Yetaya 14:16 - Ala Wone Peenok Peebi Mbanak

¹⁶ Ndi, time wuppagamenggerak wonage me, aakumi nen keego logomenggaarik, inigen loogirit unggwogo logonet, Aap yi, yi o ndi o aakumi inaganak warogo mban agan nage, Aakumi inabu'me piinok menggam iniki mak eerogo piinet nage,

Yetaya 14:16 ပူးပေါင်းရင်းမြစ်များ

Ndawi 52:7

“Ala nen narum logowak o, yinuk, abu'me unggwaga'lek Amendek ambik wonage nogo paga iniki panggombege, Aakumi tebenogo piinet nage kenok Endage tiyak yegerak paga iniki panggombunuk wonage, Eekerak paga eeppege aap yi, kaanip o,” Yinuk, yogo logogun o.

Ndawi 64:9

Yi aap ndi aap abok aret Ala nen eeppiyamenggerak iigo logomenggaarik, inagabiti mbakwi, “Ala nen yogop eeppiigerak kogo o,” yinuk, wone wonok aakumi yoranet nogwe, Ala eeke menggerak nogo iniki koonit nugwi, Eeko logogun o.

Yetaya 14:15

Melak togon aakumi kambunuk nogo menggam mbo wuppagage, Mbuun ambe kiiniki paga lombok wuppagage, Eeke kagarak o.

Yetaya 14:17

O nggween paga yime abok aret karu mban eerogo pit nage, O kota-kota abok aret yigirik-noonom eerogo pit nage, Aakumi keele maarak wonogwe nogo, Kiniyokan nanip o, yoraga'lek piirogo mban wonage, Eeke nagagerak nogo Yi aret agaarak iya! Yinuk, yogo logogun o.

Yeremiya 50:23

O nggween paga yime yi aakumi ndi aakumi yigirogo piiga ndo nggwik mbanak kwak ti, Kalok ari, yigi'nage, eekerak ti, iya o! Yi aakumi ndi aakumi inenggela'me o Mbaben abu maluk aago wonage yi, iya!

Yetikiyen 32:23

Inabiruwak yinik nogo mbuun ambena ogu kiiniki lombok o Atiyut eebe taanak wonage me time yinogo pit nagagerak wonage agaarik o. It wonogwe nogo ti, ineenik nggween paga nugu menggam logonet, inamineeri ne agan noorak mendek aakumi eeginabit nugu nogogwaarak nogo, wooluwak paga inoorak kambeegwaarak time wonogo agaarik o.

Yetikiyen 32:27

Aa'nduk it aap wakaa'ngget aakumi ineenik wonogo menggam nggween paga nugu logonet, inamineeri ne agan noorak mendek eerogo piinet nogo nogogwaarak me, aap wim eeka inagabolo mbanak lek kagak inoorak kambit nogogwaarak taambiigo logonet, inanggeemu ineebe paga lunogo pugwi, ineegin-inomaale inanep mbanogo piigwi, eeko nogogwa kwak, it aap ti nogo togop eerogo piyoolik o.

Nakum 3:6

Ogole warak mendek keebe paga lengge eerogo pege, Ogole warak yi, neebi a, yinuk, yokkege, Aakumi nen, Yi aago wonage iya, yinuk, yokkogo logowak nduk eerogo piige, Eerigin o.

Abakuk 1:10

It aakumi inoweewi inendagembogut nogo meek eerogo piigwi, Aakumi inoweewi o unde wonaga nogo inagi'ndok kanggwi, Kota-kota pak omaawi wurik abok aret, Yi iya lek o, yinuk, meek eerogo pugwi, Nggween kabunogo pit laganuk unggwogo logonet, o ti tebenggologwe, Eeppunuk,

Abakuk 1:17

It aakumi ti nen, yi aakumi ndi aakumi inabuwa mbaka'lek inawooluwak yabonogo inoorogo piinet nogo logorak op mbaken?