Yetaya 10:27 - Ala Wone Peenok Peebi Mbanak

²⁷ Ne ti eyom paga it Atiyut mendek nen aaninggin iya lombok kinuumbaga pinagamenggaarak nogo at nen piyanogo nappege, Eyo aaninggin kinuut paga pugu nogo waganogo mbo pege, Eerigin o. Kineebe ela kologwe me, eyo aaninggin kinuut paga pinagagun nogo lek aret arigin o.

Yetaya 10:27 ပူးပေါင်းရင်းမြစ်များ

2 Tamuwen 1:21

Kit puut-puut Nggilobowa yi wae. Kit paga time aap kalu-kalu inanggeemu paga Aakumi inoorak inamiya lengge aago wonage, It aap wakaa'ngget nogo, Inamok Tawun anggeemu paga lenggek ari me, Yi'mbaani kunukwak amburu waka'lek wonage. Yonatan omaale wonok waga'lek namburogo nappege, Tawun awooluwak paga we wonok waga'lek amiya labunik mban wonok wage, Eeko menggaarak kwe, Kit puut-puut Nggilobowa paga inoorogo piigaarak me, Miinanggen inom, mayu inom, kineebe paga wambi wage, Ndi, kinanggween paga yi mendek ndi mendek yaremenggaarak kwe, Anggen abe yege, Eeke logogin mondok lek o.

Ndawi 105:15

“It aap an nen leenogo piinok, amburu kilippiyareegirak yi, kineenggi mbaaniigwi, It aap an yorage neegak yoraga yi, Maluk eerogo piigwi, eerugup o,” yinuk, yorage, Eereegerak.

Ndawi 132:10

Kat kayeloman Ndawut eerit nage paga Amburu eerogo mippereegindak nogo mbo puurak mage o.

Ndawi 2:6

“At endagembogut logorak leenogo pigirak nogo Nabuut leenak Tiyon nogo paga mippigirak o,” Yinuk, yegerak o.

Ndawi 20:6

At Aliku ALA nogo nen Amburu eerogo mippereegerak nogo agap ndake, Ndi, nggino yoge kenok, At leenogo pateegim mbogut paga nen onggo yoge, At eenggi abe'nggan omaawi paga agap ndake, Eeke menggerak neenu agi o.

Ndawi 45:7

It obeelom eekwi iinok ti, kinikilom mbake, Ndi, maluk eekwi iinok ti, keebi lombok mbake, Eeke menggendak me, At Ala ti, kat kogoba Ala aret me, Iniki ale'nggen kombake logonet, Amburu kilirogo pagareegerak paga Koreewi tebenak iigak, inirimbaga tiyappagaregerak o.

Ndawi 81:6

At nen ari logonet, “Aaninggin kinuumbaga wonage nogo an muk wagangge, Muun yarak kineenggime nen woppunuk, Kinuumbaga piyanggo monggotak nogo an mbo pege,

Ndawi 84:9

Ala wae. Nit ninanggeemu kwak kat aret me, Aap kat amburu kilirogo mippereegindak nogo abuwa nen pekkage, Eeru o.

Yetaya 14:25

It Atiyut mendek an nanggween paga wonogwe nogo lek eerogo piige, It an nabuut paga wonogwe nogo niyok aan lebenogo piinet nage, Eyo aaninggin tapi uut paga kwippugu kwak it an napuri aaninggin inoba wonage nogo mbo pege, Aaninggin inuum paga wonok nogo mengga kwak inoba wonage nogo an waganogo mbo pege, Eerigin abet aret yagi o,” yinuk, kumbuk mbangge kagarak o.

Yetaya 30:23

At nen kineyabume yi mendek ndi mendek awi yarumonggotak mbilanuwak nduk, mayu nappi woramenggerak paga kinambi ambik abe aret nunggo logomunggup o. Ne ti eyom paga kinaanggumi nggween nggwok wiganak paga inagari'ngga abe nenet nugwi,

Yetaya 37:35

At Aliku ALA nen ari logonet, An nendage maluk age, Ndi, nayeloman Ndawut nimbirak wone koonogo pereegirak nogo mbeyok ari, Eerukwak, An nen aret o kota yi, ambi age kero arum wonage, ili ari, Eeke logogin, yegerak o,” yinuk, yoreegerak.

Yetaya 52:2

Kat Yerutalem yi wae. Liirubu keebe paga lenggenak wonage nogo yumbunogo nappake, Mi'na'nuk aa'nduk tiyanak wonagagindak kwak age, O Tiyon Aagalukwe keele maarak wonage kat yi wae. Mbutigeele kenggaanok paga yilinik wonage nogo piinogo nappake, Eeru o.

Yetaya 55:2

Mbi abe mendek lek kagak nonggop nduk yi mendek ndi mendek kunggo'net nugwi, Yabu liirit-laarit eeppunuk, Op togon kunggolagi, yinuk, iniki ndonggo yuurak lek kagak nonggop nduk yabu eerit nugwi, Eeko agaarik o? Inaruk logowak o! An yorage yi, inaruk konenggwi iinok, It yi mendek ndi mendek ombat abe mban nunggwi, Yi mendek ndi mendek amburu warak nenok, inale'nggen eeginaburak kogo menggaarak nogo mendek mban nunggwi, Eeko logogun o.

Yetaya 9:4

It aap Miriyan tebenogo piyareegerak kokwak, Eyo aaninggin tapi uut paga kwippugu kwak inoba wonage nogo, telenogo mbo nappege, Eyo aaninggin inuum paga wonok nugu mengga kwak wonok nugwi nogo, waganogo mbo pege, It tebenogo piiga nen mbut mbanak ineenggime wonok nugwi nogo kalenogo pege, Eereegerak o.

Yeremiya 30:8

At Omaawi Lombok Menggerak Aliku ALA nen ari logonet, “Ne ti eyom paga eyo aaninggin tapi inuut paga pugu nogo kalenogo pogo mengga kwak, Aaninggin inoba wonage nogo lek eerogo piige, Keele maarak negen aakumi inayeloman a'nuk eekwi nogo piinogo piige, Eerigin me, Aakumi inambik ambinom inayeloman a'nuk eeko logogun lek o.

Yetikiyen 30:18

Eyo aaninggin tapi inuut paga pugu kalenogo mbo pogo mengga kwak, It o Metit mendek inomaawi wonogwe nogo, lek eerogo piige ne ti eyom paga kota Tapanaket yumaak eerogo pigin o. Ninomaawi ambik aret o, yinuk, iniki wogoppakwi nogo, o time nen age yobok togon lek aret arigin me, O kota ti, ndugwi nen lenggenogo pege kagak, At aagalogwe nogo kugun wogoren woraagun o.

Ala Unde 7:35

Yi mendek ndi mendek Aliku ALA ake pugu nogo kani kunggo logonet, ando mogonogo Karun apuri inom wogorogo logorak yereegerak ti, Aliku ALA unde logowak nduk, mippiigo logomenggaarik, wogorogo logowak nduk, yereegerak o.

Lukat 4:18

“It aakumi tebenogo piinok wonogwe nogo wone obeelom wone yorage logokit nduk, amburu eerogo mippaneegerak me, Nogoba Ala Aberiniki noba panegerak wonage agaarik o. It aakumi keele maarak wonogwe nogo, Muk wondet eerogo pinagagerak o, yinuk, yorage, Inigen mbuk nogo, Kinigen obeelom eekkinaburak op aret o, yinuk, yoranet nage, It aakumi tebembiirogo wonogwe nogo wondet eerogo piige,

Yaya 1:41

At nogo nen oweeluk Timon mbet-mbet kwaakkage nagagerik, yoge logonet, “Timon wae! Mesias nogo muk wagaarak ninigen kogoorak o,” yinuk, yoreegerak. (Mesias, yoreegerak nogo ti, nit ninoone paga Ala nen leenogo mippereegerak Keritut aret nduk yoreegerak.)

Nappiigak 4:27

Yereegerak nogo, o kota yime it Keroret togon, Pondiyut Pilatut togon, it endekem mendek inom, it Iterali mendek inom, nen at kikak nakeelik alik leenak, kat kayeloman leenogo mippereegindak Yetut nogo, at waruwok nduk abet aret o kota yime kuwak eekaarak o.

1 Yaya 2:20

Kit perak, aap ambi eeke logowak nduk, leenogo punuk amburu kilippogo mengga kwak, at maluk eekeelik alik leenak menggerak nogo nen, kit leenogo pinaganuk, Aberiniki wokkiragagerak me, wone abe wone mamunggirage nogo, kit abok kineenu aret kiigi o.

1 Yaya 2:27

Napuri o. Aberiniki kinoba wuppinagi wagagerak kinikime wonage me, aap ambi nen kit mamunggiroorak lek aret o. At nen yi wone ndi wone abok aret mamunggirage logonet, pilit mamunggirageelik abet mban mamunggirage menggerak me, at mamunggirage nogo ti, ndak-ndak eekwi kiinok, Keritut kinom kunik aret logomunggup o.