Yetaya 14:9 - Ala Wone Peenok Peebi Mbanak

⁹ Kambunuk nogo menggam nogo nen kat wokkabi wage logonet, iniki ale'nggen mbake, At nen it aakumi nggween paga wone lengganogo yorogo nogogwaarak maan kambeegwaarak nogo Wokkabuwak nduk inogoma ineenik eeppiinet nage, Yi aakumi ndi aakumi inoweewi inendagembogut kambeegwaarak wone lengganogo yorogo nogogwam kwi'ndak wonogwe nogo, Mi'nanip o, yinuk, yorage, Eeke kenok,

Yetaya 14:9 ပူးပေါင်းရင်းမြစ်များ

Kini Wuppiige 15:24

Aap iniki warak ineenik aganaburak tu ti, ogu paga aakumi kambunuk nogo menggam lek o. Ata, tu agi paga wonage menggerak o.

Yetaya 5:14

Ndi, kambunuk nogo menggam nen eenggi walok ari, Ambe nggwok pan aago wakkoorak meek logonet, “Yime yonggo'nari woraanip o,” ari, Eeke kenok, It aap inoweewi nagawan-nagawan wambi nogwe, Aakumi ugun it ndugwi pega inom, kumili-kumili agan nega inom, yonggo'nari wanggwi, Eerugun o.

Yeremiya 50:8

Togop me, it aakumi inanebunu nggwok lombok o omarip paga pa'nggwe nen kuwak eerogo piinok, O Mbaben tebenogo puurak inikime eeppiyaminggirak abet aret nappiya woraagin me, It o Mbaben menggaarak nogo mbaganit nogwe, It o Mbaben wonogo menggam mbo punuk, wundit nogwe, Kambin ngguunok aa'nduk a'nuk kooli aagalogwe inom wogoren nege menggi kwak, inaa'nduk kole mbaganggwi, Eeruwak o. It aakumi nggwok aago ti, wogo logomenggaarik, wim eeriyak ina koonogo piinok, O kota Mbaben tebenggola unggwogo logonet, Aap wim wakaa'ngget lombok inomaale nambukaatak nggween wakeelik aap inagabolo paga mban age menggi kwak togop aret arigin o.

Yetikiyen 26:20

yi aap ndi aap o maan aa'nduk togon mbuun ambena wambit nogogwaarak wonogwe me, inom logowak nduk wuppigin o. O maan aa'nduk togon yigirik-noonom eerogo pereegerak nggween abena lombok wonage kwak, at nggween inikime lombok time inaa'nduk kambeegwaarak mbuun ambena wonogwe me, inom logowak nduk, wuppigin o. Time nen lagi wage, aakumi ineenik wonogo menggam obaane'me ari wage, eerigin lek aret o.