Yetaya 10:12 - Ala Wone Peenok Peebi Mbanak

¹² At Ala nen it puut Tiyon paga wonogwe inom, kota Yerutalem wonogwe inom, eeppiyoorak koonogo pemenggerak nogo worok togon eeppiige kenok, at nen, “It Atiyut mendek inowe endagembogut wogoppake, An iya, mbarit nage, eeke ti paga aaninggin oba kwippigin o.

Yetaya 10:12 ပူးပေါင်းရင်းမြစ်များ

Ndawi 18:27

Iniki tebeppakwi iinok, kat nen inagap ndake kwe, Iniki wogoppakwi iinok perak, Iniki tebeppatuwak nduk, kenegen wogoren nage, Eeke menggendak me,

Ndawi 21:10

It paga wiganak o nggween paga wonogwe nogo lek eerogo piige, It aakumi inapuri inenggela'me inombowologwe nogo Inenggaawak lek eerogo piige, Eerumunggun o.

Ndawi 76:10

Kat kanini aakumi inoba piige nogo, Aakumi inigen kenok, kendage tiyappugwi iigak, Kanini ando nogo ti, kagabee'le kwak yikkolage menggendak o.

Ndawi 76:5

Aap wim wakaa'ngget kwe, inamendek kugun wagangge, Nogo nggaruk lek yogo mengga kwak eerogo piige, It aap kalu-kalu abok aret inomaawi lek eerogo piige, Eereegindak o.

Kini Wuppiige 21:4

Iya nombaruwak enegen mbogut paga nege, iniki tiyappatit nege, eeke ti, Aap maluk mendek andi wuninik kwak aret me, maluk aret menggerak.

Kini Wuppiige 30:13

It aap ando inapuri nen, “Nit iya,” mba'nuk inigen tiyanak nugu logonet, aakumi laakot inombarit nugwi,

Yetaya 2:11

It aakumi inigen tiyanak nugwi nogo tebenogo piige, “Nit iya,” mba'nuk tiyappatit nugwi nogo at abu'me tebenogo piige, Eerigin me, Ne ti eyom Aliku ALA alik mban endage tiyak yigin o.

Yetaya 2:12

At Omaawi Lombok Menggerak Aliku ALA nen aakumi eeppiyoorak ne ambi koonogo pereegerak wonage o. Koonogo pereegerak ne ti eyom paga Aakumi iniki wogoppakwi inom, inanggup tiyappakwi inom, Ti mbakwi abok aret iniki tebe yuwak nduk eeppiige,

Yetaya 24:21

Ne ti eyom paga at Aliku ALA nen it inomaawi ambik mbogut irimbaga menggaarak nogo aaninggin inoba piige, Ndi, it o nggween paga yime it aakumi nggween paga mendek inoweewi inendagembogut nogo aaninggin inoba kwippiige, Eerigin o.

Yetaya 27:7

Inawim mendek nen Ala apuri aaninggin inoba piigwi iinok, Aliku ALA nen aaninggin inoba piige nagagi kwak at apuri ndak-ndak eeppiyareegerak mbakop? Ndi, it aakumi nen at apuri inookwi iinok, inooke nagagi kwak, at apuri togop aret inooreegerak mbakop? Lek aret o.

Yetaya 27:9

It Yakup paga wiganak maluk eeko nogogwaarak paga Ala anini mbake nogo nini tayo ari, Ndi, inomaluk abet aret mbo pugwi iinok, anggen abe yi'nage menggi kwak yelok kogwe, Eeriyak nogo ti, Inagugi alut eeko menggam yugum paga ogobakkigirik nogo kwi yigirogo pogo mengga kwak yigirogo pugwi, Inagugigwe Atiyera ageyo arelen yinik nogo mbanogo pugwi, Obari abe kaga kani kunggo menggam ogobakkigirik nogo yigirogo pugwi, Eeriyak nogo ti aret.

Yetaya 29:14

Togop me, an nen iya mbariyak mendek eeppiinet mban naminggirak paga iniki lek age, It aap iniki warak nen iniki warak logonet agan nugwi nogo lek arit nage, It aap ineenu nen ineenu logonet yorogwe nogo, kobak age, Eerigin,” yegerak o.

Yetaya 33:1

Kat aakumi maluk eerogo piiga yi wae. Kat maluk eerogo pagaga'lek iigak, kat nen mban maluk eerogo piinet nage me, kabuwa o. Kat aakumi inambokan lagangga yi wae. Aakumi nen kat kambokan lagangga'lek iigak, kalik nen mban it inambokan lagangge me, kabuwa o. Kat maluk abu aret eerogo piige keenok, it nen kat aret maluk eerogo pagagwi, Ndi, abu aret aakumi inambokan lagangge keenok, it nen kat aret kambokan laganggwi, Eerugun o.

Yetaya 37:23

At ta meek eerogo pege? Ha! yinuk, ta agi'ndok kangge? Ta kenok, oone nggwok paga yoge? Ta kenok, iniki wogoppake? Eeke ti, At Kikak Nakeelik Alik Leenak Iterali inogoba kenok aret eeke agaarik o.

Yetaya 37:29

At anini Aliku ALA oba pege, Iniki tiyappake logonet wone ari, Eeke ti, Ala aruk me muk unggwi wagaarak me, Ala ageele paga aap ti ogobak pelenak me mambege, Ambutimanggen ambeme nggelembege, Eerogo punuk, nikkenok, tu wagam iyokan ame aret nappigin, yegerak o.

Yetaya 5:15

Inendage lek inendage warak imbirak tebenogo piige, Iniki wogoppatit inigen mbogut paga nugwi nogo inenggali aruwak nduk, eeppiige, Eerigin kwe,

Yetaya 50:11

Eya lek kenok, kani wunanggwi, Ndi wunanogo pakwi, eekwi kit perak, Kani wunanggwi, ndi wunanogo pakwi, eerumonggotak eya nogo paga eerit nogo logonip o. Ala nen eeppinagarak koonogo pereegerak nogo ti, Kit yagan wako logonet kambuurak ti aret o.

Yetaya 9:9

It aakumi Eparayim mendek inom, it o Tamariya menggaarak inom, it aakumi abok ti, “Nit iya,” mbakwi, iniki wogoppakwi, Eeko menggaarak abok aret nogo nen inoba ariyak wone yugu nogo ineenu arugun o.

Yeremiya 25:29

At Omaawi Lombok Menggerak Aliku ALA nen ari logonet, Ala agota o, yinuk, an nendage kunogo yogo menggam yime aaninggin oba pikit nduk eeke me, ti eeke logonet, it aakumi kunduk aaninggin inoba piyoorak lek mbakop? It aakumi nggween paga wonogwe yi abok aret wooluwak paga inoori woraawak nduk, yonggo nappiige me, Nit mbo nagun mondok lek, mbako logowak o.

Yeremiya 50:18

Togop me, at Omaawi Lombok Menggerak Iterali inogoba Aliku Ala nen yegerak nogo yi aret. “It Atiyut mendek inowe endagembogut nen eeppiyareegerak paga an nen aaninggin at oba kwippereegi kwak, It o Mbaben mendek inowe endagembogut inom togop aret maluk inoba kwippiyaagin kwe,

Yeremiya 50:32

At iniki wogoppaka ti, iyogobit lik togon ngginnarigin me, it ambi nen at piyanogo mippugun lek aret o. At awi kota-kota kani paarogo pit naminggirak enaagan-ambokan wonogwe nogo abok aret pup eerogo nenet nagin o,” yinuk, yegerak.

Yetikiyen 31:10

Togop aret me, at Aliku Itok Menggerak ALA nen yegerak nogo yi aret. “Eyo ti, eebe nggorek mbogut piga lagangge, ndi, engga ki wandu aago kagak irimbaga lombok wonage, eerak logonet,

Yetikiyen 31:14

Togop aret me, yi eyo ndi eyo niyo aa'nggi paga wonage abok aret o yogondak nen eyo aro nggorek mbogut piga lagarak eeke, engga ki wandu aago kagak inirimbaga tiyanak wonage, eerak logonet, An abu tiyanak aret wonage, mbake nogo togop ambi wonage, ndi, yi eyo ndi eyo niyo nen miin eerogo pit nage kenok, eyo abu nggorek lagangge nogo togop ambi lagangge, eerigin lek aret o. Eerigin lek aret me, eyo ti abok aret mbuk arit nage, it aakumi kambunuk mbuun ambena wambeegwaarak nggween abu'me wonogwe nogome inom ari nage, eeruwak nduk, eerogo pereegirak wonage agaarik o,” yinuk, yegerak o.

Ndaniyen 11:45

Woraanuk, niyo nggwok yenggenak laut nogo peenok wonage, ndi, puut abe alik leenak nogo peenok wonage, eerak kagak, oolo time at endagembogut me, awooliya mondok iya lombok wurigin kwe, at lek ariyak eyom panggoni wage kenok, aakumi ambi nen at yeenggwaaga'lek iigak, enggaawak lek arigin o,” yinuk, yegerak o.

Ndaniyen 4:37

At mbogut paga time endagembogut menggerak nogo, eeke menggerak abok aret abe mban eeke, at eerit nage nogo a'me nggelok mban eerit nage, iniki wogoppakwi iinok tebenogo piige, eeke menggerak me, yogondak an Nebukanetat nen at ayuk wuke, alut eeke, endage tiyappege, eeke agarik o.

Linggineegwaarak 24:24

O Kitim laut aa'nggi paga nen yiiro-ndiiro aago woraagun o. Wogo logomenggaarik, It aakumi Atiyut mendek inom, Kebet mendek inom, tebenogo piya woraagun o. Tebenogo piigwi iinok, it Kitim mendek kunduk lek aret arugun o.”

Matiyut 12:33

Yetut nen wone ambinom yorage logonet, “Eyo anggen obeelom yugu kogwe kenok ti, Ero obeelom paga aret yegerak, mbakwi, ndi, eyo anggen maluk yugu kogwe kenok ti, Ero maluk paga aret yegerak, mbakwi, eeko logonip o. Eyo ti, anggen yi'nage nogo paga kineenu arumunggup o.

Matiyut 15:19

Kinikime maluk eeriyak koonggwi inom, aap wakwi inom, kumi kundugume wurinakwi inom, komologwe tawe wurinakwi inom, yogoot waganggwi inom, pilit wone inoba piigwi inom, miyuk-meya eerogo piigwi inom, nogo ti, kinikime nen aret wungge menggerak me,

Pelaareegerak 32:27

It inawim nen an eeppiige nogo liippega'lek yogo logonet, It eeppiige yi abok aret Aliku ALA nen eeppiyoolik o. Ata, nit nineenggi paga nen eekoorak me, nit iya o, yogwe iinok, Niniki wakkolookwak, liippunuk, eeppiyareegirak, yereegerak o.

1 Peterut 4:17

At Ala nen ari logonet, “It aakumi iniki abe koonak nogo aaninggin eeppiinet unggwogwe iigak inagap ndarigin me, It an noone konengga'lek maluk mban eerit nogwe nogo perak, nonggop togon eeppiyaagin mbakop?” yinuk, yereegerak ndak-ndak, at Ala nen nit yi aap ndi aap abok aret ninawone mbanogo ninowak loonninaburak eyom abu panggo yi wagaarak me, nit Ala apuri aa'nduk ninawone mbambunuk, at oone yugu ndak-ndak eeka'lek logomonggoorak kenok, onggo eeppinanigin me, it Ala wone obeelom wone nogo mondok wagangga'lek iinok ti, inawone mbangga'lek teppiyaagin mbakop? Lek o. Inawone abu mbanogo punuk, mondok alik negen eeppiyaagin o.