Yetaya 10:21 - Ala Wone Peenok Peebi Mbanak

²¹ Eegu yumbunik nogo iniyokan wogwe, At Omaawi Menggerak Ala owagam wogwe, Eerugun o.

Yetaya 10:21 ပူးပေါင်းရင်းမြစ်များ

Etara 1:4

Ndi, it ando inoorulik teppiinok wogoren wogogwaarak kinenggela'me wonogwe nogo nen o Yerutalem noorak mbakwi iinok, kit aap kinaworak yime mendek nen mbuti perak inom, emas inom, kinageerok inom, kinaanggumi inom, ndi, kiniki nen Ala awi o Yerutalem wuriyak ake we aret wogoriyak mbakwi nogo mendek inom, wogorogo logomunggup o,” yinuk, liiru mbanogo nappit nagagerak.

Yetaya 19:22

Aliku ALA nen iniki koonnaruwak nduk andi inoba piige, ndi, andi eerogo piyamenggerak nogo, ti'nuk, obeelom eerogo piige, eeke mbaremenggi, inomaluk mbo punuk, Aliku ALA owagam wa'nuk, tamban eekwi iinok, at nen aruk konengge, obeelom eerogo piige, eerigin o.

Yetaya 37:31

It aap Yekura o Yerutalem nen ando yumbunik nogo wundi wogwe, Ndi, it teppiyareegwaarak nogo, Puut Tiyon paga nen wundi wogwe, Eerugun me, It Yekura paga wiganak ando yumbunik ti, eyo omanggen nggween paga yari wanggetak me, Ero nggwok lagangge logonet, anggen abe yege menggi kwak, togop aret logogun o. Ti eeppiyaagin nogo ti, at Omaawi Lombok Menggerak Aliku ALA nen, Eerikit, lombok mbake me, eerigin aret, yegerak o.

Yetaya 46:3

At Ala nen ari logonet, “Kit Yakup ombowologwe yi wae. Kit Iterali paga wiganak awo wonogwe yi wae. An wone yokkirage yi, kinaruk konenggo logonip o. Kit awo nda'naga'lek kinagalomini inikime kiigak, ndegengginake, Nda'nogo mbareegup, tawe eekkinake, Eereegirak an aret me,

Yetaya 55:7

It aap maluk mendek nen eerit nugwi nogo mbo pugwi, It aap iniki maluk nen eeriyak koonogo pit nugwi nogo teppugwi, Eeko logomenggaarik, Yungguninuk iniyokan Aliku ALA owagam woraawak o. Owagam wogwe iinok, Aliku ALA it inabuwa nen teppiige, Yungguk togon ninogoba Ala ka wogwe iinok, Ala nen inomaluk ambi teppigin lek abok aret mondok lek eerogo piige, Eerigin o.

Yetaya 59:20

Aliku ALA nen ari logonet, “Wondet Eerogo Piiga an nogo nen o Tiyon wage, It aap Yakup mendek inenggela'me, Maluk nineebi o, yinuk, inomaluk mbo pugwi iinok, inagap ndari wage, Eerigin o,” yinuk, yegerak o.

Yetaya 7:3

Inaganak wake kagak, at Aliku ALA nen Yetaya yoge logonet, “Kat kaput Tiyeyat-Yatiyup wonok tu Yum Kooko Menggam nogo menggam niyo yenggenak irimbaga niyo mbininik irip me time aap Akat kinom lambuni nak o.

Yetaya 9:13

Togop eeginabeegerak kwe, It aakumi ti nen iniki wakko'nok at inomaluk onggo eeppiiga nogo owagam wogwe, At Omaawi Lombok Menggerak Aliku ALA mugurok wogwe, Eeka'lek aret wonogo agaarik o.

Yetaya 9:6

Elege ambi nit ninake muk nda'nage, Wulaga ambi muk aret wo'nirage, Eereegerak me, At wone lengganogo yo'nirage logorak ti, at obaalombok aret logogin o. At endage ti, Wone Kooninaka Mondok Iya, Omaawi Lombok Menggerak Ala, Ninogoba Kanggeelik Mondok Eenik Menggerak, Aakumi Lambuninaka Endagembogut o, yinuk, yogo logogun.

Yeremiya 50:20

Aliku ALA nen ari logonet, “Ne ti paga eerigin o, yinuk, yoragagirak ti eyom paga An nen eegu yumbunogo piyaminggirak nogo inomaluk lek eerogo piyaagin me, Aakumi nen, Iterali maluk ndogop eekaarak o, yinuk, kwaaremenggaarak kwe, eerulik aret iigwi, Ndi, it Yekura kunduk, Maluk ndogop eekaarak o, yinuk, yemenggaarak kwe, eerulik mban aret iigwi, Eerugun o,” yinuk, yegerak o.

Oteya 14:1

It Tamariya mendek nen inogoba Ala an yorage ineebi mbakwi me, It eekwi paga aaninggin inoba kwippiyoorak nogo ti, inobaalombok aret o. Wooluwak paga ineebe inoorogo piigwi, Inaagalogwe awo ngget ndarak nogo inanep yombak inoorogo piigwi, Inakuwi elege ndaka'lek awo inabila wonogwe nogo kilirik-ndowanak eerogo wumbiinet wogwe, Eerugun o, yinuk, yegerak me, yokkiragi o,” yoragagirak.

Oteya 6:1

“It nen yogo logonet, At nen nibik-nobak eerogo pinaneegerak kwe, obeelom eerogo pinanege, At nen yawi ninooreegerak paga ninawin agagerak nogo nggerenogo pinanege, Eerigin me, Ninomaluk mbo punuk, niniyokan at Aliku ALA mugurok nawok o.

Oteya 7:10

It Iterali iniki wogoppako logonet, eerit nugwi ti nen, Yi eerit nage paga ndogop eekkabigin o, yorage menggerak kwe, Iniyokan inogoba Naliku an Ala mu'neren wogwe, An kwaa'nabit wogwe, Eeka'lek aret menggaarak o.

Oteya 7:16

An Tiyanak Lombok Minggirak nen yeenggwaaraakit nduk, yo'nugwi lek mbo panugwi me, It ti, maale nambukaatak tak mbilak wuk ari menggi kwak wonogo agaarik o. Inoone maluk mendek mban agan nugwi ti paga inoweewi inendage warak nogo wooluwak paga warak wanggo logogun o. Ti eekwi paga o Metit time nen inagi'ndok kanggo logogun o, yinuk, yegerak me, yokkiragi o,” yoragagirak.

Nappiigak 26:20

Yo'nereegerak nogo aa'nduk lombok it o Ndamitik wonogwe nogo yorage, o Yerutalem wonogwe nogo yorage, ti'nuk, o Yureya enaagan-ambokan inom, it endekem konenggulik mendek inom, yoranet nege, eeke logonet, Kit abok aret kiniki koonogo punuk, kinomaluk paganogo mbo pogo logonip o. Ndi, kinomaluk mbo punuk, Ala mugurok nogwe abet aret kinombaruwak nduk, yi eekak ndi eekak abe mban eerit nogo logonip o, yinuk, yorage nagagirak.