Yetaya 10:16 - Ala Wone Peenok Peebi Mbanak

¹⁶ Togop aret me, at Omaawi Lombok Menggerak ninogoba Aliku ALA nen aap Atiyut mendek inowe endagembogut awuri ineegin warak wakaa'ngget nogo kugi wuruurit eeginaka inoba kwippiige, Ndi, iri'ngga kani wunuk ari logonet, pup eerogo nengge menggi kwak, At endage nggwok age paga wogoppatit nage nogo, togop aret lek eerogo pege, Eerigin o.

Yetaya 10:16 ပူးပေါင်းရင်းမြစ်များ

2 Mbinineegwaarak 32:21

Eeko mbareegwa, Aliku ALA nen malayikat ambi nappi wage mbareegi, it aap wim eeka wakaa'ngget inom, inoweewi inom, aap ineegin warak inoweewi inom, aap Atiyut mendek inowe endagembogut awooliya wurit nagagim wonogwe nogo abok aret inoorogo piyareegerak. Inoorogo piige mbareegi, aap endagembogut nogo enggali mbakak ame nage nagagerik, agugi awi wurik me unggunuk wonage me, at lombok ndaganabeegerak apuri nen aret wooluwak paga warogo pereegwaarak.

Ndawi 106:15

Nggino yoreegwaarak nogo aret wogoragagerak kwe, Kugi iniki nengge mendek inenggela'me nappi wagagerak.

Ndawi 78:31

At Ala anini mi'nage logonet, Aap wakaa'ngget inenggela'me wonogwe nogo inoorogo piige, It Iterali inapuri awo tawe wonogwe nogo lek eerogo piige, Eereegerak.

Yetaya 10:18

O at unde menggim yi eyoongga ndi eyoongga inom, yi yabume ndi yabume eyo awi yarak inom, abu abe kwit agan lagit nage nogo, Aap andi nen eebe wuruurit a'nuk kangge menggi kwak at togop aret lek eerogo pigin o.

Yetaya 17:4

“Ne ti eyom paga at Yakup endage tiyanak, Wi! ugwi nogo lek arit wangge, At eebe amburu nggwi ari wonage nogo lek age, Eerigin o.

Yetaya 26:11

Kaliku ALA wae. Maluk onggo aaninggin inoba piyoorak keenggi nippunuk wonage kwe, Inigen keega'lek aret agaarik o. Kapuri alik eekwi iyo, kiniki aganggen kerek togon panggombiinet nage nogo Inigen keego logomenggaarik, inenggali age, Ndi, kani nenet nage menggi kwak, kawim aaninggin inoba piyoorak koonogo pegendak nogo it aret inoba kwi'nage, Eeruwak o.

Yetaya 31:9

It inarum menggaarak nogo inagabiti nen mbo piinok ma'nogwe, Inawim inawooluwak anggup inigen kenok, inoweewi wim eeka nogo iniki lek a'nuk mbaganggwi, Eerugun o,” yinuk, At kani kumbunuk menggim o Tiyon wonage, At mbi worake menggim kota Yerutalem wonage, Eeke menggerak Aliku ALA nen yegerak nogo ti aret o.

Yetaya 37:29

At anini Aliku ALA oba pege, Iniki tiyappake logonet wone ari, Eeke ti, Ala aruk me muk unggwi wagaarak me, Ala ageele paga aap ti ogobak pelenak me mambege, Ambutimanggen ambeme nggelembege, Eerogo punuk, nikkenok, tu wagam iyokan ame aret nappigin, yegerak o.

Yetaya 37:36

Yoge mbareegi, ti eyom paga aret it Atiyut mendek nogo inawooliyana wonogwe me, at Aliku ALA ayonggo malayikat nogo wage nagagerik, aap wim eeka ineebe seratus delapan puluh lima ribu inoorogo piyareegerak me, ko'lu kuuben ineebe inoorak yumbunik-telenak aago wonogwe iyareegwaarak.

Yetaya 5:17

Ti eeke kenok, O kota yigirogo pugun nogome ndomba inagari'ngga nenet nugu menggam kwak nenet nugwi, Aap ineenggi warak inawi wurik langgunogo pugun nogome kambin inaagalogwe inom inambi kwaarogo nenet nugwi, Eeko logogun o.

Yetaya 8:7

Niyo Eparat wu'nuk wage logonet, ambet paga kilu-kilu wundit nage, Elaganggen paga linogo pit nage, Niyo mban uwe ndenit yi mendek ndi mendek taanogo pit nage, Yenggenit aakumi inenggaanok kuli ari lagangge logonet o irip-irip ndak wa'narit nage, Eeke menggi kwak, It Atiyut inowe endagembogut, Wi, ugwi iigak, eerit wage menggerak nogo nen Inogoba Imanuwen an nanggween o Yekura togop aret aan mbelenggabi unggwi woraawak nduk, nappi woraagin o,” yinuk, yo'nereegerak.

Yetaya 9:4

It aap Miriyan tebenogo piyareegerak kokwak, Eyo aaninggin tapi uut paga kwippugu kwak inoba wonage nogo, telenogo mbo nappege, Eyo aaninggin inuum paga wonok nugu mengga kwak wonok nugwi nogo, waganogo mbo pege, It tebenogo piiga nen mbut mbanak ineenggime wonok nugwi nogo kalenogo pege, Eereegerak o.

Yetaya 9:5

It aap ineegin warak iniyok ogut yirik oone ndu-ndu agan nogwe inom, Inayum amiya labunik wonage inom, Kani noorak ake aret me, kani nen nengge logogin o.

Yeremiya 21:14

At eerit nege ndak-ndak aret aaninggin oba pigin o,” yinuk, Aliku ALA nen aret yegerak me, yokkiragi o. “At agayoongga kani wuninogo piminggirak nenet nage logonet, Enaagan-ambokan yi mendek ndi mendek wonage nogo pup eerogo nenet nagin o, yinuk, yo'negerak me, yokkiragi o,” yinuk, yoragagerak.

Yeremiya 48:14

“It nen yogo logonet, Nit aap wakaa'ngget wim iyagalo mban aret me, wim namburiyak ti ninobam o, Yinuk, yogwe ti, nonggop togon yogo agaarik o?

Yetikiyen 34:16

It lek ogwe iinok, an nen kwaarinake, kobak aago nugwi iinok, wogoren piya wage, inawinde-inobaande aago iinok, nggerembiige, inomaawi lek iinok, inomaawi eerogo piige, eeke logonet kwe, ineeruwak anen pera-pera aago inom, inomaawi ambik wonogwe inom, ti lek eerogo piyaagin o. Nandomba unde wogonake logonet, it inobaabut eekwi ndak-ndak eeppiige logogin o.

Nakum 1:12

Aliku ALA nen ari logonet, “It aakumi Atiyut mendek o Niniwe wonogwe nogo, ineebe enaani ndegenak inomaawi ambik aret wonogwe kwe, Inoorit namenggaarak inenggaawak lek aret arugun o. It an napuri ti, aaninggin-paaninggin kogo logowak nduk, eerogo piyareegirak kwe, ambinom eerogo piyaagin lek o.

Tepaniya 2:13

O omarip paga pa'nggwe wonogwe eeppiyoorak nogo, at eenggi nippunuk kagak, o Atiyut lek eerogo pogo logonet, O Niniwe yi oone lek ndi oone lek logowak nduk eerogo pugwi, Aakumi lek karume nggween mbuk menggi kwak eerogo pugwi, Eerugun o.

Takariya 7:4

Nappiyareegwaarak yora nogo mbareegwa, at Omaawi Lombok Menggerak Aliku ALA nogo nen it yoroorak yo'nereegerak nogo yi aret.

Nappiigak 12:23

Keekok piyanggogo mbareegwa, at nen Ala wogoppuulik, “An iya neenok, yaga,” yinuk, wogoppake mbareegi, Ala yonggo nappiya wage menggerak malayikat ambi abera'lek me wage nagagerik, warogo nggimbereegerak. Warogo nggimbege mbareegi, puuron nen inikime nggebenogo nunggwi iigak, kambeegerak.