Yetaya 10:3 - Ala Wone Peenok Peebi Mbanak

³ Togop eekwi me, eekotak onggo aaninggin kinoba ari wage, Kineebe lek eerogo pinagarak nduk, o nda nen wogwe, Eeriyak eyom paga nano eeriyak mbakop? “Yeenggwa niret o,” yinuk, mbe agan aap ta yori nogwe, Kinamendek ambik aago nogo o nggeeme punuk mbaganggwi, Eeriyak mbakop?

Yetaya 10:3 ပူးပေါင်းရင်းမြစ်များ

Wakkagagerak 31:1

It Laban apurilogwe nen yogo logonet, “Nit ninogoba amindik-amendek abok aret Yakup mban kolage nagaarik, ti paga nen aap eenggi warak aret eekkolage agaarik o,” yinuk, yogwe at Yakup aruk konengge,

2 Endagembogut 7:15

Nappiyareegerak it Aram mendek muguren niyo Yoraran kuli paga ari nanuk, it aap Aram mendek nogo nen yi mendek ndi mendek inom, inayum inom, tu paga yumbuk-yumbuk eerogo pit nogogwaarak kogogwaarak. Kogo nogogwaarik, it nappiyareegerak nogo iniyokan wa'nuk aap endagembogut nogo mbininogo yogo mbareegwa,

Ayup 31:14

Nowak loongge eyom paga Ala nen yo'nege kenok, an nen nonggop yoge, Nonggop eeppiigendak o, yo'nege kenok, an onggo ngge yoge, Eeriyak mbakop?

Kini Wuppiige 11:4

Inowak looniyak eyom ari wage kenok, “Ninamendek we aanom warogo porogo wonogoorak,” mbarugun kwe, Obeelom eerit nogwe iinok perak, kambunuk nogo menggam nogwe iyo, inili eerogo piyaagin o.

Yetaya 13:6

Naliku an ALA nen eeppiyoorak eyom muk panggo yi wagaarak me, inale yikkologwe, Ti eeppiyoorak eyom ti, Nomaawi Lombok Minggirak an nen it lek eerogo piyaagin me, inaleenggu maakkologwe, Eeko logowak o.

Yetaya 17:4

“Ne ti eyom paga at Yakup endage tiyanak, Wi! ugwi nogo lek arit wangge, At eebe amburu nggwi ari wonage nogo lek age, Eerigin o.

Yetaya 20:6

Ne ti eyom paga it aakumi inawi niyo laut aa'nggi paga menggaarak nogo nen yogo logonet, Aap endagembogut Atiyut mendek nen nit ninooke kero, niniki panggonak wonogwe, yeenggwa niraawak nduk, mbe agan yora nogwe, ninagap ndaruwak nduk wiirogwe, eekoorak nogo yi eeppiigaarak iyaanip o. Togop me, nit ninagap ndakko'nok mbaganiyak abu meek aret kogo o, yinuk, yogo logogun o,” yinuk, yereegerak o.

Yetaya 26:14

It aap ti, eeko nogogwaarak nogo onggo eeppiige logonet, inenggaawak lek eerogo piige, Inoba aberak logokwak inendage lek eerogo piige, Eekendak me, It muk kambeegwaarak nogo ti'nuk, ineenik ogwe, Ndi, inogoma nen ineenik a'nuk wogwe, eerugun lek o.

Yetaya 28:20

Kit nogo yogo monggo'nom eyo ndoonak paga winnariyak nduk eerumonggotak kwe, kuwagaluk me, meek age, Kinanogo yum kineebe linggik-pinggik eerumonggotak kwe, yobok ari, Eeke kaamunggup o.

Yetaya 30:16

It nen yogo logonet, Lek o! Nit kuda paga kwi'na'nuk kole mbaganugun o, yagaarak paga Aakumi nen mugogo mappiyaagun me, aret kole mbaganggwi, It nen, Nit kuda inogowa ambik paga kwi'na'nuk kole mbaganugun o, yagaarak kwe, It muguren wogwe inaguda perak, inogowa ambik aret me, it awo mbaganggwi iigak, inoba kwi'nogwe, Eekwi iyaagun o.

Yetaya 30:5

Aakumi time mendek nen it yeenggwaarogwe, ambi eeppiigwi, eerugun lek aanom warogo inom logogun me, Inenggali age, inendage maluk age, eerigin o,” yinuk, yegerak o.

Yetaya 33:14

It aakumi maluk eeka o Tiyon wonogwe nogo iniki ma'nage, It aap Ala mugurok noorak ineebi mbaka nogo nen inaganak ngginuk ari, Eeko logonet, “Wologwe wae. Kani nen ineebe lek eerogo nengge me aap ta nen unggwage mbakop? Ndi, aap ta nen kani mondok wunuk mban ari menggim op logorak mbakop? Lek aret o,” yinuk, yugun o.

Yetaya 39:3

Titik irage nagagerik, wonage me, aap Ala nen yoge kagak yoraga Yetaya nogo aap endagembogut Kitikiya owagam wage nagagerik, yoge logonet, “It aap ti, ngga nen wogwe, ndi, nano wone yokkugwi, eekaarak o?” Yoge mbareegi, at Kitikiya nen, “It inawi o nda Mbaben nen aret wagaarak o.”

Yetaya 5:14

Ndi, kambunuk nogo menggam nen eenggi walok ari, Ambe nggwok pan aago wakkoorak meek logonet, “Yime yonggo'nari woraanip o,” ari, Eeke kenok, It aap inoweewi nagawan-nagawan wambi nogwe, Aakumi ugun it ndugwi pega inom, kumili-kumili agan nega inom, yonggo'nari wanggwi, Eerugun o.

Yetaya 5:26

Yi aakumi ndi aakumi o ndaanda wonogwe nogo woraawak nduk ndiimbu walok ari, O irip-irip wonage nogo kuum eerogo nappege, Eeke kenok, Mbet-mbet wogwe, nggare agan wogwe, eerugun o.

Yeremiya 22:7

It aap o minogo pega nen o minogo pegak yi mendek ndi mendek ineenggime lombok logonet, Minogo puwak nduk, nappiya woraagin o. Nappiya woraminggirak woraanuk, eyo nggabina abu abe poorak paga wurik at ti, Minogo kani kunik me mbo mambugun o.

Yeremiya 4:30

Kat maluk eerogo pagagaarak Yerutalem yi, wae. Kat nonggop eeriyak mbake agandik? Kayum maa'ngga kunik yikkolage, kalilibano eekkolagak mbuti emas paga ogobakkigirik yikkolage, Kenegen awi paga maa'ngga karok-mbarok eekkolage, Eeke ti, Nonggop eeke agandik? It kiniki kunik eeginake menggendak nogo ineebi kombako logonet, kooriyak eekwi iigak, eeke ti, Aanom warogo aret eeke agandik o.

Yeremiya 5:31

It aap an nen wone yorage neegak yoraga nogo nen, Ndogop eeke kaamunggup o, yinuk, we pilit pugunit nugwi, It aap an neebe unde nogo nen it iniki mbakwi mban mamuninabit nugwi, Ndi, it ti eekwi nogo it an napuri kunduk, inikilom mbako logonet konenggwi, Eekwi ti aret me, O age yobok panggoni wage kenok it nano eerugun o?” yinuk, yegerak me, yokkiragi o.

Yeremiya 9:9

It ti eerit nugwi nogo, onggo eeppiiga'lek teppiyoorak mbakop? It aakumi ti eerit nugwi paga nanini mbake nogo tayo yuwak nduk, maluk eeppiyoorak lek mbakop? Eeppiyaagin aret o,” yinuk, Aliku ALA nen aret yegerak o.

Oteya 5:13

It Eparayim mendek nen andi lombok inoba kwi'nagagerak nogo kogwe, It Yekura mendek nen inawin kunik maloppakwi, Eeko nogogwaarik, It Eparayim mendek ti, O Atiyut nen yeenggwa nira woraawak o, yinuk, Aap endagembogut abu tiyanak nogo wonage me yonggo nappiyareegwaarak kwe, At nen obeelom eerogo piya wage, inawin nogo lek eerogo piya wage, Eerulik o.

Oteya 9:5

Togop me, “Ndi eyom paga laago lariyak o,” yugu nogo paga lakwi, Ndi, Aliku ALA alut eeko logonet, kinale'nggen paga lariyak wone yugu nogo paga lakwi, Eeko logonet Nonggop eeko logomunggup o?

Oteya 9:7

Aaninggin kinoba kwippinagarak eyom muk panggoni wage, Maluk eekwi onggo ndak-ndak eeppinagarak ne muk panggo yi wage, Eeke me, Kit Iterali kineenu eeppinagagi o. Kit maluk nggwok lombok eerit nugwi, At kineebi lombok ombakwi, Eekwi me, At nen yorage kagak yokkiraga nogo ti, “Wi nen aret ari,” mbakwi, Ndi, it aap iniki warak nen yokkiraga ti, “Iniki mbanak nen aret ari,” yogwe, Eeko ogotik.

Amot 5:19

Aap ambi singa nen mugurok nage kenok, kole mbagangge me, beruang imbirak aabuk age menggi kwak, Aap ambi ame unggwi nanuk, eenggi kobat nabenak paga, “Piga,” yinuk, eeke me, waalo nen eenggi nogo eyak mbangge menggi kwak, Aliku ALA woroorak ne ti, togop aret o.

Mika 7:4

It aap ti abok aret ineraambe maluk lombok wonogwe kwe, inenggela'me ambiriluk ambi eraambe mbuuluk obeelom negen wonage nogo ti, alok kwak wonage, Ndi, it abok iniki nggolawe wonogwe kwe, it inenggela'me ambiriluk ambi iniki mbuuluk abe koonak wonage nogo ti, poondo alok kwak wonage, Eerak aret menggaarak o. It inigen wokkiren nega woroorak yokkirogo menggaarak nogo, ne muk ari wagaarak wonage, At Ala pekkiya woroorak ne nogo, muk ari wagaarak wonage, Eerak aret me, O yogondak naalop-kaalop eeginaburak abu aret agaarak o.

Tepaniya 1:18

Naliku ALA woroorak ne nogo ti, aakumi apit ineenggo'lek kobak wonogwe iigak woraagin me, Wage logominggirik, it o nggween paga wonogwe nogo abok aret lek eerogo piyaakit nduk, eeke logonet, It an mu'neren woroorak kwe, alik mugurok nogwe yi neebi a, yinuk, nanini kani kunik negen inoba kwippiige neenok, ineebe lek arugun me, Inamendek mbuti perak paga, mbuti emas paga, inagap ndakkolaagun mondok lek aret o,” yinuk, yegerak me, yokkiragi o.

Lukat 19:44

kawi yugum paga wurik yi, yugum ambi obaga lu'luk aago logogin lek o. Langgunogo pogo logonet, kaagalogwe kinom abok aret mondok pup eerogo pinagarak eyom panggoni woraagin o,” yinuk, yoragagerak.

Pelaareegerak 28:49

Towe pen ware wage nagaatik, towe mappiige menggi kwak, aakumi o nggween irip nda lombok menggaarak inoone kit kineenggo'lek mendek nogo nen, mappinagi woraawak nduk, Aliku ALA nen eeppiige kenok, wogo logomenggaarik,

1 Peterut 2:12

It aap endekem iniki abet mbaka'lek mendek nogo nen, “It maluk eerit nugwi o,” yinuk, kinabok mbaniyak nduk eeremenggaarak kwe, obeelom mban eerit nogwe liippinagago logomenggaarik, Yetut wage eyom paga Ala wogoppuwak nduk, inenggela'me logonet, kiniki mondok liippunuk eeko logonip o.