Yetaya 15:2 - Ala Wone Peenok Peebi Mbanak

² It kota Ndibon mendek nen puut-puut warogo wogogo menggam time le yuwok nduk, lagi nogwe, Ndi, o Nebo inom, o Mereba inom, eekaarak paga it Mowap mendek nen leenggu maakwi, Eeko agaarik o. Ineeruwak puluk ko aago mbanak wonogwe, Inamboro tabo eerogo mbanak wonogwe, Eerak agaarik o.

Yetaya 15:2 ပူးပေါင်းရင်းမြစ်များ

2 Tamuwen 10:4

Yogo mbareegwa, at Kanun nen it aap Ndawut awuri nappiyareegerak nogo pippiinok, inamboro abeenok mban mbanogo piige, inayum nggorek yirik nogo inakom kuli mbanogo piige, eerogo piinok, “Kiname nanip o,” yinuk, nappiya wagagerak.

1 Mbinineegwaarak 19:4

Yogo mbareegwa, at Kanun nen it aap Ndawut awuri nappiyareegerak nogo pippiinok, inamboro mbanogo piige, inayum nggorek yirik nogo inakom kuli mbanogo piige, eerogo piinok, “Kiname nanip o,” yinuk, nappiya wagagerak.

Ayup 1:20

Eeko mbareegwa, aap Ayup nogo mi'nage nagagerik, ayum nibinogo pake, eeruwak anobak me puluk ko eerogo mbanggolage, eeke nagagerik, nggween paga enete wanduk ngginna'nuk Aliku ALA alut eereegerak.

Yetaya 14:31

O omarip paga pa'nggwe nen o kani pegaarak ka'luk lagit wage, Aap inakom niruk yogolik pekkagak lombok aago wogwe, Eekwi me, At Pilitin tungga ambe mbanak ti, ale yikkolage, At o kota ti, oone kwa ari, It Pilitin mendek abok aret ti, inaganak wakwi, Eeko logowak o.

Yetaya 15:3

Inayum nibinik maluk mendek yippunuk tu paga nugwi, O wurik kirin ndoonak paga inom, oore'nggam inom, Wonogo logonet, it abok aret inali-inale inamiguwak paga wambit wage, Eeko agaarik o.

Yetaya 16:12

It aap Mowap mendek nen inabuut-puut paga inagugi inake warogo wogorogo menggam nanuk, Inayuk wukwi iinok, we inomaawi lek eerogo pakwi, Ambi eeppiyaawak nduk inagugi ogut nggino yogwi nogo ambi kologwe lek we aanom warogo aret eekwi, Eeko menggaarak o,” yinuk, ari kagarak o.

Yetaya 16:7

Aaninggin inoba agaarak ti paga it Mowap mendek leenggu maakwi, Ninawi yi agaarak, ao, yinuk, it abok nen leenggu maakwi, Eeko agaarik o. Oroti anggur anggen woloonak paga worarak o kota Kit-Karetet mendek nogo lek agaarak me, Ao, mbako logonet, iniki wakkologo agaarik o.

Yetaya 22:12

Ne ti eyom paga kit le yogwe, leenggu maakwi, Kineeruwak wiirogo nappugwi, purok yikut eekkologwe, Ee'nip o, yinuk, Nomaawi Lombok Minggirak Naliku inogoba an Ala nen yoragagirak kwe,

Yetaya 3:24

Obari abe eeka inoba aago nogo lek age kagak inanggoloppari ndi wuke, Inambilak inomarip paga eerak obaane'me tali akun mbanak yirik nugwi, Ineeruwak mbinuk-mbenak eerak obaane'me inanobak puluk ko aago nugwi, Inambogoyum kigirikwe yirik nogo obaane'me inayum nibinik maluk mendek yirippunuk nugwi, Kumi inete kigirikwe obaane'me inete maluk aremenggerak inenggali mbakak nugwi, Eeko logogun o.

Yeremiya 3:21

It aakumi obeelom eerit nugwi nogo mbo punuk, eekulik mendek eerit nugwi, Inogoba Aliku Ala kobak eerogo pugwi, eekaarak me, Puut-puut puluk ko aago nogome logonet le yogwe, Aakumi Iterali leenggu maako logonet, Yeenggwa niret o, yinuk, yogwe, Eekwi konenggo ogoorik o.

Yeremiya 47:2

Aliku ALA nen ari logonet, “O omarip paga pa'nggwe time niyo pit agan lagit wage ti ket o. Niyo ti, wu'nuk wage, Kilu-kilu endekem wundit nage logonet, nggween inom, yi mendek ndi mendek inom, taanogo pit nage, O kota-kota inom, it kota-kota wonogwe inom, tebenogo pit nage, eerigin o. It aakumi Pilitin mendek abok aret lek eerogo piyoorak eyom muk panggoni wage, It yumbunogo piyamenggerak Tirut inom, Tiron inom, yeenggwaarogwe nogo inenggaawak lek eerogo piyoorak eyom ari wage, Eekerak me, Kuda mbe agan wogwe iniyogobit oone inom, Inawim inanggweendo iyogobit oone nggele'mbuk-nggele'mbak inom, Iyok oone lobale inom, eerit wogwe paga it aakumi inoone ya-kwa yogwe, It o time wonogwe nogo leenggu maakwi, Inogobamini inomanggen tayok yemenggerak kagak inapuri ina yunggunogo pegiigwi lek mbo piigwi, Eerugun o. It aap eegu yumbunik niyo oolo ku'mbanak Kapatot paga ari wogogwaarak Pilitin mendek nogo Naliku ALA nen ineebe lek eerogo piyoorak nduk eeke me,

Yeremiya 47:5

It Nggata mendek ti, ineeruwak mbanogo pakwi, It Atekelon mendek inoone lek inambe piyak yogwe, Eerugun o. It wonogo menggam kobappaga eegu teppiyaminggirak inagabolo penenogo patit nogwe iigak, ne mande ari nagin o?

Yeremiya 48:1

O Mowap eeppuurak wone nogo yi aret. At Omaawi Lombok Menggerak Iterali inogoba Aliku Ala nen ari logonet, “O kota Nebo nogo ti, lek eerogo pugun me, inabuwa o! O Kiriyatayim tebenggolaagun me, inenggali ogwe, Kota yugum pak omaawi wurik nogo langgunogo pugun me, inenggali ogwe, Eerugun o.

Yeremiya 48:18

At Mowap tebenogo pega nen o Ndibon tebenogo pege, Ayugum pak wurik langgunogo pege, Eerikit nduk wage me, O Ndibon Aagalukwe kwak, it o Ndibon menggaarak ti, Inendage tiyanak menggam nen liirubu paga kwi'nari wambi woraawak o.

Yeremiya 48:31

“Togop aret me, an nen o Mowap kenok ale ari, It aakumi Mowap mendek abok iinok, inaleenggu maake, It aap Kit-Karetet mendek iinok, niniki wakkolage, Eeke agarik o.

Yeremiya 48:35

O Mowap puut paga time it inagugi ake warogo kani kunggwi, Obari abe kaga inagugi ake kani kunggwi, eekwi nogo Eeka'lek puk aruwak nduk, eerogo pigin o,” yinuk, Aliku ALA nen aret yegerak o.

Yeremiya 49:3

“O kota Ayi ti, yigirik-noonom eerogo pugun me, It Ketibon mendek ti, leenggu maakwi, O kota Araba aagalogwe komologwe nogo inoone nggwok paga le yogwe, Eeko logowak o! Inagugi Milikom nogo wonok mbo pi nogo logonet, It aap at unde inom, it inom eeka inengga warak inom, inom wogoren mbo piya nagun me, Yum nibinik maluk mendek yippunuk, inale yogo logonet, Nggeeme kumaa'nari nawi, yinuk, lin warit nugu logowak o.

Yeremiya 7:29

Naliku ALA nanini it aakumi yogondak ndarak yi, inoba agaarak wonage nogo, Neebi o, yinuk, mbo piigirak me, ineeruwak mbanogo mbo punuk, puut puluk ko aago paga lagi nanuk, le ndawi piyanggo logowak, yegerak, yoret o,” yinuk, yo'negerak o.

Yetikiyen 27:31

At eeremenggerak paga it inanobak puluk ko eerogo pakwi, Yum maluk nibinik mendek yikkologwe, Eeppunuk, At eeremenggerak paga iniki puru yogo logonet, aleenggu maakwi, Leendawi aanggili-aanggelo yogwe, eerugun o.

Yetikiyen 30:2

“Aakumi nen ndarak yi wae. Aliku Itok Menggerak ALA nen eeriyak yegerak nogo yi o, yinuk, yoroorak yegerak nogo yi aret. Ne ti paga eeriyak nogo ari wage, Aliku ALA nen eeppiya woroorak eyom abu panggoni wage, Eekerak me, Ne ti abu ari wagaarak me, iya, yinuk, leenggu maako logowak o. Ne ti paga ndugwi yumaak eerogo pi wage, Ti eyom paga yi aakumi ndi aakumi aaninggin inoba kwi'nari wage, Eerigin o.

Yetikiyen 7:18

Eeko logonet, inayum nibinik maluk mendek yirikkologwe, inagabiti mban inagabolo paga ninggirik wonogwe, inenggali nen inete kumaakko'nok nugwi, inanobak puluk ko eerak wonogwe, eerugun o.

Ala Unde 13:40

Aap ambi anobak peenok-peenok abu puluk ko eerogo mbanak wonage kenok ti, eebe maluk lek obeelom aret wonage o.

Ala Unde 21:5

It aap an neebe unde nogo ti, maluk eeka'lek abu obeelom inogoba Ala an nake leenak menggaarak me, nendage maluk eerogo panukwak, ineeruwak inanobak puluk ko eerogo mbanggwi, inamboro to eerogo mbanggwi, inagabolo nggawi penek eerogo pugwi, eeriyak mage o. It nen Naliku inogoba Ala an nake warogo kani kunggwi, yi mendek ndi mendek, Yi Ala kake o, yinuk, nggomoorogo wo'nugwi, eeko menggaarak me, maluk eeka'lek abu obeelom nake leenak aret logowak o.

Amot 8:10

Inale'nggen nen laago lako logomenggaarak nogo obaane'me inayum maluk nibinik mendek yippunuk, iniki wakkologwe, Ndawi piyanggo logomenggaarak nogo obaane'me leenggu maakwi, Inayum nibinik maluk yippunuk nugwi, Ineeruwak inanobak puluk ko eerogo pakwi, Aap ambi aput ambolom kangge kenok, leenggu maake kwak maakwi, Eeko logowak nduk, Eerogo piyaagin o. Ti eeriminggirak paga ne ti eyom ariyak age yubuni nage kagak, iniki abu alik negen wakko'net unggwogo logogun,” yinuk, at Aliku Itok Menggerak Ala nen yegerak o.

Linggineegwaarak 32:3

“Nggween o Atarot inom, Ndibon inom, Yayetet inom, Nimara inom, Ketibon inom, Eleyale inom, Tebam inom, Nebo inom, Mbeyon inom,

Linggineegwaarak 32:38

Tebam inom, nogome wurogo piigwi, eereegwaarak. Ndi, o obaane'me mbere wurogo punuk, endage alik tooneegwaarak nogo ti, Nebo Mba'an-Meyon imbirak aret. O wurogo pereegwaarak ti, endage alitak toonogo pereegwaarak.

Pelaareegerak 14:1

Yorage nagagerik, ambi yorage logonet, “It yi aakumi ndi aakumi o nggween paga yime menggaarak abok aret inenggela'me nen kit at apuri iniki kundugu logobagip nduk, Aliku ALA nen miirogo pinagage nagagerik, kit at ake leenak Aliku kinogoba Ala apuri aret me, aakumi kanggwi iinok, kinagabolo paga nggawi penek eerogo pakwi, kinenggaawak paga kineeruwak puluk ko eerogo mbanggwi, eeriyak mage o,” yinuk, yoragagerak.

Pelaareegerak 34:1

Yorage nagagerik, at Muta nogo o Mowap kobappaga nogome teppunuk, puut Nebo paga lagangge logonet, o Yeriko wunggagak puut kirin Pitaka paga ari laganeegerak. Lagangge mbareegi, at Aliku ALA nen o nogome nenaarak abok aret o Nggileyat nen o omarip paga pa'nggwe it Ndan mendek logowam kuli nikkage,