Yetaya 12:2 - Ala Wone Peenok Peebi Mbanak

² Kat Ala ti, ninagap ndaka aret me, Kat paga panggonak logonet, ninagabiti lek aret ogoorik o. Ninomaawi eeppinanega, ninendawi paga kanep pega, ti, Kat ninogoba Kaliku ALA aret o. Kat ninagap ndareegindak me, ninagap ndaka aret wonage agandik o,” yinuk, at yogo logomunggup o.

Yetaya 12:2 ပူးပေါင်းရင်းမြစ်များ

2 Tamuwen 7:24

It aakumi Iterali mendek ti, kat kapuri mondok-mondok logowak nduk, koonogo piyareegindak me, Kaliku inogoba Ala kat aret agagindak o.

Ayup 13:16

Aap Ala abet mbaka'lek maluk mendek nen Ala owagam noorak inagabiti mbakwi me iigak, An nen at owagam nage neenok, Aap yi abe o, yinuk, nili yigin kwa?

Ndawi 112:8

Iniki nu'lek agabiti mbaka'lek logonet, Inom ogoorak tebenogo piyoorak mbake nogo Tebenogo piinet nage logogin o.

Ndawi 118:14

At Aliku ALA nomaawi eeppanege, At nen aret an nagap ndake, Eekerak me, An ndawi paga at anep pege agarik o.

Ndawi 118:21

An nen Aliku ALA yoge neenok, Aruk konengge, an nagap ndake, Eekerak me, “Wa,” lombok yorigin o.

Ndawi 27:1

At Aliku ALA ti, Eya eerogo panega, nagap ndaka, At aret wonage me, Aap ta paga nagabiti mbake, Neenik logokit nduk, nomaawi eeppanega ti, Aliku ALA aret me, Ta paga naganak wake, Eeriyak mbakop? Lek aret o.

Ndawi 65:6

Komaawi ambik kin keyaawak nduk, Puut-puut kwippit nanuk mondok nu'lek logowak nen Omaawi eerogo pit nage,

Ndawi 68:20

Ninogoba Ala ti, Nit ninagap ndaka Ala aret me, An nooremenggaarak kangge neyo, Aliku Itok Menggerak ALA nen An neebe nili ari logogin o.

Ndawi 68:21

At Ala nen at inom wim mbanak nogo Inanobak aan lebenogo piige, It aap maluk mban eerit nogo menggaarak Ineeruwak awi wurik nogo, Inanobak taganak-mbaganak eerogo piige, Eerigin, mbako logonip o.

Ndawi 83:18

Kat kendage ti, Kaliku ALA aret ineenu ogwe, Ndi, o nggween paga yime abok aret kat kalik Tiyanak Lombok Menggendak liippagagwi, Eeruwak nduk, eeppiyet o.

Wundeegwaarak 15:2

At Aliku ALA ti, Nomaawi inom, nendawi inom, aret wonage o. At nen aret nagap ndareegerak o. At Aliku ti, nogoba Ala aret me, Alut eeke agaarik o. At ti, an nombomini inogoba Ala aret me, Endage tiyappege agaarik o.

Yetaya 10:24

Togop me, at Omaawi Lombok Menggerak Aliku nogoba Ala nen yegerak nogo yi aret. “It an napuri o Tiyon menggaarak ti, It aap Atiyut mendek nen yawi paga inookwi, Aa'nduk it o Metit mendek nen eeginabeegwaarak ndak-ndak it ti nen muun mbanak paga inookwi, Eekwi iinok, Inagabiti mbarugwaarik o.

Yetaya 17:10

Kit Iterali yi, wae. Kinagap ndaka Ala mari eerogo pugwi, Kinayugum pak wurogo pereegi kwak wonagagerak nogo kinami age, Eereegutak me, Yi mendek ndi mendek abe awi kenok mban yarit nogwe, Eyo anggur awi abu abe aakumi alik iname mendek wonok yari unggwi wogwe,

Yetaya 27:5

Eeppiiga'lek neenok, it nen, Nineebe op logorak at abu'me ari ungguwok o, yinuk, Neya wogwe iinok perak, ninom lambungge, Abet aret ninom lambunna'nuk wonage, Eeruwak o,” yinuk, Ndawi yugun nogo ti aret.

Yetaya 32:2

O wiya warit wage kagak yugum nen mulumbiinok menggi kwak, O wiya nabuninuk wage kagak, ineebe op logowam nobappiinok menggi kwak, O karume niyo eneeri ambik wundit wage menggi kwak, Karu kole nonggolak me mo andi nen yugum kole abu'me ari unggwogo mengga kwak, It aap ti, inalitak lombok togop aret eeppiinok logogun o.

Yetaya 33:22

At Aliku ALA ti, ninowak loongga, Aliku ALA ti, eeko logorak wone lengganogo yo'niraga, Aliku ALA ti, ninowe endagembogut aga, Aret me, ninagap ndarigin nogo ti, at aret o.

Yetaya 38:20

Kaliku ALA nen an nagap ndarogo pani wagandak me, Nit Kaliku ALA kawi wurik me time mondok-mondok logonet, Yi nggitat ndi nggitat oone eekwi, ndawi wakwi, Eekwi tit niigak kambuurak kuli ari nagin o,” yoge mbareegi, ndawi pereegerak liiru mbaneegerak ti aret.

Yetaya 45:17

It Iterali yi perak, Inagap ndarak mondok-mondok logowak nduk, Kaliku ALA nen inagap ndarogo piyaagin me, Inenggali age, inendage maluk age, eeka'lek mondok-mondok obeelom aret wonogo logogun o.

Yetaya 49:5

At Aliku ALA nen an yi, Aap iya negen aret, neege, Ndi, nogoba Ala nen omaawi eeppanege, Eeke nagagerik, At ayeloman logonet at Yakup paga wiganak iniyokan at owagam piya wage, At apuri Iterali mendek wogoret at abu'me kuwak eerogo piya wage, Eerikit nduk, An nda'naga'lek nagalo inikime awo wonage neegak, neenggi-niyok warak eerogo paneegerak Aliku ALA nen yegerak yi aret.

Yetaya 50:10

Kit kinenggela'me nen at Aliku ALA agabiti mbake, At ayeloman wone ari kenok liirogon eeke, Eeke menggerak ta wonage agaarik o? At o eya paga nageelik apit paga wonage logonet eerit nage nogo nen Aliku ALA abet mbake, At ogoba Ala iniki oba panggombege, Eeruwak o.

Yetaya 51:12

Aliku ALA nen ari logonet, “An o! Kiniki eyak wappinagage minggirak ti, an aret o. It kanggo menggaarak mendek iigak, inagabiti mbakwi, It aakumi nen ndarak iri'ngga kwak kwe, inagabiti mbakwi, Eekwi ti, taani o?

Yetaya 61:10

O Tiyon nen ari logonet, “Aap kwe lambumbugwi paga aap nen anobak paga obaanggi-obaangge eekkolage menggi kwak, Kolaga nen alilibano eekkolage menggi kwak, Yum yippiigo mengga kokwak at nogoba Ala nen nagap ndarogo panege, Yum age langgumbiigo mengga kwak, an obeelom eerit nage logokit nduk eeppanege, Eekerak me, Aliku ALA eeppanegerak ti paga nale'nggen alik negen ee'nake, Nogoba Ala nen eekerak paga niniki ale'nggen kani negen wunuk ari, Eeke agaarik o.

Yetaya 62:11

Aliku ALA nen it aakumi nggween irip-irip wonogwe abok aret inaruk konenuwak nduk wone yoragaarak yi o. “At Kinagap Ndaka wage yi kaanip o. Ta'liila eerit nage nagagerak onggo kolegerak nogo inom wogwe, At peebi wage kagak inaa'nduk wogwe, Eekwi yi, Iyaanip o, yinuk, o Tiyon Aagalukwe nogo yoru,” yegerak o.

Yetaya 65:18

O Yerutalem ogobakkigirogo piminggirak paga inale'nggen mbakwi, Ndi, it time wonogwe nogo, eekwi paga inale'nggen mbakwi, Eeko logogun me, An ogobakkigirogo pigin ti paga inale'nggen nen mondok keekok yogo logowak o.

Yetaya 7:14

Kinogoba Ala alik nen kineenu ariyak mendek eeke kaamunggup o. Eeke kaamunggup nogo ti, kolaga aap kigin waka'lek nogo abila age logomenggerik, aagaluk aap aret ndarigin o. Ndi, ndake kenok, at endage Imanuwen aret toonigin o.

Yeremiya 23:6

Endagembogut logonet, wone lengganogo yorage ti eyom paga it aakumi Yekura mendek inagap ndarogo piige, It Iterali mendek iniki ugun tayenak logowak nduk, eerogo piige, Eerigin me, At endage ti, Ninogoba A'me Nggelok Eeppinanega Aliku ALA aret o, yinuk, yogo logogun,” yegerak o.

Yeremiya 3:23

Puut-puut paga kugi aanggo wako logonet, noone-koone agan nugwi ti, Abe lek aanom warogo kagak eeko ogoorik o. Ninogoba Kaliku Ala nen mban nit Iterali ninagap ndariyak ti abet aret o.

Ndaniyen 3:28

Iigo nogogwaarik, aap Nebukanetat nogo nen it kuwak ogogwaarak nogo yorage logonet, “It Tarerak, Metak, Abe'nego nogo iniki inogoba Ala oba panggonak menggaarak me, An nagugi ogut aago ayuk wuriyak o, yinuk, wone lengganogo wumbigirak nogo paga it nen yogo logonet, Nit at agugi alut eerugun lek o. Ninogoba Ala mban alut eekwi, at abu'me mban tebe yinuk, ayuk wukwi, eerugun o, yinuk, kambuurak inagabiti lek aret puk agaarak paga kani omoonuk wunuk ari me nen at ayeloman mini yi, inagap ndarogo wumbiya woraawak nduk, inogoba Ala nen malayikat ambi nappi wagaarak me, it inogoba Ala endage tiyappogo logowok o.

Oteya 1:7

It Iterali mendek togop aret eerogo piyaagin kwe, it aakumi Yekura mendek perak, inabuwa mbake, inagap ndake, eeke logogin o. Ti eeke logogin nogo ti, yigin paga, wooluwak paga, wim eekwi paga, kuda paga, it aap kuda paga kwi'na'nuk wim eeka paga, inagap ndarigin lek o. Ata, inogoba Naliku an ALA nen aret inagap ndake logogin o,” yinuk, yoreegerak.

Yowen 2:23

Kit aakumi o Tiyon wonogwe yi wae. Kinogoba Aliku Ala nen a'me nggelok eeppinagage logonet, Aa'nduk eereegi kwak, o kibi wonagaatik mayu nappi wage, O loongge nagaatik, mayu wuppi wage, Eeppinagagin me, Gandum agabolo mbelanggo menggam anggen mban yagabit age, Anggur amburu mburunogo tooko menggam anggur amburu inom, eyo tayitun amburu inom, Eno korok yinuk, kilu-kilu wangge, Eerigin me, Kiniki ale'nggen mbakwi, Kinogoba Aliku Ala eeppinagamenggerak ti paga ndawi lubuk yogwe, Eeko logomunggup o.

Yunut 2:9

An perak, Wa! yokkege logonet, kake warogo wokkege, An ndogop eeke logogin o, yinuk, kumbuk mbanggirak nogo ndak-ndak aret eeke, Eerigin o. Ninagap ndaka nogo ti, Kaliku ALA kat aret o,” yinuk, tamban eereegerak.

Abakuk 3:18

An perak, Aliku ALA paga nale'nggen nggwok mbake, Nagap ndaka nogoba Ala aret me, nale'nggen nen ndawi lubuk ari, Eeke logogin o.

Oroma 1:16

Obeelom wone ti, aa'nduk it Yakuri mendek inom, ti'nuk, peebi Yunani mendek inom, aakumi abok aret abet mbakwi iinok, inagap ndake logorak Ala omaawi ti aret me, wone obeelom wone ti, an nagabiti lek logonet yokkirage agarik o.

1 Timotiyut 3:16

Nit Ala wone abet mba'nuk waganggo monggoorak kote kumaarak lombok wonagagerak nogo yi o. “At aap aret kin ari wage mbareegi, Yi Ala aput, mbaruwak nduk, Aberiniki nen kin eeppereegerak. Kin eeppege mbareegi, it malayikat nen at eebe inigen kogwe, Ala wone ineenggo'lek mendek wonogome yoranet nogwe, it aap abok aret at abet mbakwi, eeko mbareegwa, Wi, ugwi iigak, wonok laganeegerak o,” yinuk, yogo menggaarak nogo mondok abet aret kogo o.

Wayu 7:10

inoone nggwok yogo logonet, “Wone lengganogo yorage menggenom kwi'ndak wonage kat ninogoba Ala nogo inom, Kat Ndomba Aagaluk inom, Kimbirak nen ninagap ndareegutak me, wa,” yinuk, yorogwe iigak,

1 Tamuwen 2:1

Eeko nogogwaarik, kwe Kana nogo tamban eeke logonet, “Kaliku ALA nen eeppanegendak paga Niniki ale'nggen ambik mbake agarik o. Kaliku ALA nen yeenggwa nege keegak, An nomaawi tiyak yigi o. Ninom ogoorak tebenogo piinok, Nagap ndareegindak me, Nale'nggen nen wogoppake agarik o.