Yetaya 12:3 - Ala Wone Peenok Peebi Mbanak

³ Aap niyo abu nen niyo miin toologo nengge kenok iniki yawe ari menggi kwak, At Ala kinagap ndaremenggerak paga kit togop aret kiniki ale'nggen alik negen eekkinake kaamunggup o.

Yetaya 12:3 ပူးပေါင်းရင်းမြစ်များ

Ndawi 36:9

Ineenik aganaka alom kat aret o. Kat o eya kwak menggendak me, Pekkeegwi niinok, eya ee'ninake menggendak o.

Ndawi 87:7

Aakumi apit aret kwirabik-kwirabok yogo logonet, “Ninawi alom kota Tiyon aret o,” yinuk, Ndawi paga o ti anep pogo logonet, Yiraakut negen inali-inale yogwe, Eeko logogun o.

Ndawi Iya 2:3

Yi eyo ndi eyo eyonggaame wonage enggela'me eyo anggen abe wonage menggi kwak At niniki kunik eebe ti, wologwe tawe inenggela'me togop aret menggerak o. At angguna'me kwi'nariyak ninikilom mbake, At anggen ti, ombat abe lombok kage, Eeke minggirak o.

Yetaya 41:18

Puut-puut puluk ko aago paga nen niyo kilanogo wumbi wage, O kobappaga niyo eneeri wumbit wage, Karume niyo lek nogo yilaa'nggun yenggenogo pit wage, Niyo eneeri wunggeelik nggween woloonak nogo niyo eneeri tuburubu wumbit wage, Eerigin o.

Yetaya 49:10

Inagi-inambi abu eeginake, O wiya nen aganggen eeginake, mo andi eeginake, Eeke logogin lek aret o. Inabuwa mbake minggirak an nogo nen tu nigiren nage, It wogoren yi eneeri wungge me piinet nage, Eeke logogin o.

Yeremiya 2:13

“An napuri maluk eekaarak alom mbere yi aret. Ambi, niyo ineenik eeginake minggirak alom an nogo inambokan mbo panugwi, Ndi, ambi, niyo yenggenak logorak nggween kabunogo pakwi kwe, eno mbanak me, wundi nage logorak mendek kagak kabunogo pakwi, Eekaarak o,” yinuk, yegerak o.

Yetikiyen 47:9

Niyo yi, nage menggim iniki me yi mendek ndi mendek nugut-tiyak agan nugu menggaarak mendek abok aret ambik wigannarit nogo logogun o. Niyo yi ti, yi kole yenggenak me, unggwi nage logonet, niyo ale nogo, abe eerogo pigin me, yi yikwe ndi yikwe ambik nugut-tiyak agan nugwi, niyo yi nage menggim inikime anebunu lombok abok aret ineenik wonogwe, eeko logogun o.

Takariya 13:1

At Omaawi Lombok Menggerak Aliku ALA nen ari logonet, “Ne ti paga it aap Ndawut paga wiganak inom, it o Yerutalem wonogwe inom, nen maluk eekwi, an mbo paninuk alik mugurok nogwe, eeko nogogwaarak nogo, mili kookwi kwak, lek eerogo pogo logowak nduk, it inake niyo eneeri ambi warak eerogo pigin o.

Yaya 1:16

At oona ngginik kagak iniki kunik nen eeppinanegak mban, eeppinanegak mban, eeke kenok, nit abok aret waganeegurak.

Wayu 22:1

Ti kage nagarik wonage me, malayikat nogo nen, an yo'nege logonet, “Niyo aakumi ineenik aganaka eneeri mili lombok mbini kin nogo, Ndomba Aagaluk Ala imbirak wone lengganogo yorogo menggam abu'me nen, kilak togon wungge nagaarik, o kota tu yarak eraaninu nage ti, kenegen pekket o,” yinuk, yo'nege mbaki, pekkage me, niyo nggwok nage nogo aa'nggi yibagan-enebagan eyo aakumi ineenik aganake menggerak awi yarak me, tut ambi penengge paga ne ambit paga anggen yi'nage, tut ambi penengge paga ne ambit paga anggen yi'nage, togop aret eerit tahun ambit eerak paga ne 12 paga aret anggen yi'nage kagarak. Ndi, eyoongga nogo ti, yi aakumi ndi aakumi andi aganake kero, obeelom aganaka inake aret wonage kagarak.

Wayu 22:17

Yo'nege mbaki, malayikat nogo nen ambi yo'nege logonet, “It aakumi niyo abu aganake kenok, niyo ineenik aganaka nogo mendek onggo lek we aret tookkola woraawak nduk, Aberiniki inom, Ndomba Aagaluk akwe nogo inom, imbirak nen, Wa'nip o, yinuk, muk yorogo agaarik o. Ndi, it wone yi, konembunuk abet mbakwi iinok, Na wa'nip o, yinuk, wiirogo logowak nduk, yoret o,” yinuk, yo'nege kagarak.

1 Tamuwen 2:1

Eeko nogogwaarik, kwe Kana nogo tamban eeke logonet, “Kaliku ALA nen eeppanegendak paga Niniki ale'nggen ambik mbake agarik o. Kaliku ALA nen yeenggwa nege keegak, An nomaawi tiyak yigi o. Ninom ogoorak tebenogo piinok, Nagap ndareegindak me, Nale'nggen nen wogoppake agarik o.