniki aaninggin wonogogwaarak kwe,

Matiyut 10:21

Ore ambi waruwak nduk, ore ambi nen eenggi pigogo wogorage, apuluk waruwak nduk, ogoba nen eenggi pigogo wogorage, inapurilogwe nen inagalomini-inogobamini inom ogooppunuk, inooruwak nduk, yorogwe, eerugun o.

Matiyut 10:36

It aap wim nggaganggwi nogo ti, inawi ambit me mendek nen aret eekwi iyaamunggup o.

Matiyut 12:25

mbakwi at Yetut nen yelok iige nagagerik, it yorage logonet, “Aap inowe ambi at abu'me menggaarak inom it-it ogookko'nok ma'nogwe iigak, at abu'me piige menggim omaawi lek aret arigin o. Ndi, o kota ambi a, kunu ambi a, it-it aret ogooppunuk, mbaganggwi iinok ti, inawi ti wuum lu agan nage logogin o.

Matiyut 24:7

Aakumi inanebunu ndegek wim nambukwi, aap endagembogut ambi awuri nen aap endagembogut ambi awuri inom wim nambukwi, eekwi iigak, o yi awi ndi awi mbi noogelo age, mi nggwok nuk ari, eerigin ti,

Marakut 3:24

It aap inabu'me menggaarak it-it ogooppunuk ma'nogwe kenok ti, it inabu'me piigo menggam nogo omaawi logogun lek o.

Owak Loongga 7:22

Nogwe iigak, aap Nggireyon awuri ineebe tiga ratus nen oone nggwok eeka trompet nogo oone pu eeko mbareegwa, at Aliku ALA nen it aap Miriyan mendek ineegin warak it mban-mban wat-wat agan nogo logowak nduk, eeppiige mbareegi, it mban-mban wat-wat agan o Terera pa'nggwe o Aben-Mekola kota Tabat koorok o Mbet-Tita kuli time mbaganit nogogwaarak.

Owak Loongga 9:23

Eeke mbareegi, at Ala nen Abimelek it aakumi Tikem menggaarak nogo inom ogookkolaawak nduk, eeppiige mbareegi, it aakumi Tikem menggaarak nogo nen, logonet-logonet aap Abimelek pilit pugunogo ambokan laganggo nogogwaarak.

1 Tamuwen 14:16

Ndi, Tawun awuri tum waka it Mbeniyamin mendek inanggween paga o Nggibeya wonogwe nogo nen it Pilitin mendek ineegin warak nogo iniki ma'na'nuk, agi nagak ogu nagak agan nugwi inigen iigo nogogwaarik,

1 Tamuwen 14:20

Ari nagagerik, wim namburuwok nduk, at Tawun awuri abok aret inom kuwak eeppunuk, wim tinime nogo nogogwaarik, it Pilitin mendek nogo mbuti wooluwak paga it mban-mban wat-wat agan nogo logonet, inoone ya-kwa yogwe iyareegwaarak.