Yetaya 16:8 - Ala Wone Peenok Peebi Mbanak

⁸ O Ketibon ineyabu anggur yarak nogo mbuk age, Eyo anggur Tibama wonage nogo kunduk, teebat eerogo pege, Eekerak o. Aa'nduk nen eyo anggur abu abe yarak wigannarit o kota Yawet kuli ari nage, Karume time ton agan nage, Agarip ndarogo niyo kole yenggenak laut paga nagabit nage, Eeke menggerak nogo Aakumi inanebunu lombok inoweewi inendagembogut nen aan lebenogo pit nagaarak me, Ao, mba'nuk iniki wakkologo agaarik o.

Yetaya 16:8 ပူးပေါင်းရင်းမြစ်များ

2 Tamuwen 1:21

Kit puut-puut Nggilobowa yi wae. Kit paga time aap kalu-kalu inanggeemu paga Aakumi inoorak inamiya lengge aago wonage, It aap wakaa'ngget nogo, Inamok Tawun anggeemu paga lenggek ari me, Yi'mbaani kunukwak amburu waka'lek wonage. Yonatan omaale wonok waga'lek namburogo nappege, Tawun awooluwak paga we wonok waga'lek amiya labunik mban wonok wage, Eeko menggaarak kwe, Kit puut-puut Nggilobowa paga inoorogo piigaarak me, Miinanggen inom, mayu inom, kineebe paga wambi wage, Ndi, kinanggween paga yi mendek ndi mendek yaremenggaarak kwe, Anggen abe yege, Eeke logogin mondok lek o.

Yetaya 10:7

At aap Atiyut inowe endagembogut ti nen togop mbaka'lek at alik mbake, At alik eeriyak koongge, Eeke agaarik o. Yi aakumi ndi aakumi abok inenggaawak lek eerogo piyaakit o, yinuk, ari logonet,

Yetaya 15:4

Aap o Ketibon mendek inom, o Eleyale mendek inom, inoone ya-kwa yogwe, Inoone yogwe ti, o Yakat kuli inaruk konenit nogwe, Eekwi iinok, It aap Mowap mendek ineegin warak abok aret ya-kwa nda-kwa agan nogwe, Iniki ma'nogwe, Eekwi iigirak me,

Yetaya 16:9

Togop me, eyo anggur Tibama mendek eerogo pegaarak paga it aakumi Yayetet inale yogo mengga kwak an le ari, Kit o Ketibon inom, o Eleyale inom, eekkinakaarak paga namunggut nale kunik wonage, Eeke agarik o. Kit paga eyo yarak anggen kole arit nage kenok, anggen mbanggologo logonet, Inale'nggen nen keekok yogo nagaarak nogo lek aret agaarak o.

Yetaya 24:7

Eyo anggur aro nogo, mbuk arit unggwage, Anggur amburu ngget toolak porok agan unggwage, Inale'nggen nen amburu noorak mbakwi nogo lek kenok, Ai-ao, yogwe,

Yeremiya 48:32

At eyo anggur kwak o Tibama ti, Eno'mbak wiganinuk niyo laut kuli ari nage, Nok, niyo laut Yayetet ari nage, Eereegerak kagak At maluk eerogo piiga nen at oba kwi'nari unggwage logonet, eyabu yarak me anggen kole agaarak nogo mbangge, Anggur anggen mbanit nage, eekerak paga At Yayetet nen ale ari ti, mbuuluk negen ari kagak kwe, An perak, at ale nggwok lombok ari agarik o.

Linggineegwaarak 21:32

Ti'nuk, at Muta nen o kota Yayetet inigen yombooni nawak nduk, aap nggayo nappiyareegerak. Nappiyareegerak nogo melak togon Muta yori wogo mbareegwa, it Iterali mendek wim eeri nogo nogogwaarik, o kota Yayetet enaagan-ambokan kota mbuulogwe-mbaalogwe it aakumi Amori wonogwe nogo mugogo wumbiinok, o nogome it aret tebenggologogwaarak.

Linggineegwaarak 32:3

“Nggween o Atarot inom, Ndibon inom, Yayetet inom, Nimara inom, Ketibon inom, Eleyale inom, Tebam inom, Nebo inom, Mbeyon inom,

Linggineegwaarak 32:35

Atarot-Topan inom, Yayetet inom, Yogebeka inom,

Linggineegwaarak 32:38

Tebam inom, nogome wurogo piigwi, eereegwaarak. Ndi, o obaane'me mbere wurogo punuk, endage alik tooneegwaarak nogo ti, Nebo Mba'an-Meyon imbirak aret. O wurogo pereegwaarak ti, endage alitak toonogo pereegwaarak.

Yotuwa 13:19

kota Kiriyat-Ayim inom, Tibama inom, kobak nabunogo pereegim irimbaga puurom paga kota Teret-Katakat inom,

Yotuwa 13:25

It inanggween tumburiragagerak ti, o Yayetet inom, o Nggileyat yi kota ndi kota inom, it Amon mendek inanggween ando kuli o Araba koorok kota Arowet inom, wogoragagerak.