Yetaya 13:18 - Ala Wone Peenok Peebi Mbanak

¹⁸ Inomaale paga wologwe tawe polok ati inookwi, Elege ngget ndarak inabuwa mbaka'lek inookwi, Wologwe mbuulogwe kunduk inabuwa mbaka'lek togop aret inookwi, Eerugun o.

Yetaya 13:18 ပူးပေါင်းရင်းမြစ်များ

2 Endagembogut 8:12

Le ari mbareegi, at Katayen nen Elita yoge, “Nogoba o. Kat nonggop nduk le ari agandik?” Yoge mbareegi, Elita yoge logonet, “Kat nen it aakumi Iterali maluk eerogo piige logonet, inawi yugum pak wurik nogo kani piige, aap tawe kawooluwak paga inooke, inapuri mbuulogwe inanobak yombak ati eerogo inooke, kumi inabila inaanogum me nggoguk eerogo piige, eerumunggun nogo, an neenu aret me, ti paga le ari agarik o.”

2 Mbinineegwaarak 36:17

Meek aret agagerak me, at Aliku ALA nen aap Mbaben mendek inowe endagembogut nappi wagagerak wage nagagerik, awooluwak paga inapuri tawe Ala awi wurik magame wonogwe nogo, inoorogo piya unggwage, wologwe-komologwe tawe inom, aap inanggok inom, ineeruwak kenen awo wungge inom, inabuwa mbaka'lek aap Nebukanetat eenggime piige mbareegi, inoorogo piinet nage,

Ndawi 127:3

Nit ninapuri nogo ti, At Aliku ALA nen yate kwak wo'nirage, Ninagalomini inikime logombunuk ndaganakwi ti, Onggo lek we aret wo'nirage, Eeke menggerak o.

Yetaya 13:16

Inapuri awo ngget ndarak nogo inigen iigak taati aret ineebe nibik-nobak eerogo piigwi, Inamendek iname wonage abok aret pup eerogo waganggwi, Inakuwilogwe ugun-ugun aret wuginabit nogwe, Eerugun o.

Yetaya 47:9

Wone alom mbere yagandak ti, ne ambit liingge inigen kubuk yogo mengga kwak Kaagalogwe lek ogwe, kwe nanu age, eerumunggun o. Tili pagangge, kagugi omaawi paga eeke, Eeremenggendak kwe, Alom mbere ti, ambi teppigin lek abok nggwik togon aret koba arigin o.

Yetaya 5:28

Inomaale ndiiwi ineenggime wonage, ineegin agale wulanak wonage, Inaguda iyok enegen moolingget negen wonage, Inanggweendo wim eeka iyok nogo ti, o wiya nombok-kombok eeke menggi kwak perek-parek eerit wogwe,

Yeremiya 18:21

Togop me, it aap ti, inapurilogwe mbi abu nen kanggwi, Wooluwak paga ndanuk togon inookwi iinok kanggwi, It inakuwi ti, inaagalogwe kobak ogwe, it kumi togwe aret ogwe, It mendek inowe-inawot aap nogo kugi andi nen kambit nogwe, Inawuri nogo wim eeko logonet, maale paga inoorak kambit nogwe, Eeruwak nduk eeppiyet o.

Yeremiya 5:16

It aap nappiya woraminggirak abok aret ti, Aap wim eeka wakaa'ngget inomaale kani kunik negen wonage me,

Yeremiya 50:30

Ti eekwi iinok, it inapuri wologwe tawe inooremenggaarak tu paga kambit nogwe, Ne ti eyom paga at awuri ineegin warak abok aret inooremenggaarak inoone nggobo agan nogwe, Eerugun o,” yinuk, Aliku ALA nen aret yegerak o.

Yeremiya 50:42

Ineegin-inomaale inom, inarege-inawooluwak inom, li'luk ee'nuk wogwe, Aakumi inabuwa mbaka'lek inogogumbuk aret wogwe, Niyo yenggenak laut oonebu ari menggi kwak, inaguda paga kwi'na'nuk wogwe iniyogobit oone lo-lo agan wogwe, O Mbaben Aagalukwe kwak it Mbaben mendek ti, inooruwok nduk, ambo'me-ambo'me a'nuk wogwe, Eeko agaarik o.

Yeremiya 51:22

At paga aap inom, kumi inom, inoorogo piige, At paga aap inanggok inom, aap tawe inom, inenggaawak lek eerogo piige, At paga wologwe inom, komologwe inom, lek eerogo piige,

Yeremiya 6:23

It ti, ineegin-inomaale inom, tege-wooluwak inom, mondok li'luk ee'nuk, wogwe, Inabuwa mbaka'lek inigen kubuk yinuk, mondok nappiigak-wappiigak eerogo inookwi, Niyo yenggenak kole laut oonebu ari menggi kwak, inaguda paga kwi'na'nuk, keekok agan wogwe, O Tiyon Aagalukwe ti, waruwok nduk, wim eeriyak oba teben-teben ee'nuk unggwogo mengga kwak, unggwogwe, Eeko agaarik o,” yinuk, yegerak me, kat o Tiyon Aagalukwe yokkigi o.

Yetikiyen 9:10

an nen it inabuwa mbake, inabuwa nen teppiige, eerigin lek it eekwi ndak-ndak aaninggin inoba kwippiige agarik o.”

Ndaniyen 7:5

Kage neegak, nggwiya negen alik ambi beruang nogo mendek kin age nagaarik, eenggi awiirak iyok paga mban mi'na'nuk, eebenowak kenagan ambeme eyak nggeremborogo wonage me, Enggaanggum ndonggok togon nenet nage logot o, yinuk, ambi nen at yoge kagarak.

Nakum 2:1

Kat o Niniwe yi wae. Kat maluk eerogo pagawok nduk muk wogwe yi aret me, Pak wurik me tum wake, Tu unggwi wogo menggam kenegen liirogon wonage, Keegin-komaale mondok li'luk eeppunuk wonage, Komaawi eeppatinuk wonage, Eeke logot o.

Nakum 3:10

Togop aret wonagagerak kwe, tebenogo punuk, aakumi keele maageren o nda time piya nogwe, At aagalogwe awo ngget ndarak nogo, tu irip-irip time inanobak yomba eerogo piinet nogwe, Inoweewi nagawan-nagawan nogo, Ta ayeloman eekkoloorak kaamun? yinuk, yugum paga wakkogwe, Ndi, inoweewi aap inendage warak nogo keele maarogo piigwi, Eereegwaarak me,