Yetaya 10:19 - Ala Wone Peenok Peebi Mbanak

¹⁹ Yi eyo ndi eyo teppemenggerak nogo ambitak mban me, elege ambi nen eenggi lingginiyak op aret arigin o.

Yetaya 10:19 ပူးပေါင်းရင်းမြစ်များ

Yetaya 13:12

Mbuti emas at mendek mban eerak ti, mbuuluk aret wonage kwe, Aakumi ineebe ti, abu lek ambitak negen teppiige, Ndi, mbuti emas o Opit mendek ti, mbuura'luk wonage kwe, Aakumi ineebe perak, abunuk mbuura'luk mban inili eerogo piige, Eerigin o.

Yetaya 21:17

Ndi, it aap ineegin warak wakaa'ngget Kerat mendek yumbunogo ambitak mban teppiyaagin o,” yinuk, at Iterali inogoba Aliku Ala nen aret yegerak me yagi o.

Yetaya 32:19

O mayu kumulinggen nen eyoongga kunik taganogo pit nage, Inawi kota nogo langgunogo punuk kobappaga eerogo pege, Eeremenggerak kwe,

Yetaya 37:36

Yoge mbareegi, ti eyom paga aret it Atiyut mendek nogo inawooliyana wonogwe me, at Aliku ALA ayonggo malayikat nogo wage nagagerik, aap wim eeka ineebe seratus delapan puluh lima ribu inoorogo piyareegerak me, ko'lu kuuben ineebe inoorak yumbunik-telenak aago wonogwe iyareegwaarak.

Yeremiya 44:28

It aap mbereeluk mban wooluwak paga woppatinuk, o Metit nen iniyokan o Yekura nagun o. Nogwe iinok, it Yekura mendek eegu yumbunik o Metit ari wogogwaarak wonogwe nogo abok aret nen it inoone yereegwaarak a'me agaarak ilik, an noone yagarak a'me agaarak a? yinuk, ineenu arugun, yegerak me, yokkiragi o.