Yetaya 17:4 - Ala Wone Peenok Peebi Mbanak

⁴ “Ne ti eyom paga at Yakup endage tiyanak, Wi! ugwi nogo lek arit wangge, At eebe amburu nggwi ari wonage nogo lek age, Eerigin o.

Yetaya 17:4 ပူးပေါင်းရင်းမြစ်များ

Wakkagagerak 41:3

Ti'nuk, tapi alik ineebe 7 inamborowak ko aago inaga'lu kunik niyo Nin inikime nogome nen wundi wogo nogogwaarik, it inaa'nduk wundi wogogwaarak nogo inowagam wogo nogogwaarik,

2 Endagembogut 17:3

At Koteya nogo aap Atiyut inowe endagembogut Talamanetet abu'me piinok logonet, tahun ambi eekak paga inarum wonage onggo wu wogoge nagagerak nogo, ambinom wogoga'lek teppunuk, aap endagembogut Metit mendek endage To imbirak arikit nduk, awuri nappiige nagagerak ti paga aap Atiyut inowe endagembogut Talamanetet nogo nen, “Nambokan lagangge me, tebenogo pi na o,” yinuk, wage nagagerik, eebe pippunuk, keele maarogo mambiigo menggam mambereegerak.

2 Endagembogut 17:6

Aap Koteya endagembogut wonage kagak, tahun 8 eeppunuk, ambi age paga aap endagembogut Atiyut mendek nen o kota Tamariya tebenogo piinok, aakumi Iterali mendek ando wogoren, o Atiyut piya nage nagagerik, o Kala inom, niyo Kabot aa'nggi paga o kota Nggotan inom, it aap Marayi menggam o kota-kota inom, oone omaawi paga, “O yime aret logonip o,” yinuk, yoragagerak.

Yetaya 10:16

Togop aret me, at Omaawi Lombok Menggerak ninogoba Aliku ALA nen aap Atiyut mendek inowe endagembogut awuri ineegin warak wakaa'ngget nogo kugi wuruurit eeginaka inoba kwippiige, Ndi, iri'ngga kani wunuk ari logonet, pup eerogo nengge menggi kwak, At endage nggwok age paga wogoppatit nage nogo, togop aret lek eerogo pege, Eerigin o.

Yetaya 10:3

Togop eekwi me, eekotak onggo aaninggin kinoba ari wage, Kineebe lek eerogo pinagarak nduk, o nda nen wogwe, Eeriyak eyom paga nano eeriyak mbakop? “Yeenggwa niret o,” yinuk, mbe agan aap ta yori nogwe, Kinamendek ambik aago nogo o nggeeme punuk mbaganggwi, Eeriyak mbakop?

Yetaya 10:4

Lek aret me, aakumi keele maagaren nogwe inenggela'me yipik agan nogwe, Aakumi inoorit nogo logonet, kit kinom kinookwi, Eekwi ti mban aret eekkinako logogun o. Ti abok eekkinabugun aret kwe, At anini kinombake nogo lek aga'lek ambinom kinoba pinagakit nduk, “Ndime eeri nanip o,” yinuk, eenggi titik irage agaarik o.

Yetaya 17:3

O Eparayim ineebe op logorak pak wurik wonage nogo langgu-langgu wambit wage, At aap o Ndamitik abu'me piinok menggerak nogo endage lek age, It aap Tiriya mendek eegu mogonik inendage abu tiyanak nogo it Iterali inendage tiyanak lek agagi kwak aret age, Eerigin o,” yinuk, at Omaawi Lombok Menggerak Aliku ALA nen aret ari kagarak o.

Yetaya 24:13

Eyo tayitun anggen yawi lombak mbanggwi iinok, ambitak kagak nggaru-nggaru wambit wage menggi kwak, Anggur anggen yegetak mbanit nogo logonet, ambitak teppogo mengga kwak, O nggween paga yime yi aakumi ndi aakumi inenggela'me togop aret eerogo piyaagin o.

Yetaya 24:16

“At mondok abe koonak mban eeke menggerak me, ayuk wuko logowok o,” yinuk, O nggween irip yobok paga nen ndawi wako logonet, inoone nggu-nggu yogwe konenggo ogoorik o. Togop aret konenggwi kwe, an nen ari logonet, “Neebe wono eerogo panege, neebe mbuuluk eerogo panege, Eeke me, nabuwa o! It aakumi inambokan lagangga nen aakumi inambokan laganggwi, Aakumi inambokan laganggwi iinok, it aakumi inambokan lagangga nen aakumi alik inambokan laganggwi, Eeko agaarik,” yagarak o.

Yetaya 9:21

Neyak-keyak yogo logonet, it aap Manate mendek nen Eparayim mendek inoorogo piigwi, Ndi, it Eparayim mendek nen it Manate mendek inoorogo piigwi, Eeko logonet, It imbirak lambunna'nuk, Yekura inom wim eerugun o. Togop eerugun kwe, at Ala anini inombake nogo lek aga'lek ambinom inoba pikit nduk, “Ndime eeri nanip o,” yinuk, eenggi titik irage agaarik o.

Yetaya 9:8

Ninogoba Ala nen it Yakup mendek aaninggin inoba kwippiyoorak yorage, It Iterali inoba aret kwi'nage, Eerigin o.

Yetikiyen 34:20

It togop aret eekwi me, Naliku Nitok Minggirak an ALA nen it yoroorak nogo yi aret o. An nalik nen it ndomba amok warak inom, amok lek inom, inawone amburu mbanogo onggo eeppiige neyaagun o.

Amot 3:12

Aliku ALA nen ari logonet, “Singa nen ndomba wappunuk nengge logonet, iyok a, aruk a, ti mban yumbunogo mbo pegetak me, At aap ndomba ndegeninaka nogo kwaakkage menggi kwak, It Iterali mendek o Tamariya wonogwe nogo togop aret inagap ndarogo piige neenok, Nogo yegak lit yarak mban kologwe, Inanobak anep mbanak mban waganggwi, eerugun, yegerak me, yagi o,” yinuk, yoragagirak.

Tepaniya 2:11

At Aliku ALA nen it aakumi o nggween paga yime inagugi lek eerogo piige kenok, Inagabiti nen, “Aliku ALA ti, iya!” yinuk, yi aakumi ndi aakumi nggween paga wonogwe abok aret inalitik-inalitak menggam logonet, Aliku ALA abu'me tebe yinuk, at alut eeko logogun o.