Yetaya 11:16 - Ala Wone Peenok Peebi Mbanak

¹⁶ O aa'nduk togon Iterali o Metit nen wundi wogwe iigak, tu abe eerogo piyareegi kwak, At apuri eegu yumbunik o Atiyut wonogwe nogo iname woraawak nduk, Tu nggwok mbininogo piyaagin o.

Yetaya 11:16 ပူးပေါင်းရင်းမြစ်များ

Wundeegwaarak 14:22

Ndi, niyo mogonak nogo agi-ogu yagat wurik pogom eeppunuk wonage kagak, aakumi Iterali mendek nogo nggween woloonak paga aret wunda wogogwaarak.

Yetaya 1:9

At Omaawi Lombok Menggerak Aliku ALA nen nit ambiriluk ambi yumbunogo pinaniyak mba'netak lek en O Torom inom, Nggomora inom, eerogo piyareegi kwak nit eerogo pinaninetak o.

Yetaya 10:20

Ne ti eyom paga it Iterali eegu yumbunik at Yakup paga wiganak inenggela'me nen kole mbaganugun nogo, At aap it tebenogo piiga oba panggonak logogun lek o. Ata, at Kikak Nakeelik Alik Leenak Iterali inogoba Aliku ALA oba mban panggonak logogun o.

Yetaya 11:11

Ne ti eyom paga ninogoba Ala nen at apuri eegu yumbunik o Atiyut nen, o Metit agi-ogu nen, o Kuti nen, o Elam nen, o Mbaben nen, o Kamat nen, niyo laut oolo ku'mbanak paga wonogwe nen, abok aret aa'nduk eereegi kwak, ne ambi eenggi omaawi paga wondet eerogo piinok, iniyokan iname piya woraagin o.

Yetaya 19:23

Ne ti eyom paga o Metit nen o Atiyut nogo logorak tu nggwok arigin me, it Atiyut mendek nen o Metit nogwe, ndi, it o Metit mendek nen o Atiyut wogwe, eeko logonet, it Metit mendek inom, Atiyut mendek inom, inom a'nuk, Ala alut eeko logogun o.

Yetaya 27:13

Ndi, ne ti eyom paga mban oone nggwok eeka trompet nogo oone pu nggwok eeke kenok, it aakumi Iterali mendek o Atiyut kobak ogogwaarak nogo inom, o Metit mbo nappiya nogogwaarak nogo inom, puut alik leenak Tiyon kota Yerutalem nogome kuwak ari wogo logomenggaarik, Aliku ALA alut eeko logogun o.

Yetaya 49:11

An nabuut paga abok aret tu yarogo pit nage, Naru nggwok yarak paga tiyak-tebek wonage kenok kagaarogo pit nage, Eerigin o.

Yetaya 49:12

Ti eeke neenok, it aakumi o nda o omarip paga pa'nggwe nen, Oonegen kilu yi nage menggim pa'nggwe nen, o Tinim nen, Wogwe iyaamunggun o,” yinuk, yegerak o.

Yetaya 51:10

It aakumi kat wondet eerogo piyareegindak nogo wunda nawak nduk, niyo mogonogo pege, Niyo kole laut poronogo pege, Niyo laut alobok ambik nogo poronogo punuk, nggween woloonogo pege, Eereegindak Kat aret nogo lek a?

Yetaya 57:14

Aap ambi nen ari logonet, “Tu koonogo piige, tu koonogo piige, eeke logot o. An napuri woraawam inaru non mbanak wonage nogo worenogo mbo pege logot o,” yinuk, yigin o.

Yetaya 62:10

Togop yegerak me, wundi nogo logonip o. Tu pak ambe mbanak paga nen wundi nogo logonip o. Tu it aakumi iname woraawak nduk pipuk eekwi, Tu ogobakkigirogo yakwi, Tu nggwok ogobakkigirogo yarit nugwi, Eeko logonip o. Yugum kenok, langgunogo mbo pugwi, Yi aakumi ndi aakumi unggwi woraawak nduk, ineenu agak mippugwi, Eeko logonip o.

Tepaniya 2:7

Kit monggo'nom time aap Yekura paga wiganak eegu yumbunik nogo, unde eeppatinuk wonogo logonet, Inaanggumi kambin-ndomba inagari'ngga mbanogo nonggo logowak nduk, time piigwi, Ndi, oonikiya paga it Atekelon mendek inawi wurik me time inanogo yikkologwe, Eekwi iigak, At Aliku inogoba Ala nen ineebe liirogon aret ndegeninake, Aa'nduk wonogogwa kwak eerogo piige, Eerigin o.