Yetaya 13:22 - Ala Wone Peenok Peebi Mbanak

²² Mbaben owa'nagat wurik inikime mba'ngge yagu-ndagu agan nugwi, Ndi, aap inowe endagembogut awi abe nggwok wurik inikime time yi nggeewo ndi nggeewo ya'lo-ngga'lo agan nugwi, Eeko logogun o. O Mbaben eeppuurak eyom abu panggo yi wagaarak wonage me, O ti logorak eyom ya langgok eerogo pigin lek aret o,” yinuk, ari kagarak o.

Yetaya 13:22 ပူးပေါင်းရင်းမြစ်များ

Ndawi 44:19

Kat nen aan lebenogo pinanege, Mba'ngge nugu menggam kwak eerogo pinanege, Nogoyum lenggenggo mengga kwak o yumaak lombok eerogo pinanege, Eekendak o.

Yetaya 14:23

Ndi, at Omaawi Lombok Menggerak Aliku ALA nen ambi ari logonet, O Mbaben ti, towe tiyu iname aret aruwak nduk eerogo piige, Purok nuk-ngguk eerogo pege, Eeke logonet, O kota ti, kaliirubu pup eerogo pege, eerigin o,” yinuk, Aliku ALA nen aret ari kagarak o.

Yetaya 25:2

O kota nogo yigirogo pegendak yugum kalo logonak wonage. O kota yugum pak wurik wonage nogo yigirik-noonom eerogo pegendak o. Ndi, it aap inendagembogut inawi abe nggwok it aap inambik nen wurogo pit nogogwaarak nogo, muk lek eerogo pegendak me, Wuka'lek mondok togop aret logogin o.

Yetaya 32:14

At kinowe endagembogut awi abe nggwok wurik nogo mbo pege, Kinawi kota noone-koone agan nugu menggam nogome yi oone ndi oone lek age, Puut paga inawi abe wurik inarum logorak nggayo wurik nogo inom ndengga-ndengga wambemenggerak me, Aakumi logogun lek teppugwi, O time keledai nggwiya inale'nggen nen inawi miikkologwe, Kambin-ndomba inagari'ngga mbanogo nenet nugwi, Eerugun o.

Yetaya 34:13

Aap inendagembogut inawi nggwok abe wurik nogome alok mban kunogo pege, Yugum pak wurogo pereegim nogome towo inom, nggonggoondu inom, penggaarogo pege, Eerigin me, Mba'ngge inawi ari unggwogwe, Ndiimbu iname aret miikkola unggwogwe,

Yetaya 34:14

It karume ku agan nugu menggaarak mendek nen mba'ngge inom ya'lo-ngga'lo agan nugwi, Kambin nggwiya ngguunok-kooli kokot agan nugwi, It oonikiya nugu menggaarak mendek time yonggonggola unggwogwe, “Niname nggeeme logowi o,” yinuk, o time ye mbanggola unggwogwe,

Yetaya 35:7

Mbini aganggen wonage nogo niyo nen yenggenogo pege, Niyo yawengga'lek nggween mbuk aago wonage nogo niyo tuburubu lagit wage, Ndi, o aa'nduk mba'ngge inawi miippatinuk wonogogwam nogome piinde inom, mbereewak inom, lagangge, Eeke logogin o.

Yetaya 43:20

Ninogoba Ala iya o, yinuk, agan nugu logowak nduk, it aakumi leenogo piige nagagirik, Inendage toonogo piyareegirak napuri nogo nen inagi nonggo logowak nduk, o karume niyo warak eerogo pege, Aakumi lek me karume niyo nage logowak nduk koonogo pege, Eeke paga it eyonggaame mendek ndiimbu-nggwiya nen inale'nggen nombako agaarik kwe,

Yeremiya 48:16

“O Mowap maluk eerogo puurak eyom abu panggoni wagaarak wonage me, At aaninggin eeppuurak koonak nogo yini-panik oba kwi'narigin o.

Yeremiya 51:33

Togop aret me, at Omaawi Lombok Menggerak Iterali inogoba Aliku Ala nen yegerak nogo yi aret. “O Mbaben Aagalukwe kwak it Mbaben mendek ti, Aap gandum agabolo mbelanggo logonet, iniyok aambiranogo pogo menggam kwak Eerogo piyoorak eyom muk panggonak aret agaarik o.

Yeremiya 9:11

At Aliku ALA nen ari logonet, “O Yerutalem ti, an nen o langgu-langgu aago nigabak negen eerogo pigin me, Nggeewo owo iname ari unggwogo logogun o. Ndi, o Yekura kota-kota ti kunduk, o owak mbanak aret eerogo pigin me, Aakumi inawi time logogun lek aret,” yegerak o.

Leendawi 4:3

Mba'ngge nen inaagalogwe inelak kuninako menggaarak kwe, An nanebunu mendek perak, ndiimbu o karume logonet, inaagalogwe inabuwa mbaka'lek mbo piinet nugu mengga kwak Togop aret eerit nugu agaarik o.

Mika 1:8

Togop aret eerigin me, an niniki puru ari logonet, leenggu maake, Niyogogut yum nggonenogo mbo punuk, nayum yirik lek nagap mbelanak nage, Mba'ngge ku agan nege menggi kwak, towe wu oone agan nege menggi kwak, an togop aret nege, Eerigin o.

Abakuk 2:3

Kabinggaanggo kagandak ti, eeriyak eyom koonak nogo awo ari waga'lek kwe, Woraagin nogo ti, pilit lek abet aret woraagin o. Eeri woroorak nogo puk arigin lek abet aret woraagin me, Elaambirik woraagin, mbarugun o. Ata, kagak tokkage logot o.

Tepaniya 2:14

O time kambin-ndomba inom, lembu-tapi inom, ndiimbu-nggwiya inom, winnari unggwagak eekwi, Towe mumayo inom, tiyu inom, o owak nigabak abo paga kwi'narit nanuk nogo yugwi, Eerugun o. It towe ti, inoone nggek-nggek yogwe nogo wonok ambime nagak eeke, Tu unggwogo menggam o langgu-langgu aago nigabak wonage, Eeremenggerak wonage logogin o. Ndi, eyo nggabina omaawi paga wurik me mininuk ndi yogo logogun o.

2 Peterut 2:3

It aap mamuniraga ti nen ambi kolaawok nduk, kinambokan laganggo logonet, inoone ugun pilit pugunogo yokkirogo logogun o. Togop yokkirogo logomenggaarak kwe, it eekwi paga at inowak loombunuk maluk inoba piyoorak maan koonogo pereegerak Ala nogo ti, we ugun maanggo yugu logonet nogo lumok ari wonage lek o. Ata, ineebe lek eerogo piyoorak nduk abu li'luk eerak aret wonage agaarik o.