Yetaya 15:9 - Ala Wone Peenok Peebi Mbanak

⁹ Niyo Ndibon nogo aakumi inamiya mban telek eerogo pegerak kwe, Aakumi inamiya ambinom yenggennaruwak nduk, Ala nen, It Mowap mendek mbaganit nogwe inom, eegu yumbunik o Mowap wonogwe inom, Singa nen nibininabit nawak nduk nappi woraagin o,” yinuk, ari kagarak o.

Yetaya 15:9 ပူးပေါင်းရင်းမြစ်များ

2 Endagembogut 17:25

Piya wogogwaarak ti eyom paga wonogo logonet, Aliku ALA inagabiti mba'nuk alut eeka'lek iinok, at Aliku ALA nen nggeewo inanini warak singa inenggela'me nappiya wage mbareegi, aakumi apit ineyak nibininabit nogogwaarak kambeegwaarak.

Yetaya 15:8

Pi wunda nogo logonet, inoone ya-kwa yogwe nogo, o Mowap enaagan-ambokan nogome abok aret konenggwi, Leenggu maakwi nogo it Ekelayim mendek kuli konenggwi, Ndogop eeppinanega o, yinuk, yogwe nogo, o Mbet-Elim kuli inaruk konenit nogwe, Eeko agaarik o.

Yeremiya 15:3

Aliku ALA nen ari logonet, “Maluk eerit wundi wogogwaarak onggo aaninggin alom 4 paga an nen inoba kwippiyoorak nogo, ambi, wooluwak paga inookwi, ambi, yi nggeewo ndi nggeewo nen ineebe inoorak nogo nigiren nogwe, ambi, yi towe ndi towe wiga agan nugwi nogo nen ineebe nunggwi, ndi, ambi, ndiimbu-nggwiya nggween paga nugwi nogo nen ineebe lek eerogo nunggwi, eerugun o.

Yeremiya 50:17

“Singa nen ndomba mappiigaatak inalitak mak aago nugu mengga kwak, Iterali togop aret mappiigo logonet, Aa'nduk it Atiyut mendek inowe endagembogut nen ambeme yonggorinake, Ti'nuk, yogondak yi, it Mbaben mendek inowe endagembogut Nebukanetat nen inowak nenenogo nengge, Eereegwaarak,” yegerak o.

Ala Unde 26:18

Togop eeppiyamenggaarak kwe, it Iterali an noone liirogon konengga'lek mban wonogwe iinok ti, inomaluk onggo aaninggin ne 7 kuli aret inoba kwippiige logogin o.

Ala Unde 26:24

an kunduk nogogumbuk a'nuk inomaluk onggo ne 7 kuli aret aaninggin inoba kwippiige logogin o.

Ala Unde 26:28

an kunduk, nogogumbuk a'nuk nanini nen inomaluk onggo ne 7 kuli aret aaninggin inoba kwippiige logogin o.

Amot 5:19

Aap ambi singa nen mugurok nage kenok, kole mbagangge me, beruang imbirak aabuk age menggi kwak, Aap ambi ame unggwi nanuk, eenggi kobat nabenak paga, “Piga,” yinuk, eeke me, waalo nen eenggi nogo eyak mbangge menggi kwak, Aliku ALA woroorak ne ti, togop aret o.