Yetaya 16:7 - Ala Wone Peenok Peebi Mbanak

⁷ Aaninggin inoba agaarak ti paga it Mowap mendek leenggu maakwi, Ninawi yi agaarak, ao, yinuk, it abok nen leenggu maakwi, Eeko agaarik o. Oroti anggur anggen woloonak paga worarak o kota Kit-Karetet mendek nogo lek agaarak me, Ao, mbako logonet, iniki wakkologo agaarik o.

Yetaya 16:7 ပူးပေါင်းရင်းမြစ်များ

2 Endagembogut 3:25

inawi kota-kota yigirik-noonom eerogo pugwi, ineyabume abe yarak abok aret yugum paga aan lebenogo pugwi, niyo eneeri abok aret kagaarogo pugwi, yi eyo ndi eyo abe mendek abok aret muurogo pugwi, eerit o kota Kit-Karetet kuli ari nanuk, o ti iluk mban enaani teppereegwaarak kwe, it aap yugum keele paga nggelembunuk nambuka nogo nogogwaarik, wanggeppunuk, keele nombok-kombok nogo paga yugum nggelembunuk, inoorogo mambit nogogwaarak.

1 Mbinineegwaarak 12:40

It Iterali wonogo menggam mondok inale'nggen alik negen nggelok ari mbareegi, it inom koorok wonogogwaarak aap Itakat mendek inom, Tebulon mendek inom, Natali mendek inom, it kunduk yi mendek ndi mendek nunggwi mendek abok aret keledai paga, unta paga, kuda kwak bagal paga, tapi-lembu paga, inamborowak paga punuk, wonok wogogwaarak me, mbato yigirik inom, wuli anggen kuwe eerak inom, anggur anggen woloonak kuwe worarak inom, anggur amburu inom, tayitun amburu inom, tapi-lembu inom, kambin-ndomba inom, abok aret it noorak ambik lombok aret agagerak.

1 Mbinineegwaarak 16:3

Ale'nggen inoba piige nagagerik, it aakumi Iterali time wonogwe nogo aap a, kumi a, abok aret tapi enggaanggum inom, oroti longgo warak ambi inom, anggur anggen woloonak oroti worarak ambi inom, inalitik-inalitak tumburiragagerak.

Yetaya 16:11

Nggitat arigi nggoonggo eeko mengga kwak O Mowap eeppegaarak nogo paga niniki puru ari, O Kit-Karetet eeppegaarak nogo paga niniki ndugu agan unggwage, Eeke agarik o.

Yetaya 8:19

Aakumi nen kit yokkirogo logonet, “It aakumi ambi mendek nen ambi age kenok, inagugi yoroorak lek mbakop? Eeriyak nonggop o? yinuk, it aakumi ineenik wonogwe nogo inake it kambeegwaarak yoroorak op nogo lek a? Yoroorak op aret me, it aap yagap wone yogwe, inoone mumun paga yogwe, eekwi nogo tili pagangga inom, aap inogoma nggiiraga inom, yoret o,” yinuk, yokkirogwe iinok,

Yeremiya 48:20

Waganggwi iinok, Lek o. Puut tiyanak kagak kobak nenaarogo pereegim O kota-kota Kolon inom, Yakat inom, Mepaat inom, Ndibon inom, Nebo inom, Mbet-Ndibelatayim inom, Kiriyatayim inom, Mbet-Nggamun inom, Mbet-Meyon inom, Keriyot inom, Mbotara inom, O kota Mowap nda wonogwe inom, koorok wonogwe inom, Abok aret eekaarak onggo aaninggin inoba kwi'nari wagaarak me, O Mowap omaawi nogo lek eerogo pege, Yi o ndi o eenggi pippiirogo wonage nogo ndinogo wagangge, Eekerak paga O Mowap muk yigirogo pit nagaarak endage lek agaarak me, Leenggu maako logonet, kinoone nggwok paga yogwe, O Mowap lek eerogo pegaarak o, yinuk, niyo Arenon ambet paga logonet, kuum-keek yogwe, Eeko logonip, yoranet nugu logowak o,” yinuk, Aliku ALA nen yegerak o.

Yeremiya 48:31

“Togop aret me, an nen o Mowap kenok ale ari, It aakumi Mowap mendek abok iinok, inaleenggu maake, It aap Kit-Karetet mendek iinok, niniki wakkolage, Eeke agarik o.