Yetaya 11:4 - Ala Wone Peenok Peebi Mbanak

⁴ Ata, Ala yegetak ndak-ndak aap tebenak mendek inowak loongge, It aap ineenggi lek nogo eekaatak a'me nggelok inawone mbanogo piige, Eeke logogin o. Muun obate mbanak paga inooko mengga kwak, At nen wone yorage paga aakumi o nggween yi paga wonogwe nogo koonogo piige, Ndi, ambe aagi paga aap maluk mendek mondok lek eerogo piige, Eeke logogin o.

Yetaya 11:4 ပူးပေါင်းရင်းမြစ်များ

2 Tamuwen 8:15

At Ndawut nogo it Iterali mendek abok aret inowe endagembogut a'nuk, wone lengganogo yorage logonet, apuri Iterali inake abe mban koongge, li'lak mban eeppiige, eeke nagagerak.

Ayup 15:30

O apit ari wage menggi kwak, Aaninggin at oba kwi'nari wage kenok, At mbaganiyak meek aret kaagin o. Eyo agarip wunggetak nogo Kani nen yagangge menggi kwak, at togop aret age, Ala ambebubu paga lek eerogo pege, Eerigin me,

Ayup 4:9

It aakumi ti, Ala ambebubu paga lek eerogo piige, Anini nen enete aagi paga mondok inenggaawak lek eerogo piige, Eeke menggerak.

Ndawi 110:2

Aliku ALA nen kambim obate mbanak nogo o Tiyon nen Yi o ndi o kawim wonogwe me titik eerogo nappege,

Ndawi 18:8

At ogobak me nen ka'luk wungge, Ambeme nen kani omoonuk yenan-menan agan wungge, Eebe paga nen kani kunik kwindagala eeke, Eeke logonet,

Ndawi 2:9

Mbim obate mbanak eenggime logonet, oone omaawi paga wone lengganogo yorage, Yi mendek ndi mendek nggabok paga ogobakkigirik telenogo pogo mengga kwak eerogo piige, Eerumunggun o,” Yinuk, yo'nereegerak o.

Ndawi 76:10

Kat kanini aakumi inoba piige nogo, Aakumi inigen kenok, kendage tiyappugwi iigak, Kanini ando nogo ti, kagabee'le kwak yikkolage menggendak o.

Yetaya 1:17

Eeko logomenggaarik, Obeelom eeriyak mendek mamunggologwe, A'me nggelok eeriyak mendek mugurok nogwe, Aap tebenak mendek iniki eyak wappiigwi, Elege moono inake koonggwi, Kumi togwe eeppiyoorak inawone mbanggwi, Eeko logowak o,” yinuk, ari kagarak me, yokkiragi o.

Yetaya 13:11

It aakumi o nggween paga maluk eeko menggaarak nogo onggo eeppiige, It aap maluk eeka mendek inomaluk onggo inoba kwippiige, Nit iya o, yinuk, wogoppatit nugwi nogo tebenogo piige, Iniki worokot logonet, agan nugwi nogo inomaawi lek eerogo piige, Eerigin o.

Yetaya 14:30

It aap an napuri inamendek lek aret kwe, inambi nunggwi, It eekkoloorak meek nogo nen iniki ugun tayenak nogo yugwi, Eerugun me, It inapuri wiganak perak, abok kambit nawak nduk, an nen mbi noogelo inoba kwippiige, It eegu teppiyamenggerak nogo inoorogo piige, Eerigin o.

Yetaya 16:5

At Ndawut paga wiganak ambi kin ari wage logomenggerik, At wone lengganogo yorage menggim logonet, Aakumi inabuwa mbake, Liirogon aret wone lengganogo yorage, Eeke paga At abu'me piige logowam mondok omaawi aret arigin o. At aakumi inowak loongge logonet, a'me nggelok inowak loongge paga aakumi obeelom eekwi nogo Mbet-mbet aret wiganinuk nage logogin o.

Yetaya 2:4

At nen aakumi inanebunu lombok inowak loongge, Yi aakumi ndi aakumi abok aret inawone amburu mbangge, Eerigin me, Inobaloowi wim eekak nogo eyo konaaka eerogo pege, Inambuti wooluwak nogo yabu wagangga tegewa eerogo pege, Eerigin o. It aakumi inanebunu ambi mendek nen ambi inom wim nambukwi, Wim namburiyak nduk wakkagak eekwi, Eerugun mondok lek aret o.

Yetaya 26:6

It aap tebenak inom, ineenggi lek inom, nogo nen iniyok aan lebenogo pit nogo agaarik o.

Yetaya 29:19

It aap tebenak wonogwe nogo Aliku ALA paga inale'nggen mbako nogogwa kwak, peebi inale'nggen mbakwi, It aap ineenggi lek nogo at Kikak Nakeelik Alik Leenak Iterali inogoba paga iniki ale'nggen mbakwi, Eeko logogun o.

Yetaya 3:14

Aliku Ala nen at apuri inoweewi inom, inarum menggaarak inom, inowak looninake logonet, “It nen aret neyabu anggur yarak anggen mbanogo nenet nugwi, Aakumi ineenggi lek inamendek ndinogo iname yagabit eerogo pati unggwogwe, Eekaarak o.

Yetaya 30:28

Niyo wurik paga aap inenggaanok kuli ari lagangge kenok, ke'mbogonik yogo mengga kwak, Ala anini ke'mbogonik ari, Maluk kenok leenogo punuk, lek eerogo piyaawak nduk, at nen yi aakumi ndi aakumi piyak-piyak aganake, Yi aakumi ndi aakumi mbutigeele inogobak me pugunogo piinok, wogoren nage, Eerigin o.

Yetaya 30:31

At Aliku ALA oone ari kenok, it Atiyut mendek inogut nage, Ndi, at ambim mbanak paga inoorogo piige, Eerigin o.

Yetaya 30:33

At aap endagembogut Atiyut mendek nogo kani kuniyak ake aa'nduk muk pipuk eerogo pereegerak wonage o. Ti eerogo pereegim nogome inikime teberogon kabunik wonage, ambe wiganak lombok wonage, Kani wurik mban yagabit aago wonage, eerak me, kani kunik kwindagala eerogo nagake menggi kwak, Aliku ALA ambe aagi nappemenggerak paga kani logonak nogo abok aret wunuk yigin o.

Yetaya 32:1

Aap endagembogut ambi nen obeelom eeppiinet nage logonet, wone lengganogo yorage, It aap aakumi inarum menggaarak nogo nen eekaatak a'me nggelok eeppiigo logonet, inarum wonogwe, Eekwi iyaamunggup o.

Yetaya 32:7

It wi-wi aganaka nen eeppiinet nugwi ti, maluk aret o. It aap tebenak mendek nogo nen, “Nit ndogop eekoorak o,” yinuk, abet aret yogwi iigak, It aap ti nen, “Pilit-pilit inoba piigwi niinok, inoone lek aruwak o,” yinuk, inikime koonit nugwi, Eeko menggaarak kwe,

Yetaya 33:22

At Aliku ALA ti, ninowak loongga, Aliku ALA ti, eeko logorak wone lengganogo yo'niraga, Aliku ALA ti, ninowe endagembogut aga, Aret me, ninagap ndarigin nogo ti, at aret o.

Yetaya 40:7

Aliku ALA ambe aagi pu eerogo nappege paga iri'ngga nogo mbuk age, Iri'ngga anggen nogo mono-mono wangge, Eeke menggi kwak, It aakumi ineebe togop aret ogo menggaarak o.

Yetaya 49:2

An nambe paloowi ngget penek maarak kwak eerogo panege, At eenggime nobappanogo wonage, Maale namburik nggaruk togon nage menggi kwak eerogo panege, At omaale ta'mbanak kwak enggela'me kumaarogo panege, Eeke logonet,

Yetaya 61:1

It aakumi tebenogo piinok wonogwe nogo wone obeelom wone yorage logokit nduk, Aliku ALA nen amburu eerogo mippanegerak me, Aliku Itok Menggerak ALA Aberiniki noba panegerak wonage agaarik o. It iniki wakkologwe nogo iniki teeluk eerogo piige, It keele maarak wonogwe nogo, “Muk wondet eerogo pinagagerak o,” yinuk, yorage, It keele maarogo piigo menggam piyareegwaarak wonogwe nogo, “Wumbiya wa'nip o,” yorage, “Aliku ALA nen obeelom eeppinaniyak tahun nogo yi aret aga o,” yinuk, agan nage, “Ninogoba Ala maluk onggo eeppiyoorak ne nogo yi aret o,” yinuk, yoranet nege, It aakumi apit aret iniki puru yogwe wonogwe nogo iniki eyak wappiige, O Tiyon le yogo logonet, purok inanobak paga yikut eerak obaane'me inabetagi ngget mendek yirippiige, Iniki puru aago wonogwe nogo obaane'me nggiraanak eeppiinet nage, It iniki aaninggin ndugu aago wonogwe nogo inale'nggen nen ndawi wako logowak nduk eeppiige, Eeruwak nduk, Nappani wagaarak o. It aakumi ti, at Aliku ALA abu tiyanak, “Wi!” ugwi nogo, aakumi inigen kogo logowak nduk, Awi luurogo punuk, yappereegerak aakumi nen, “Eyo teno kwak Obeelom Mban Eeka,” yinuk, yogo logorak nogo it aret o.

Yetaya 9:7

At wone lengganogo yorage logowam nggwok wiganinuk nage, Aakumi inom lambunik iniki ugun tayenak wonogwe nogo lek aga'lek kundugu wonage, Eeke logogin o. At Ndawut paga wiganak aret me, At wone lengganogo yorage menggim mi'na'nuk, At abu'me piige menggim wone lengganogo yorage logogin o. At obeelom mban eeppiinet nage, a'me nggelok mban inawone mbangge, Eeke logomenggerak paga At abu'me piige menggim akom kwippiige, Omaawi nu'lek eerogo pege, Eerogo pege kenok, Mondok-mondok aret logogin o. At Omaawi Lombok Menggerak Aliku ALA nen, “Mondok eerikit aret,” mbarit unggwage me, aret eeke logogin o.

Yeremiya 33:15

Ne ti paga eerigin o, yinuk, yoragagirak ti eyom paga At ambi iniki abe koonak agarip kwak Ndawut paga ndarogo pigin o. Ndarogo piminggirak nogo nen o yime a'me nggelok mban eeppiinet nage, obeelom mban eeppiinet nage, Eeke logogin o.

Yeremiya 5:28

Abe mban nunggwi paga ineebe kole inamburu tene yogwe wonogwe, Eeko menggaarak. Maluk mban eerit nogo logonet, Ti kuli aret o, yogwe, Elege moono inawone amburu mbanggo logonet, it eeppiyoorak koonggwi, It aakumi ineenggi lek op eeppiyoorak koonak nogo eeppiyoorak inaana'le mbanggwi, Eekulik aret o.

Oteya 6:5

Togop me, it aap an yorage neegak yoraga nen inoone andiigwi yorogo logowak nduk nappiya wage, Noone ari minggirak paga nen inoorogo negen piige, O yabok aakumi inoba pindanogo piige menggi kwak, eekaatak onggo eeppiyoorak koonogo pigirak nogo ti, togop aret inoba kwippiige, Eereegirak o.

Tepaniya 2:3

Kit aakumi o yime kiniki tebenak logonet, Aliku ALA nen, Yogop ee'nu ndogop ee'nu, ari menggerak ndak-ndak eekwi yi, Aliku ALA mugurok nogo logonip o. Aliku ALA anini eeppinagi woroorak eyom paga kit kinoba pinagage kagak eerukwak, Kit abe koonak mban eerit nugwi, Kiniki tebenak logonet, eerit nugwi, Eeko logonip o.

Maleyaki 4:6

Nappi woraminggirak wage kenok, inogobamini nen inapuri inabuwa mbaruwak nduk, iniki koonogo piige, inapuri nen inogobamini inabuwa mbaruwak nduk, iniki koonogo piige, eeremenggerak kwe, ndak-ndak eekwi lek iinok perak, an wage logominggirik, inanggween nogo maluk eerak logowak nduk, pulunogo pigin o,” yinuk, at Omaawi Lombok Menggerak Aliku ALA nen aret yegerak me, yokkiragi, yinuk, yoragagerak.

Matiyut 11:5

Inigen mbuk mendek inigen obeelom ogwe, inendop maluk mendek tu op nogwe, inawin aaga'ne kunik mendek lek ogwe, inaruk logu mendek inaruk konenggwi, kanggaatak ineenik agago mippiige, ndi, inamendek lek nogo obeelom wone yorage, eeke kogotak yi, yori nanip o.

Matiyut 5:5

It aakumi iniki yanggonak menggaarak nogo ti, Ineyate Ala nen, Wokkiraagin o, yinuk, abok yoragagerak nogo aret kolaagun me, Iniki ale'nggen aret mbako logowak o.

Nappiigak 9:1

Ti eeke kagak, at Tawulut nen it ninogoba Yetut oone waganggwi nogo inoorikit nduk anini wu agan nage mbareegi, at Ala unde inowe nggwok nogo owagam nage nagagerik,

2 Korindut 10:1

“At Pawulut nda wonage logonet, agabiti mbaka'lek mondok lok togon yo'nirage, ndi, nit ninenggaanom kenok perak, agabiti mbakak oone yanggorogon yo'nirage, eeke menggerak o,” yogo monggotak kwe, Keritut ninabuwa nen oone yanggorogon yo'nirage menggi kwak, an Pawulut togon ndak-ndak, niniki, “Ao,” mbake logonet, wone ambi yokkira.

Nggalatiya 5:23

niniki yanggonak wonogwe, eeriyak niniki nengge kenok mbet-mbet tebenogo pugwi, eeko monggoorak ti aret o. Ti eeko monggoorak nogo eeko logorak mage yugu ambi wonage mondok lek o.

2 Tetalonika 2:8

Wonok lagi nage kenok perak, at maluk lombok eeka nogo kin ari woraagin o. Kin ari wage logomenggerik, at Ibilit eeke menggerak ndak-ndak at omaawi paga eerit nege logonet, “Ala omaawi paga eeke,” mbaruwak nduk, inagabiti worak mendek eeke, eerubok mendek eeke, tam warak negen eeke, eeke logonet, it aakumi Ala nen inagap ndaruwak nduk, wone abet aret ari menggerak inikilom mba'nuk wagangga'lek logomenggaarak paga maluk agago piyoorak nogo, inambokan laganikit nduk, oone alik negen pugunogo yoranet unggwage logogin o. It aakumi Ala ari menggerak wone wagangga'lek maluk eeriyak mban inikilom mbarit nugwi nogo abok aret, at Ala nen, “Inowak loombunuk, maluk inoba piyaakit o,” yinuk, pilit wone agan wage nogo abet mbaruwak nduk, iniki apit agago piyaagin o. At maluk lombok eeka ti nen togop eerit wage me, ninowe Yetut mondok tiyanak ayuk worak wage logonet, ambe aagi paga eebe mondok warogo lek eerogo pi woraagin o.

Titut 3:2

Aap ambi miyuk-meya eerogo pugwi, ndugwi pugwi, eeko logorak ti mage o. Ata, iniki yanggonak logonet, yi aap ndi aap abok aret inabuwa mbako logowak nduk, yorage logot o.

Yakobut 3:13

Kit aap ambi kinenggela'me iniki warak logonet, yi mendek ndi mendek mbet-mbet yelok kage menggerak kenok, aap ti, iniki tebenak logonet, iniki warak nen obeelom eerit nage kinigen kogo logobagip nduk, eerit nage logowak o.

Wayu 1:16

at eenggi abe'nggan paga laaluguragan 7 porogo wonage, mbuti togowa ngget peenok-peenok maarak ambeme titik aago wonage, ndi, oonegen ndelenak-welenak eeke nogo pogom, at etenggen togop aago wonage, eeke kagarak o.

Wayu 19:11

Yo'nege kage nagarik, mbogut paga tungga paarak wonage kagak, aap ambi endage Abet Mban Ari, Liirogon Eeke, Eeka nogo, kuda yanggwi negen amborowak paga kwi'ndak wage kagarak. Wage nagaarik, liirogon inowak loonogo a'me nggelok mban onggo wogorage, wim liirogon aret nambuke, eerit nage kagarak.

Wayu 19:15

Inom nogo logonet, at yi aakumi ndi aakumi inanebunu lombok abok aret tebenogo piyoorak nduk, paloowi ngget ambik ambeme nggelenak wonok nage logonet, tebenogo piinok, mbim obate mbanak ineenggime logonet, inoone omaawi paga yorogo mengga kwak, at oone omaawi paga wone lengganogo yorage kagarak. At omaawi lombok menggerak Ala anini nen aakumi eeppiyoorak nogo ti, anggur amburu aambiranggo mengga kwak aret me, at nogo nen aakumi togop aret aambiranogo piinet nage kagarak.

Wayu 2:16

it maluk eekwi nogo ti, iniki koombunuk, mbo pogo logowak o. Mbo pega'lek iinok perak, an mbet-mbet wage logominggirik, mbuti togowa an nambeme wonage yi nogo paga inoori wambi woraagin o.