Yetaya 11:11 - Ala Wone Peenok Peebi Mbanak

¹¹ Ne ti eyom paga ninogoba Ala nen at apuri eegu yumbunik o Atiyut nen, o Metit agi-ogu nen, o Kuti nen, o Elam nen, o Mbaben nen, o Kamat nen, niyo laut oolo ku'mbanak paga wonogwe nen, abok aret aa'nduk eereegi kwak, ne ambi eenggi omaawi paga wondet eerogo piinok, iniyokan iname piya woraagin o.

Yetaya 11:11 ပူးပေါင်းရင်းမြစ်များ

Wakkagagerak 10:10

At nogo alik nen iyaalok togon nggween Tineyat taganak o nggwok Mbaben inom, Erek inom, Akat inom, unde wonagagerak.

Wakkagagerak 10:22

Tem apuri ti, Elam, Atiyut, Arapakatat, Luri, Aram, aret ndaganabeegerak.

Wakkagagerak 11:2

It inoone ambit aret wonogo logonet, it abok aret luuwi mondo agan oonegen wundi wage menggim pa'nggwe time ari nogo logonet, o Tineyat kobappaga time kwaappogo nogogwaarik, nogome aret ye mbanggologogwaarak.

Wakkagagerak 14:1

Ne ti eyom paga aap inendagembogut ineebe 4, ambi Amarapen o Tineyat arum wonage, ambi Ariyok o Elatat arum wonage, ambi Keroralawomet o Elam arum wonage, ndi, ambi Tireyan o Nggoyim arum wonage, eeko nogogwaarak nogo nen wundi wogo logonet,

Wakkagagerak 2:13

Ndi, niyo elaganggen ambi kinogo nappereegerak nogo ti, endage Nggikon aret. Niyo Nggikon nogo o Kuti time abok aret yelok-nggolok nage menggerak.

2 Endagembogut 17:24

It aakumi Iterali mendek wogoren piya nogogwaarak nogo inobaane'me at aap Atiyut inowe endagembogut nen it aakumi Mbaben mendek inom, Kuta mendek inom, Awa mendek inom, Kamat mendek inom, Teparawayim mendek inom, wogoren, o Tamariya kota-kota logowak nduk piya wagagerak me, o Tamariya kota-kota time ye mbambatinuk wonogogwaarak.

Etet 10:1

O nggwok unde menggerak ilin-unggut niyo kole yenggenak aa'nggi paga kuli abok aret inarum wonage onggo pugu iri wagak yuwak nduk, aap endagembogut Akatiwerot oone omaawi paga wone lengganogo yoragagerak.

Ndawi 68:22

Nogoba Ala nen ari logonet, “It kinawim inamiya paga kiniyok kookkologwe kiigak, Kinanggeewo nen inamili penak nunggo logowak nduk, An kinawim o Mbatiyan nen iniyokan wogoren wage, Yi nggwok laut kiiniki paga nen Iniyokan wogoren lagi wage, Eerigin,” yereegerak o.

Yetaya 1:9

At Omaawi Lombok Menggerak Aliku ALA nen nit ambiriluk ambi yumbunogo pinaniyak mba'netak lek en O Torom inom, Nggomora inom, eerogo piyareegi kwak nit eerogo pinaninetak o.

Yetaya 10:20

Ne ti eyom paga it Iterali eegu yumbunik at Yakup paga wiganak inenggela'me nen kole mbaganugun nogo, At aap it tebenogo piiga oba panggonak logogun lek o. Ata, at Kikak Nakeelik Alik Leenak Iterali inogoba Aliku ALA oba mban panggonak logogun o.

Yetaya 10:9

Ndi, it nen kota Karekemit tebenogo pereegwa kwak kota Kalono tebenogo pugwi, Kota Arapat tebenogo pereegwa kwak, kota Kamat tebenogo pugwi, Kota Ndamitik tebenogo pereegwa kwak kota Tamariya tebenogo pugwi, Eerugun lek mbakop?

Yetaya 11:16

O aa'nduk togon Iterali o Metit nen wundi wogwe iigak, tu abe eerogo piyareegi kwak, At apuri eegu yumbunik o Atiyut wonogwe nogo iname woraawak nduk, Tu nggwok mbininogo piyaagin o.

Yetaya 19:21

Aliku ALA nen aakumi Metit mendek at eeke menggerak ineenu aruwak nduk, nigiya wage kenok, ne ti eyom paga it nen, “Aliku ALA ti, nit ninogoba aret o,” yinuk, alut eeko logonet, ake warogo wogogwi, yi mendek ndi mendek wogogwi, “Yogop eeko logowok o,” yinuk, Aliku ALA endage paga kumbuk mbanggwi, ndi, kumbuk mbanemenggaarak nogo ndak-ndak aret eekwi, eeko logogun o.

Yetaya 19:22

Aliku ALA nen iniki koonnaruwak nduk andi inoba piige, ndi, andi eerogo piyamenggerak nogo, ti'nuk, obeelom eerogo piige, eeke mbaremenggi, inomaluk mbo punuk, Aliku ALA owagam wa'nuk, tamban eekwi iinok, at nen aruk konengge, obeelom eerogo piige, eerigin o.

Yetaya 21:2

Nagabiti mbariyak mendek nabinggaanggo paga yo'negerak yi aret o. Nggaganagalo nen kurumbi wonok nage, Kugun wagangga nen kugun wonok nage, Eeke kagarak o. Aliku ALA nen, “Kit wim nambuka Elam mendek yi wae! Wim eeri unggwogwe, Kit kineegin warak Marayi mendek yi wae! Inawi paga kwi'nari unggwogwe, Ee'nip o! It Mbaben mendek nen aakumi tebenogo piigwi iinok, inoone, Ai-ao, yogwe nogo, An lek eerogo pigin o,” yinuk, yorage kagarak o.

Yetaya 22:6

Ti eeriyak eyom ari wage kenok, It aap Elam mendek nen ineegin-inomaale li'luk eekwi, Inawuri wim eeka nen inanggweendo paga, inaguda paga, kwi'na'nuk wogwe, It o Kit mendek nen inanggeemu nggoorogo waganggwi, Eeppunuk,

Yetaya 24:15

It oonegen lagi wage menggim pa'nggwe wonogwe nogo nen Aliku ALA endage tiyappugwi, It niyo laut aa'nggi paga wonogwe nogo nen Iterali inogoba Aliku Ala alut eekwi, Eeko logowak o.

Yetaya 37:31

It aap Yekura o Yerutalem nen ando yumbunik nogo wundi wogwe, Ndi, it teppiyareegwaarak nogo, Puut Tiyon paga nen wundi wogwe, Eerugun me, It Yekura paga wiganak ando yumbunik ti, eyo omanggen nggween paga yari wanggetak me, Ero nggwok lagangge logonet, anggen abe yege menggi kwak, togop aret logogun o. Ti eeppiyaagin nogo ti, at Omaawi Lombok Menggerak Aliku ALA nen, Eerikit, lombok mbake me, eerigin aret, yegerak o.

Yetaya 42:10

Kit aakumi nggween irip-irip wonogwe yi, wae. Ndawi ngget mendek Aliku ALA ake wakwi, At mban alut eekwi, Eeko logonip o. Kat niyo laut kinikime wonogwe kinom yi wae. At alut eekwi, Laut iniki me kit nggween ku'mbanak inom, it kit paga wonogwe inom, at alut eekwi, Eeko logonip o.

Yetaya 42:12

It o irip-irip nggween ku'mbanak me wonogwe nogo abok aret Aliku ALA endage tiyappugwi, It wonogo menggam nogome Aliku ALA endage tiyanak me, yoranet nugwi, Eeko logowak o.

Yetaya 42:4

O nggween paga yime wone yugu a'me nggelok eeko logowak nduk, omaawi eerogo pega'lek logonet, At iniki pi nagak ari, eeka'lek iinok iniki wakkolage, Eerigin lek o. It aakumi inawi o irip-irip nggween ku'mbanak me wonogwe nogo abok aret at oone yugu nogo iniki lunik logogun o,” yinuk, Aliku ALA nen yegerak o.

Yetaya 45:14

At Aliku ALA nen yegerak nogo yi aret. “It Metit mendek yabu eeka inom, it Kuti mendek yi mendek ndi mendek kungga inom, It aap yerek-nggorek Tiyeba mendek inom, Iterali inowagam ari wogo logomenggaarik, Ninogobamini o, yinuk, It nogwe me, keele maarak negen inambokan nogwe, It inabu'me tebe yi unggwogwe, Eeppunuk yorogo logonet, At Ala ti, alik ambi lek, at alik mban kinom wonage o. At alik ambi imbirak tabonak wonage mondok lek aret kogo o, yinuk, Yorogo logogun o,” yinuk, yegerak me, yagi o.

Yetaya 49:12

Ti eeke neenok, it aakumi o nda o omarip paga pa'nggwe nen, Oonegen kilu yi nage menggim pa'nggwe nen, o Tinim nen, Wogwe iyaamunggun o,” yinuk, yegerak o.

Yetaya 66:19

Eeppiinet naminggirak ineebe yumbunik inenggela'me ineenu agak ambi eerigin o. It aakumi inanebunu lombok o Taritit, Pun, Lut inom, o Metek, Iroti inom, Tuban, Yawan inom, nggween ku'mbanak o nda irip-irip time an eeke minggirak wone awo inaruk konengga'lek wonogwe, an tiyanak lombok minggirak nogo inigen kaga'lek wonogwe, eekwi nogo inom, it yumbunogo piyaminggirak nogo nappiyaminggirak aakumi inanebunu lombok inenggela'me time an tiyanak lombok logonet, iya tit eeppiige minggirak nogo yoranet nugu logogun o.

Yeremiya 25:25

it o Timiri, Elam, Marayi mendek inoweewi inendagembogut inom,

Yeremiya 31:10

Togop me, it yi aakumi ndi aakumi Naliku ALA nen wone yorage yi, inaruk konenggwi, It aakumi o nda niyo aa'nggi paga wonogwe ti, apit aret yoranet nogwe, Eeko logorak nogo yi aret. At it Iterali mak eerogo piyareegerak nogo nen aret kuwak eerogo piya wage, Aap ndomba ndegeninaka kwak at apuri inarum wake, Eeke logogin ti aret.

Yeremiya 44:1

It aakumi Yakuri mendek o Metit niyo Nin ambut nogome kota Migiron inom, Tapanaket inom, Membit inom, ndi, eneerime o Patorot inom, wonogwe nogo eeppiyoorak at Yeremiya yoreegerak yi aret.

Yeremiya 49:23

O Ndamitik eeppuurak wone nogo yi aret. “It Kamat mendek inom, Arapat mendek inom, wone maluk mendek konenggo nagaarik, inenggali age, Iniki a'nggan wo'nage, Yi laut abolok lek wonageelik, ngguk-loguk mban eeke menggi kwak, iniki togop aret wonage, Eeke agaarik o.

Yetikiyen 27:6

Eyo teno o Mbatan mendek paga niyo alelo mbanggak tabonogo pugwi, Eyo ndiindi o Kitim ogobak mbanik aa'nggi paga nen at andik ndoonogo punuk, gajah eyak enggela'me nabenogo pit nogwe,

Yetikiyen 29:14

Kuwak eerogo piya wa'nuk, o Metit aa'nduk wonagagi kwak eerogo pege logonet, iniyokan inawi alom paga o Patarot piya woraminggirak inowe endagembogut nen abu'me piinok wonage kagak, it inendage ambi yogo logogun lek aret o.

Yetikiyen 30:14

O Patarot yi oone lek ndi oone lek o wogo aret eerogo pege, O Towan kani pege, o Tebe inomaluk onggo inoba kwippiige,

Yetikiyen 32:24

O Elam kunduk, time wonage me, at kambeegerak eebe taanak wonage yendok-wandok time at awuri ineebe abok aret inoorak kambeegwaarak nogo, inabiruwak yinogo pit nagagerak wonage agaarik o. It aakumi ineenik nggween paga nugu menggam logonet, inamineeri ne agan noorak mendek eeginabit nugu nogogwaarak abok aret ti, inagabolo mbanak lek kagak nggween abu'na kiiniki paga wambit nogogwaarak wonogo agaarik o. It mbuun ambena aa'nduk wambit nogogwaarak inenggali mbakak wonogwe nogo, inom ndak-ndak inenggali kogo agaarik o.

Yetikiyen 38:8

Ne ambik ari nage kenok, at ambi nen wim eeriyak nduk yonggo pigin o. Peebi tahun ambik eeppunuk, o ambime wim eeko logonet, pup eerogo pereegwam obaane'me wurogo pugwi, aakumi time mendek it aakumi inanebunu ambik lombok inenggela'me wonogwe me nen kuwak eerogo Iterali wonogo menggam puut-puut yi oone lek ndi oone lek agagim nogome piya wagagerak time wonogwe, eeko menggam nogome tebeni woraawak nduk, yorigin o. It aakumi o time wonogwe nogo ti, yi aakumi ndi aakumi inenggela'me nen wumbiyaminggirak inanggween paga time it abok aret iniki ugun tayenak aret wonogwe me

Ndaniyen 1:2

Oonda mbani unggwage kagak, at Ala nen aakumi Yekura mendek inowe endagembogut Yoyakim tebenogo puwak nduk, eeppege mbareegi, tebenogo punuk, Ala awi wurik me eekak ake nogo ando waawak nduk eeppege mbareegi, wagangge nagagerik, wonok o Mbaben at agugi alut eeke menggim yime pi woranuk, at agugi awi wurik me yi mendek ndi mendek abe kenok pege menggim nogome mambereegerak.

Ndaniyen 11:18

Ti'nuk, ena lagak ari logonet, it aakumi inawi niyo aa'nggi paga logowam nogome apit aret tebenogo piinet nage me, aap ineegin warak inowe ambi nen mi'na'nuk, at ogoba iniki worokot logonet, eeppiinet nage me, aput ti nen iniki worokot logonet, ogoba maluk aret oba kwippigin o.

Ndaniyen 8:2

Kage logonet, neebe o Elam aap endagembogut awi nggwok abe wurik me wonage me kota Tutan niyo Ulayi aa'nggi paga mi'ndak wonage kagagirak.

Oteya 1:11

It aakumi Yekura mendek inom, Iterali mendek inom, aa'nduk iniki ambit a'nuk wonogogwa kwak, peebi iniki ambit a'nuk, inowe inarum logorak ambi leenogo mippunuk, it mbo piya namenggam nogome nen woraanuk, o yime it aret unde eeppatinuk logogun me, O Yiteren eeppuurak eyom nogo ti, mondok iya aret o, yinuk, yogo logogun o.

Oteya 11:10

Singa nen oone kole agan nege menggi kwak, Naliku ALA noone nggwok ari neenok, napuri mu'neren wogwe, Noone kole ari neenok, an napuri oonegen kilu yi nage menggim pa'nggwe nen inaganak warit an neya wogwe,

Oteya 11:11

Towe wiga agan nugu mengga kwak, it Metit nen inaganak nugiranet wogwe, Towe puume kwak, o Atiyut nen inaganak warit wogwe, Eekwi iinok, An nen it iname lombok logowak nduk piinet nagin o, yinuk, at Aliku ALA nen aret yegerak me, yokkiragi o,” yoragagirak.

Mika 7:12

Ne ti eyom paga aakumi o Atiyut nen nok, o Metit kota-kota kuli inom, O Metit nen nok, niyo Eparat kuli inom, Niyo nggwok yenggenak laut ambime nen nok, laut ambime kuli inom, Puut ambime nen nok, puut ambime kuli inom, abok aret kat Yerutalem aret keya unggwi wogo logogun o.

Tepaniya 2:11

At Aliku ALA nen it aakumi o nggween paga yime inagugi lek eerogo piige kenok, Inagabiti nen, “Aliku ALA ti, iya!” yinuk, yi aakumi ndi aakumi nggween paga wonogwe abok aret inalitik-inalitak menggam logonet, Aliku ALA abu'me tebe yinuk, at alut eeko logogun o.

Takariya 5:11

Yoge mbaki, at nen, “Kwe ti, awi wurogo puwak nduk, o Mbaben pi nogo agaarik o. At awi time abu wurogo punuk, muun yarak logowam time aret logowak nduk pugun o,” yinuk, an yo'nege kagarak.

Takariya 8:7

At Omaawi Lombok Menggerak Aliku ALA nen an yo'nege logonet, “An napuri oonegen lagi wage menggim pa'nggwe wonogwe inom, oonegen kilu yi nage menggim pa'nggwe wonogwe inom, an nen inagap ndagaren

Takariya 9:2

O Kararak kuli paga o Kamat wonage nogo inom, o Tirut Tiyon imbirak iniki warak lombok aret wonogwe kwe, it inom, inoba kwippiyaagin o.

Oroma 11:15

At Ala nen Iterali mendek mbo piige nagagerik, yi aakumi ndi aakumi endekem konenggulik mendek abok aret, “Ninom lambunik logowok o,” yinuk, lambunogo piyareegerak ti, iya negen kwe, it mbo piyareegerak nogo wogonake kenok perak, abunuk mondok iya lombok eeppiyaagin mbaruwok o. Aakumi kanggaatak negen kobak agaatak me, kwaarinako nagaatik, iniki ale'nggen paga keyage ndonggorogon wogonako mengga kwak, peebi ti togop aret eerogo wogonabigin o.

Oroma 11:26

At Ala nen ari logonet, “Wondet Eerogo Piiga nogo, o Tiyon nen wundi wage logomenggerik, It Yakup mendek nen Ala wone liirogon eeriyak mbaka'lek nogo, liippunuk, eerit nogo logowak nduk, eerogo piyaagin o. Inomaluk lek eerogo pikit nduk, wage logominggirik, It ninom wone abuk nggaruk togon koonogo pi woraagin nogo ti aret o,” yinuk, yoragagerak liiru mbanak ndak-ndak it Iterali mendek abok aret inagap ndari woraagin kogo o.

2 Korindut 3:16

Inomaluk mbo punuk, ninowe owagam wogwe iinok perak, iniki apit agago piyareegerak nogo, Ala nen lek eerogo piyaagin o.

Pelaareegerak 9:29

It aakumi yi, keenggi omaawi lombok paga eeppiige, keenggi titik eeke kenok eeppiige, eeke logonet, wogoren wundi wagagindak keyate kwak kapuri kiniki kunik yi aret o, nogoba, yinuk, tamban mban eeke neegak, nogo 40 yereegirak nogo o,” yinuk, yoragagerak.