Yetaya 10:9 - Ala Wone Peenok Peebi Mbanak

⁹ Ndi, it nen kota Karekemit tebenogo pereegwa kwak kota Kalono tebenogo pugwi, Kota Arapat tebenogo pereegwa kwak, kota Kamat tebenogo pugwi, Kota Ndamitik tebenogo pereegwa kwak kota Tamariya tebenogo pugwi, Eerugun lek mbakop?

Yetaya 10:9 ပူးပေါင်းရင်းမြစ်များ

Wakkagagerak 10:10

At nogo alik nen iyaalok togon nggween Tineyat taganak o nggwok Mbaben inom, Erek inom, Akat inom, unde wonagagerak.

2 Tamuwen 8:9

Wonok wagagerak wonage me, “At Ndawut nen aap Kararetet awuri wim eeka abok aret inookerak o!” yogwe nogo aap o Kamat mendek inowe endagembogut Towu nogo, aruk konengge nagagerik,

2 Endagembogut 16:9

Nappege mbareegi, at aap inowe endagembogut Tigalat-Piletet nogo, “Op aret o,” mbake nagagerik, o Ndamitik oba kwi'nari unggunuk, o ti tebenggolage nagagerik, at Eretin nogo warogo punuk, aakumi eegu kugun wogoren o Kit nagagerak.

2 Endagembogut 17:24

It aakumi Iterali mendek wogoren piya nogogwaarak nogo inobaane'me at aap Atiyut inowe endagembogut nen it aakumi Mbaben mendek inom, Kuta mendek inom, Awa mendek inom, Kamat mendek inom, Teparawayim mendek inom, wogoren, o Tamariya kota-kota logowak nduk piya wagagerak me, o Tamariya kota-kota time ye mbambatinuk wonogogwaarak.

2 Endagembogut 18:34

It aakumi o Kamat mendek inom, Arapat mendek inom, it inagugi o nggeeme wonogwe? Ndi, it o Teparawayim mendek inom, Kena mendek inom, Iwa mendek inom, it inagugi kunduk nggeeme wonogwe mbakop? It aakumi Tamariya mendek an neenggime nen ambi ndineegerak mbakop?

2 Mbinineegwaarak 32:14

Ndi, yi aakumi ndi aakumi nogobamini nen abu lek eerogo piyareegwaarak nogo, inagugi ambi ngge nen an neenggime nen wondet eerogo piyareegerak mbakop? Lek aret me, it kunduk an neenggime age neyo, inagugi ngge nen an non mbambanigin? Lek aret o.

2 Mbinineegwaarak 35:20

Lappunuk, Aliku ALA awi wurik ogobakkigirogo punuk wonage me, aap Metit mendek inowe endagembogut Neko nen niyo Eparat aa'nggi paga o Karekemit time wim eerikit nduk wage me, imbirak perenggolaakit nduk, aap Yotiya nogo wundi nagagerak.

Yetaya 10:8

An nawuri ineegin warak inoweewi abok ti, inendagembogut mban wonogwe nogo lek a?

Yetaya 17:1

O Ndamitik mendek eeppiyoorak abinggaanggo paga Ala nen yoreegerak nogo yi aret. “O kota Ndamitik abe wonage menggi kwak logogin lek o. Ata, o mi-mi aago logonak aret wonage kaagun o.

Yetaya 17:3

O Eparayim ineebe op logorak pak wurik wonage nogo langgu-langgu wambit wage, At aap o Ndamitik abu'me piinok menggerak nogo endage lek age, It aap Tiriya mendek eegu mogonik inendage abu tiyanak nogo it Iterali inendage tiyanak lek agagi kwak aret age, Eerigin o,” yinuk, at Omaawi Lombok Menggerak Aliku ALA nen aret ari kagarak o.

Yetaya 33:8

Tu nggwok paga aakumi ambiriluk ambi naga'lek mondok nebek lek aret wonage, Eeriyak wone koonogo pereegwaarak nogo piyok ari, It aap inenggaanom paga wone koonogo pereegwaarak nogo ti, inoone taganogo piigwi, Eeko logonet, “Ta oone konenubok?” aterak eerogo mbo pogo agaarik o.

Yetaya 36:19

It aakumi o Kamat mendek inom, Arapat mendek inom, it inagugi o nggeeme wonogwe? Ndi, it o Teparawayim mendek inom, Kena mendek inom, Iwa mendek inom, it inagugi kunduk nggeeme wonogwe mbakop? It aakumi Tamariya mendek an neenggime nen ambi ndineegerak mbakop?

Yetaya 37:11

Nit aap inoweewi ninendagembogut Atiyut mendek nogo, yi o ndi o abok aret wim eeko logonet, aakumi abok aret lek eerogo piinet nogo nogoorak nogo, karuk konengge nagandak aret me, kat teppagarak mbake agandik?

Yetaya 37:13

It aap inendagembogut Kamat mendek inom, Arapat mendek inom, o kota Teparawayim mendek inom, Kena mendek inom, Iwa mendek inom, yogondak it ineebe nggeeme wonogwe iige agandik?” yinuk, liiru mbanogo punuk, wogoragagerak wonok iri wogogwaarak.

Yeremiya 46:2

It o Metit mendek eeppiyoorak yereegerak nogo ti, Aap Yotiya aput Yoyakim nogo it Yekura mendek inowe endagembogut a'nuk, wone lengganogo yorage kagak tahun kenagan eeppunuk, ambi eeke paga, aap Mbaben mendek inowe endagembogut Nebukanetat nen it aakumi o Metit mendek inowe endagembogut Pirawun Neko awuri ineegin warak inom o Karekemit niyo Eparat aa'nggi paga taati wonogwe me, tebenogo piyareegerak Pirawun awuri inom eeppiyoorak wone yoragagerak nogo yi aret.

Yeremiya 49:23

O Ndamitik eeppuurak wone nogo yi aret. “It Kamat mendek inom, Arapat mendek inom, wone maluk mendek konenggo nagaarik, inenggali age, Iniki a'nggan wo'nage, Yi laut abolok lek wonageelik, ngguk-loguk mban eeke menggi kwak, iniki togop aret wonage, Eeke agaarik o.

Yetikiyen 47:16

o Mberota kagak, nok, o Ndamitik inom, o Kamat inom, oolo kota Tiberayim nen nok, o Kawuran nggween kuli mbanak wonage kota Katat-Enom ti kuli pi noorak o.

Abakuk 1:10

It aakumi inoweewi inendagembogut nogo meek eerogo piigwi, Aakumi inoweewi o unde wonaga nogo inagi'ndok kanggwi, Kota-kota pak omaawi wurik abok aret, Yi iya lek o, yinuk, meek eerogo pugwi, Nggween kabunogo pit laganuk unggwogo logonet, o ti tebenggologwe, Eeppunuk,

Linggineegwaarak 34:8

o Kamat ari nage, time nen o Terat ari nage,