Yetaya 13:7 - Ala Wone Peenok Peebi Mbanak

⁷ An togop eeke mbariminggi, It aakumi abok aret ineenggi-iniyok tanep age, Iniki a'nggan wo'nage,

Yetaya 13:7 ပူးပေါင်းရင်းမြစ်များ

Ndawi 58:7

It nogo ti, niyo nage nagaatik, Pili ari nage menggi kwak lek ogwe, Maale inookwi iinok, ngget lek me Put togon wangge menggi kwak wonogwe,

Wundeegwaarak 15:15

Aap yo'nggok Mowap mendek inaganak nugirage, It Kanan mendek nogo iniki abu lek age, Eerugun o.

Yetaya 19:1

O Metit mendek eeppiyoorak Ala nen abinggaanggo paga yoreegerak nogo yi aret. Ndugwi mbe agan nage ti paga Aliku ALA kwi'na'nuk o Metit nage yi, kaanip o. It Metit mendek inagugi ogut aago nogo inaganak wake, It aakumi Metit mendek iniki ma'nage, Eeko agaarik o.

Yetaya 37:27

It o time menggaarak nogo ti, Yi mendek ndi mendek yabume yarak kwak, Awi yarak mili lombok mbilangge menggi kwak, Oo'ngget maarak paga iri'ngga laganggetak anggen yega'lek kagak teebat arit nage menggi kwak, Togop aret wonogwe me, inomanggen tayok ari logonet, Iniki ma'nage, inenggali ogwe, Eekaarak o.

Yetaya 51:20

Kaagalogwe wologwe iniki lek a'nuk ngginnogwe, Nggwiya keele yilinik kin paga mengga kwak, it togop aret tu nggwok paga ngginnarit nagaarak wonogwe, Eerak aret agaarik o. Aliku ALA anini toolak nogo wogorage, Kogoba Ala nen mberirage, Eekerak paga Ndonggoppiigerak inaanogum panggo eerogo piinet nagaarak agaarik o.

Yeremiya 50:43

At aap it Mbaben mendek inowe endagembogut nogo, it wogwe aruk konembunuk, Omanggen tayok ari, iniki mondok ma'nage, Kwe elege enegen paganak yagan wake menggi kwak, yagan wake, eeke agaarik o.

Yeremiya 51:30

O Mbaben pak wurik tungga yinik-minik eerogo pit nogwe, O kani mbelanogo pugwi, Eekaarak paga Aap o Mbaben mendek ineegin warak nogo wim eeka'lek puk ogwe, Yugum pak wurik me time puk a'nuk wonogwe, inomaawi lek ogwe, it kumi kwak ogwe, Eerak aret agaarik o.

Yetikiyen 21:12

Aakumi nen ndarak yi wae. Wooluwak ti nen an napuri tebenogo piige, It Iterali inoweewi nagawan abok aret tebenogo piige, Eeruwak nduk, nutik wonage me, Oone nggwok eeke, leenggu maake, eeke logot o. Wooluwak ti nen it inom, an napuri inom, ndak-ndak aret nagin me, Kiniki wakkolage logonet, kanobak wakkolage logot o.

Yetikiyen 21:7

Kiniki wakkolage keenok, it nen kat yokkogo logonet, Kat nanonduk kiniki wakkolage agandik o? yinuk, yokkugwi iinok, kat nen, Lek o. An wone eeriyak ambi konengge nagarik, niniki wakkolage agarik o. It inalitak iniki ma'nage, it abok aret inomanggen tayok ari, it abok aret inomaawi lek age, it abok aret inameyo tenak ari, eeke logogin, yoraamunggun o. Ti eeginaburak nogo eeri woraagin o. Abet aret eeri woraagin o, yinuk, Naliku Nitok Minggirak an ALA nen aret yagarak me, yoret o,” yinuk, an yo'nege mbareegi, yoragagirak.

Yetikiyen 7:17

It apit ineenggi ndeyak aganake, it abok aret inameyo tenak-tenak eerit mbaganggwi, eerugun o.

Nakum 1:6

Aliku ALA anini nen eeppiige nogo, aap ta nen ko wappunuk, logogin mbakop? At anini kani kunik negen eeke kagak, aap ta nen ogogumbuk puk arigin mbakop? Lek aret o. At anini kani kunik negen yumbunogo wuppi wage nagaarik, Enegen kagak, puut-puut yanggu-yanggu wambit wage kagagirak o.

Nakum 2:10

O Niniwe amindik-amendek abe pugu nogo waganggwi, O wogo eerogo pugwi, Yarak alom kinogo nappit nogwe, Eekwi iinok, Iniki ma'nage, iniyok yandek-yandek eekwi, Inaganak wake, Inagap nggilaame nik togon eerogo piige, Eekwi iigirak o.

Nakum 2:11

Singa awi mbanak nogo yogondak ngga wonage mbakop? Singa aagalogwe yilak kuninake menggim nogo nonggop aga o? Singa ngguunok-kooli aagalogwe inom inagabiti lek yinggwi-unggwogwe eeko menggam nogo ngge o?

Yotuwa 2:11

Konenggo nogoorik, at Aliku kinogoba Ala ti, mbogut paga inom, nggween paga inom, at Ala alik aret eebe mondok endak warak wonage logonet, eeppinagage kagak, eerit nogwe kiigo nogoorik, niniki ma'nage logonet, ninagabiti ambik mbako ogoorik o.