Yetaya 16:1 - Ala Wone Peenok Peebi Mbanak

^1-2 “It aap Mowap mendek nen yogo logonet, Towe aagalogwe inawina nen wumbiigetak lenggak-penggak nogo mengga kwak, Ninapuri komologwe togop aret niyo Arinon ayo mbaninuk wundogo menggam nogome nabuninuk agi-ogu agan nugwi me, Ninarum logorak onggo ndomba aagalogwe o kota Tela nen wonok tu karume ti paga puut Tiyon Aagalukwe aap o nggween unde wonage nogome nappiyawok o.

Yetaya 16:1 ပူးပေါင်းရင်းမြစ်များ

2 Tamuwen 8:2

Tebenggolage nagagerik, ti'nuk, it Mowap mendek tebenogo piinok, inawuri aap ineegin warak nogo nggween paga mbiginogo wimbiinok, keele ambi waganogo mbiginik alom me nen keele nggorek paga wakkaanuk, ambi wakkage logonet, inooke, ti'nuk, keele nggorek ambit wakkaanuk, ineenik teppiige, eerit irip yubuni nagagerak. Ti eeke mbareegi, it Mowap mendek nogo inagabiti nen Ndawut ayuk wuko logonet, inarum wonage onggo wogogo nogogwaarak.

2 Endagembogut 14:7

Ti'nuk, ne ambi paga at Amatiya nogo, aap ineegin warak Erom mendek inom wim eeke logonet, o Mayu Ogop Menggim kobappaga time aap sepuluh ribu inoorogo piinok, o Tela tebenggolage nagagerik, endage Yoketen toonogo pereegerak o yogondak yogwe wonogwe aret o.

2 Endagembogut 3:4

Ndi, it aakumi o Mowap mendek inowe endagembogut Meta nogo aanggumi ndomba unde wonagagerak. Unde wonagagerak me, at nen ndomba aagalogwe seratus ribu inom, ndomba ngguunok seratus ribu ineeruwak mbanak inom, inarum wonage onggo Iterali inowe endagembogut wogoge nagagerak.

Etara 7:17

Nage logomenggendik, wu ti paga tapi ngguunok inom, kambin-ndomba ngguunok inom, ndomba inaagalogwe ngguunok inom, warogo Ala ake wogogo logonet, gandum inom, amburu ake kilirogo pega nogo inom, kungge logomenggendik, ti abok aret o Yerutalem kogoba Ala awi wurik me ake warogo wogogo menggam nogo paga warogo wogoge logomunggun o.

Yetaya 10:32

Ne yogondak aret ninawim nogo o Nop puk ari wagaarak wonogo logonet, O Tiyon Aagalukwe puut paga kota Yerutalem nogo, “Ko'lu koori wogo o,” yinuk, Ineenggi titik irogo agaarik o.

Yetaya 42:11

O karu inom, karume kota-kota wonogwe inom, inoone nggwok yogwe, Aakumi Kerat wonogo menggam o yaga'lili-yaga'lelo wonogwe nogo inale'nggen mbakwi, O kota Tela wonogwe nogo inale'nggen nen ndawi wakwi, Puut-puut kirin paga lagi nanuk, kuum-keek yogwe, Eeko logowak o.

Yetikiyen 45:16

It aakumi o time logomenggaarak abok aret iniki ale'nggen nen puurak ti, Iterali inowe endagembogut iri wogo logowak o.

Mika 4:8

Ndomba wari wogwe iyo, nggayo paga inarum wonage, Tiyon aagalogwe yugum pak wurogo pereegi kwak puut Tiyon wonage, Eerak wonage O Yerutalem ti, Aa'nduk it yi aakumi ndi aakumi at abu'me piinok, wonagagerak kwak obaane'me ndak-ndak eerogo pege, Aap endagembogut o Yerutalem at paga logonet, wone lengganogo yorage nagagi kwak yorage logowak nduk, koonogo pege, Eerigin o,” yinuk, Aliku ALA nen aret yegerak me, yokkiragi o.