Yetaya 17:2 - Ala Wone Peenok Peebi Mbanak

² Ndi, o Tiriya kota-kota mondok-mondok mbo punuk, mbaganggwi iigak, Kambin-ndomba ye mbambunuk, time windak wonogo logogun me, ndinduk yuwak nduk, Aap ambi nen mbaaniigo logogun mondok lek aret o.

Yetaya 17:2 ပူးပေါင်းရင်းမြစ်များ

Ayup 11:19

Kat nogo yege me, It ambi nen piyakkakwi lek ugun logonok nduk eeppagage, Eeke kenok, Aakumi ambik inale'nggen nen keyage wokkako logogun o.

Yetaya 27:10

O kota yugum pak wurik nu'lek wonage nogo o wogo aret wonage, Karume yi oone ndi oone lek menggi kwak aago wonage, Eerak wonage me, Time tapi inaagalogwe inagari'ngga mbanogo nenok winnogwe, Eyo anggup-engga konaarogo nunggwi, Eeko logogun o.

Yetaya 5:17

Ti eeke kenok, O kota yigirogo pugun nogome ndomba inagari'ngga nenet nugu menggam kwak nenet nugwi, Aap ineenggi warak inawi wurik langgunogo pugun nogome kambin inaagalogwe inom inambi kwaarogo nenet nugwi, Eeko logogun o.

Yetaya 7:21

Ne ti paga mban aap ambit-ambi nen tapi enggelan iyagalo inom, kambin mbere inom, unde wogonake logonet,

Yetaya 7:22

inelak amburu ambik aremenggerak ti paga inelak amburu longgo warak nengge logogin o. It aap o time awo wonogwe nogo inalitak lombok nen yilak amburu longgo warak inom, nggiin amburu inom, nonggo logogun o.

Yeremiya 48:19

It o Aroyet menggaarak ti, tu ambet paga mi'nari nanuk inigen wonogwe me, Aap ambi mbagani wage, Kwe peberagangge aago ambi mbe agan wage, Eekwi iinok, O time nonggop agaarak o? yinuk, ineegwa'me waawak o.

Yeremiya 7:33

Ti eyom panggoni wage kenok, inoorak nogo towe wiga agan nugu menggaarak inom, ndiimbu-nggwiya nggween paga nugu menggaarak abok aret inom, aap ambi nen mugogo nappiyoorak ineebe lek me, inambi-inambiingga pogom inoorak ti, ugun nenet nogo logogun o.

Yetikiyen 25:5

An nen o kota Araba nogo ti, unta inagari'ngga mbanogo nenet nogo logowam eerogo pege, ndi, o Amon ti, kambin-ndomba inagari'ngga nenet nugu logomenggaarik, yonggonggologo logowam eerogo pege, eerigin o. Ti eeke neenok, it nen Naliku ALA an aret ineenu arugun,” yegerak o.

Yetikiyen 39:26

Eeke neegak, it Iterali ti, it inanggween paga aakumi ambi nen mbaaniiga'lek iniki ugun tayenak obeelom aret wonogo logonet kwe, an yorage nogo liippunuk, eeka'lek mbo paninuk, maluk eerit nogo nogogwaarak paga inenggali arit nugwi nogo, inami eerogo pugun o.

Mika 4:4

Inalitik-inalitak inageyo anggur alome kwi'ndak wonogwe, Inageyo wuli alome iniki ugun tayenak wonogwe, Eekwi iigak, “Aap ambi nen inogut nggigik yuwak nduk, eeppiyaagin lek aret o,” yinuk, At Omaawi Lombok Menggerak Aliku ALA nen aret yegerak me, yagi o.

Tepaniya 2:6

Kit kinawi niyo nggwok yenggenak laut aa'nggi paga monggo'nom nogome Kambin-ndomba ndegeninaka inawooliya time wukkologwe, Kambin-ndomba inanggenogo wurogo piigwi, Eerugun o.

Linggineegwaarak 32:34

Ndi, it inanebunu Nggat mendek nogo o kota Ndibon inom, Atarot inom, Arowet inom,

Pelaareegerak 2:36

O Arowet niyo Aronon aa'nggi paga wonage kuli nen nok, o kota ambi kobappaga time nen nok, o kota Nggileyat kuli kota-kota abok aret yugum yagat omaawi wurik kagak at Aliku ninogoba Ala nen wo'niragaarak me, tebenogo pereegurak.

Pelaareegerak 3:12

Yorage nagagerik, ambi yorage logonet, “Ne ti eyom aret inanggween ti, nit kologo nogogurik, o ti paga wonogo logonet, an nen it inanebunu Uruben mendek inom, Nggat mendek inom, nogo ti, niyo Aronon aa'nggi paga o Arowet panggombunuk, o omarip paga pa'nggwe puut nggelok-nggobok o Nggileyat nggween ando kota-kota wonage nogo inom aret wogorage,

Yotuwa 13:16

It inanggween kuli nogo ti, niyo Aronon nggelo'me nage irimbaga kobappaga o Arowet panggombunuk, nggelo'me irimbaga oolo kota wonage nogo paga nen nugwa, o Mereba koorok puut kobappaga kuli wogoragagerak.

Yotuwa 13:25

It inanggween tumburiragagerak ti, o Yayetet inom, o Nggileyat yi kota ndi kota inom, it Amon mendek inanggween ando kuli o Araba koorok kota Arowet inom, wogoragagerak.