Yetaya 10:23 - Ala Wone Peenok Peebi Mbanak23 It aakumi o nggween paga yime wonogwe lek eerogo piyoorak koonogo pugu nogo, At Omaawi Lombok Menggerak Aliku nogoba Ala nen aret eerigin o. အခန်းကိုကြည့်ပါ။ |
Yetaya 10:23
8 ပူးပေါင်းရင်းမြစ်များ
At Omaawi Lombok Menggerak Aliku nogoba ALA nen o taganak nggwok yi abok aret Lek eeppuurak wone lengganogo pugu wonage nogo, muk naruk konenggirak me, Kit at meek eerogo pugwi kiinok, mbutigeele paga maarak kwak aaninggin kinoba wonage nogo, Ambinom aaninggin nggwok kinoba pinagukwak, at ambinom meek eerogo puurak mage o.
At aap endagembogut ti nen eeriyak iniki mbake nogo mban eerit nage logonet, iniki wogoppake, Kugi abok tebenak iigak, an abu iya, mban mbake, it aakumi nen alut eeko menggaarak abok aret inogoba Ala meek mbake logonet, oone ari kogolik mendek ari, eerigin o. At Ala eeriyak koonogo pereegerak nogo a'me nggelok yi nagin me, Ala anini eeppiinet nage logorak eyom awo age yubuni naga'lek kagak, aap ti, oone ugun-ugun agan nage logowak nduk teppigin o.
Aakumi inanebunu lombok nggween paga wonogwe abok aret, It iya lek o, inombake, Ndi, it mbogut paga inomaawi menggaarak inom, it yi aakumi ndi aakumi o nggween paga menggaarak inom, eeppiyoorak mbake kenok mban eeppiige, Eeke menggerak me, It aakumi nen at eenggi awiirogo pugwi, Ndi, Ti nonggop nduk eekendak o? yinuk, at yogwi, Eeriyak meek o, yinuk, yereegirak.
At aap endagembogut nogo nen satu kali tujuh eeke kagak aakumi inom wone abuk nggaruk togon koonogo pemenggerak kwe, satu kali tujuh oolo eeke paga, Ala ake warogo wogogwi inom, ake pugwi inom, ti pogo logorak lek o, yinuk, yoraagin o. Ndi, at nogo nen ogut aago aakumi inagabiti nen inamineeri ne agan naga mendek ambi Ala awi wurik me time mippemenggerak wonage kagak age wobok at oba kwippuurak koonak nogo aret at oba kwi'narigin o,” yinuk, an yo'nereegerak.
ကြော်ငြာတွေ