Yetaya 1:8 - Ala Wone Peenok Peebi Mbanak

⁸ Anggur yarak me, ooliya wurik kwak, Nggilu yarak me, arum logorak o wurik kwak, O kota aakumi nen tebenggola unggwogo logonet, eeko mengga kwak, O Tiyon Aagalukwe ti, togop aret aago agaarik o.

Yetaya 1:8 ပူးပေါင်းရင်းမြစ်များ

Ayup 27:18

Inawi ti, laa'nggi awi wurik kwak wurogo pugwi, Yabu yarak arum logorak inawooliya wukwi kwak wukwi, Eeppatinuk,

Yetaya 1:7

O kit monggo'nom yi oone ndi oone lek logowak nduk, eerogo pugwi, Kinawi kota-kota kunduk, kani nen pup nawak nduk eerogo pit nogwe, Kinigen kiigak aap alik nen kineyabu aago it aret nunggwi, Ndi, aap inambik nen eerogo pogo mengga kwak, kineyabu aago alom kinik-kenok eerogo pugwi, Eekaarak wonage agaarik o.

Yetaya 1:9

At Omaawi Lombok Menggerak Aliku ALA nen nit ambiriluk ambi yumbunogo pinaniyak mba'netak lek en O Torom inom, Nggomora inom, eerogo piyareegi kwak nit eerogo pinaninetak o.

Yetaya 10:32

Ne yogondak aret ninawim nogo o Nop puk ari wagaarak wonogo logonet, O Tiyon Aagalukwe puut paga kota Yerutalem nogo, “Ko'lu koori wogo o,” yinuk, Ineenggi titik irogo agaarik o.

Yetaya 29:3

Koba kwi'nari unggwikit nduk, yengget-wangget nawooliya wurogo pit wage, Nenegen wokkake logorak nggayo wurogo pit nage, Pak obaga mbo ungguurak nda'nggi pit nage, Eeke logogin o.

Yetaya 30:17

At ambit nen inooriyak wage inigen kogo logomenggaarik, ineebe seribu aret mbaganggwi, Ineebe 5 nen inooriyak wogwe iinok, ineebe abok aret kole mbaganggwi, Eeko logonet, Aap abu inooko o, yinuk, puut kirin paga aap inoorak inabetagi nggoorak eyo paga tugumbugwi, Wooluwak inariwa puut paga yindumbugwi, Eeppunuk mbaganggo mengga kwak, Ineebe ambitak mban ko wappunuk logogun o,” yinuk, yegerak me, yokkiragi o.

Yetaya 37:22

at eeppuurak Aliku ALA nen yegerak nogo yi aret o. O Tiyon Aagalukwe Aap Kigin Waka'lek nogo nen at miyuk-meya eerogo pege, agi'ndok kangge, Ndi, o kota Yerutalem Aagalukwe nogo nen at kole mbagangge kagak, Kayik a! ari, Eeke agaarik o.

Yetaya 37:4

aap endagembogut Atiyut mendek nen at aput aap wim eeka inowe ambi at eenik menggerak Ala nogo, meek eerogo puwak nduk, nappi wagaarak yi wone ndi wone agan nage nogo, Aliku kogoba Ala aruk konembunuk, wone agan nage onggo maluk eeppuurak mbakerak kero, it eegu pugu ineenik wonogwe nogo, inake tamban eeke logowak nduk, yori nanip o, yo'niragaarak kenok, yokkiri wogo o.”

Yetaya 4:4

At Aliku ALA nen komologwe o Tiyon mendek mili lenggenak wonogwe nogo koorogo piige, ndi, o Yerutalem aap inamiya wambemenggerak aberak logokwak, anini kani negen wunuk ari logonet, eeremenggaarak onggo ndak-ndak eeppiige, eerigin o.

Yetaya 49:21

Yogwi iinok, inikime mbake logonet, An ndegeninake logokit nduk aap ta nen apuri yi, ndarogo wo'negerak mbakop? Naagalogwe lek ogogwaarak kenok, niniki puru aago wonage, Ambinom ndaganaka'lek wubili wonage, Keele maarogo piya nogogwaarak iigak nalik aret wonage, Eeke nagagirak kwe, Elege-aabologwe yi, ta nen tawe eeginabeegerak mbakop? Mbo paneegwaarak nalik aret wonagagirak kwe, it yi, ngga nen wagaarak wonogo agaarik o? Yinuk, mbake logomunggun o,” yinuk, yoge kagarak o.

Yetaya 62:11

Aliku ALA nen it aakumi nggween irip-irip wonogwe abok aret inaruk konenuwak nduk wone yoragaarak yi o. “At Kinagap Ndaka wage yi kaanip o. Ta'liila eerit nage nagagerak onggo kolegerak nogo inom wogwe, At peebi wage kagak inaa'nduk wogwe, Eekwi yi, Iyaanip o, yinuk, o Tiyon Aagalukwe nogo yoru,” yegerak o.

Yeremiya 6:2

O Tiyon Aagalukwe ti, abu kigirikwe obaabut yanggonak lombok kagak kwe, an nen maluk eerogo pigin o.

Leendawi 2:1

Ndugwi nen puut lenggenogo pit nage menggi kwak, Nogoba Ala anini o Tiyon Aagalukwe oba lenggenogo pereegerak ti mondok iya o! Iterali endage tiya agan mbogut paga ari laganeegerak nogo nggween paga mbo wuppi wage, At anini eeppiyoorak eyom paga at iyok pi wangge menggim teppega'lek anini inoba kwippege, Eereegerak o.

Leendawi 2:6

Ooliya yabume wurik minogo pogo mengga kwak, Aliku ALA nen at awi wurik nogo langgunogo pit nage, At alut eeruwak nduk kuwak eeko menggam nogo minogo pege, O Tiyon ale'nggen nen lako logorak yugu inom, nogo 6 yippunuk, ko'lu paga yonggonggoloorak yugu nogo inom, mari eerogo puwak nduk, eeppege, Ndi, aap endagembogut inom, it aap at eebe unde inom, anini kani kunik negen inoba piinok mbo piige, Eereegerak o.

Takariya 2:10

Aliku ALA nen ari logonet, “Togop me, O Tiyon aagalogwe kit yi wae. An wage logominggirik, kinenggela'me logogin me, kinale'nggen mbakwi, kinale'nggen nen keekok yogwe, eeko logonip o.

Takariya 9:9

O Tiyon aagalogwe kit yi wae. Kinale'nggen nen lubuk yogwe. O Yerutalem aagalogwe kit yi wae. Kinale'nggen nen kina'mit piyanggogwe, Eeko logonip o. A'me nggelok eeppinagit nage, kinagap ndake, Iniki yanggonak logonet yokkirage, Eeke menggerak kinowe endagembogut nogo keledai awo ndarak amborowak paga kwi'ndak kiya wage ti, kinigen kaanip o.