Yetaya 13:1 - Ala Wone Peenok Peebi Mbanak

¹ It o Mbaben mendek eeppiyoorak Ala nen Amot aput Yetaya abinggaanggo paga yoreegerak nogo yi aret.

Yetaya 13:1 ပူးပေါင်းရင်းမြစ်များ

2 Endagembogut 9:25

Kangge mbareegi, at Yeku imbirak anggweendo paga nege menggerak Mbirikat nogo yoge, “Eebe waganogo aap Yiteren mendek Nabot eyabume onggo kuneegim nogome mbo nappu o. Kat an nimbirak nggweendo wim eeka paga lagi nanuk, aap Yoram ogoba Akap ambokan wogwe niigak, Aliku ALA nen Akap eeppuurak yereegerak nogo kiniki aberak agandik ilik?

Yetaya 1:1

Aap Utiya, Yotam, Akat, Kitikiya, it nen aakumi Yekura inoweewi inendagembogut ambi agak, ambi agak, eeko logonet, wone lengganogo yoragak eekwi iigak, o Yekura inom, kota Yerutalem inom, eeppuurak at Amot aput Yetaya abinggaanggo paga kage nagaatik, yorage nagagerak nogo yi aret.

Yetaya 13:19

Yi aap ndi aap inabu'me piinok menggam meek iigak, O Mbaben ti, abu kigirikwe lombok wonage me, It aakumi Mbaben mendek inale'nggen nen wogoppakwi kwe, O Torom Nggomora lek eerogo pereegi kwak an Ala nen o Mbaben ti, togop aret lek eerogo pigin o.

Yetaya 14:28

Aap endagembogut Akat kambeegerak tahun ti paga Ala nen Yetaya abinggaanggo paga yoreegerak yi aret.

Yetaya 15:1

It o Mowap mendek eeppiyoorak abinggaanggo paga Ala nen yoreegerak nogo yi aret. “O Mowap kota endage At nogo, maluk eerogo pegaarak wonage o. Ne ambit oonikiya pup eerogo pegaarak wonage o. O Mowap kota endage Kit maluk eerogo pegaarak wonage o. Ne ambit oonikiya lek eerogo pegaarak wonage o.

Yetaya 17:1

O Ndamitik mendek eeppiyoorak abinggaanggo paga Ala nen yoreegerak nogo yi aret. “O kota Ndamitik abe wonage menggi kwak logogin lek o. Ata, o mi-mi aago logonak aret wonage kaagun o.

Yetaya 19:1

O Metit mendek eeppiyoorak Ala nen abinggaanggo paga yoreegerak nogo yi aret. Ndugwi mbe agan nage ti paga Aliku ALA kwi'na'nuk o Metit nage yi, kaanip o. It Metit mendek inagugi ogut aago nogo inaganak wake, It aakumi Metit mendek iniki ma'nage, Eeko agaarik o.

Yetaya 20:2

tahun ti paga, aap Amot aput Yetaya nen aakumi yorage logowak nduk, Aliku ALA nen at yoge logonet, “Kayum maluk mendek keebe paga yirik ti inom, kiyok ogut inom, nggoorogo pu o.” Yoge mbareegi, at yoreegerak nogo ndak-ndak aret ayum inom, iyogogut inom, nggoorogo punuk, we aret nege nagagerak.

Yetaya 21:13

O Arap mendek eeppiyoorak abinggaanggo paga Aliku ALA nen yoreegerak nogo yi aret. Aap luurik-maarak aago nega kit aap Nderan mendek yi wae. O Arap wonogo menggam eyoongga ku'mbanak me ooliya wuppatinuk kumaarak logonip o.

Yetaya 22:1

O endage, Abinggaanggo Kobappaga, eeppuurak abinggaanggo paga Ala nen yoreegerak nogo yi aret o. “It o kota time inawi wurik o kirin ndoonak paga lombok lagit nanuk, wonogo logonet, Inale'nggen nen noone-koone yogwe, Inale'nggen nggelok yegerak paga ugun-ugun eerit nugwi, Eekwi ti, Nonggop agaarak kenok agan nogo agaarik? Inoweewi inookaarak nogo, wooluwak paga inookwi, Wim nambuko logonet kanggwi, Eerulik o.

Yetaya 22:25

At Omaawi Lombok Menggerak Aliku ALA nen ambinom ari logonet, “Ne ti eyom eyo paga paku mondok omaawi warak nogo eyo pili age kagak paku kinok togon wambigin me, yi mendek ndi mendek paku ti paga tugunik nogo a'nggan yumbunik-telenak wambigin o,” yinuk, at Aliku ALA nen aret yegerak o.

Yetaya 43:14

At Kikak Nakeelik Alik Leenak Wondet Eerogo Pinagaga kit Iterali kinogoba Aliku ALA nen yegerak nogo yi o. “It wondet agago piyaawak nduk, aap ineegin warak o Mbaben nappiige neenok, It aakumi Mbaben mendek nogo inayumoogi mban nggerok inayiiro abe ogobakkigirik kenok iniki tiyappatit nugwi nogo paga unggwi nanuk kole mbaganugun o.

Yeremiya 24:1

Aap Mbaben mendek inowe endagembogut Nebukanetat nen it Yekura mendek inowe endagembogut aap Yoyakim aput Yoyakin inom, awuri inom eeka inom, aap ineenggi amburu paga o wuka inom, mbutiwak ogobakkigika inom, o Yerutalem nen wogoren o Mbaben piya nagagerak time wonogwe iigak, Alik Ku ALA awi wurik enaame taati wuliinggen mbanak muun mbere yarak me yonggolak wonage nogo Aliku ALA nen nabinggaanggo paga titik nereegerak.

Yeremiya 28:8

Kat inom, an inom, Ala nen yo'nirage kagak yoraga mendek awo aga'lek niigak, it aa'nduk Ala nen yorage kagak yoraga nogo nen yi o ndi o inom, aakumi inabu'me piinok menggam iya lombok wonogwe me inom, inoba ariyak yorogo logonet, Wim nggoguk ari, aaninggin-paaninggin kinoba age, kugilingga kinoba kwi'nage, eeke kaamunggup o, yinuk, yorogo nogogwaarak kwe,

Yeremiya 50:1

It aakumi Mbaben mendek wonogo menggam o Mbaben eeppuurak Aliku ALA nen at yoge kagak yoraga Yeremiya yoreegerak nogo yi aret.

Yeremiya 51:51

It aakumi inambik nen Aliku ALA awi alik leenak wurik me muk ari unggunuk wonogwe paga ninendage maluk age, Aakumi nen miyuk-meya eerogo pinanugwi paga ninenggali age, Eekerak o, Yinuk, yugun kwe,

Yetikiyen 12:10

An wone yokkege yi, aap endagembogut o Yerutalem wonage inom, it aakumi Iterali mendek time wonogwe abok aret inom, eeppiyoorak wone aret me, Aliku Itok Menggerak ALA nen yegerak o, yinuk, it yoroorak nogo yi aret.

Ndaniyen 5:28

Ndi, PERET ti, kat nogoba kabu'me piinok menggenom mogonnage logonet, it Meriya mendek inom, Peretiya mendek inom, ineenggi me agaarak wonage agaarik o,” yinuk, yoreegerak.

Ndaniyen 5:6

Kage nagagerik, aap endagembogut nogo agap nggilaame nek togon eerogo pege, aganak ngginuk ari, eenggi-iyok tanep age, eereegerak.

Nakum 1:1

At Ala nen o Niniwe eeppiyoorak aap Nakum awi Elokoti mendek abinggaanggo paga yoreegerak mbuku mbanak nogo yi aret.

Abakuk 1:1

Ala nen yoge kagak yoraga Abakuk nogo, peebi eeriyak abinggaanggo paga yoreegerak yi aret.

Takariya 12:1

It Iterali eeppiyoorak Aliku ALA nen yereegerak nogo yi aret. O mbogut mbiganogo pege, nggween alom wurabit nage, aakumi ogobakkigirogo piinok, iniki warak eerogo piige, eereegerak Aliku Ala nen ari logonet,

Takariya 9:1

Aliku ALA nen abinggaanggo paga yoreegerak nogo yi aret o. Kota-kota Aram inom, Iterali inanebunu lombok inom, ti Aliku ALA amendek aret me, it teppiige logonet, O Kararak maluk eeppiinet nok, o Ndamitik aret puk ari nagin o.

Maleyaki 1:1

At Aliku ALA nen Maleyaki yoge kagak it aakumi Iterali yoragagerak nogo yi aret.

Matiyut 1:11

ndi, it aakumi Iterali o Mbaben wogoret nogogwaarak eyom paga at Yotiya nogo nen Yoyakin awuri inom ndaganake, eerit wundi wogogwaarak.

Wayu 14:8

Agan nage mbaki, ore ambi wage logonet, “O kota nggwok Mbaben ti, kwe mbabilu ya wukak pogom me, amburu kumili aganaka nenok, ugun-ugun eerit nogo mengga kwak, maluk ugun eerit nugwi, iniki nengge kenok maluk ugun eerit nugwi, eeko logonet, Nit eekwi yi, it yi aakumi ndi aakumi inanebunu lombok abok aret ndak-ndak eeko logowak o, yinuk, mamuninako menggaarak me, inawi inom, ineebe inom, abu pup eerogo piigi o. Pup eerogo piigi o,” yinuk, ari naruk konenggirak.