Yetaya 1:24 - Ala Wone Peenok Peebi Mbanak

²⁴ Togop me, at Aliku Omaawi Lombok Menggerak Iterali Yeenggwaaraga inogoba Ala nen ari logonet, “A! It ineebi nombakwi nogo nini tayok togon eeppiige, Ninom ogoorak nogo nen eeppanugwi onggo eeppiige, Eerigin o, yinuk,

Yetaya 1:24 ပူးပေါင်းရင်းမြစ်များ

Wakkagagerak 49:24

At Omaawi Ambik Menggerak an Yakup Yeenggwa Nega nen yeenggwa kege, At Omaawi Ambik Yugum nu'lek menggi kwak logonet, An Iterali Ndegennaka nen kat ndegenggake, Eeke menggerak me, Keenggi aaninggin ambik lek teeluk aret wonage, Keegin keenggime nu'lek porogo wonage, Eeke logomunggun o.

Ndawi 132:2

At nen kumbuk mbanogo Kaliku ALA yokkege, Yakup ogoba Komaawi Lombok Menggendak nogo kendage kunogo kumbuk mbangge, Eeke logonet,

Yetaya 12:6

Kit o Tiyon monggotak yi wae. At Kikak Nakeelik Alik Leenak kit Iterali kinogoba kinenggela'me wonage ti, mondok iya me, Kiniki ale'nggen nen keekok yogwe, ndawi wakwi, Eeko logonip o,” yinuk, yorogo logomunggup o.

Yetaya 30:29

Ndi, inale'nggen eeko logorak ne leenak nogo paga oonikiya inale'nggen logonet, eeko mengga kwak, Kit perak, kinale'nggen nen ndawi wakwi, It aakumi inale'nggen nen mbuti luu'ngget oone eerit Aliku ALA abuut paga laganggwi, Yugum Lunik kwak Iterali inogoba nogo alut eerit laganggwi, Eeko mengga kwak, Kit togop aret kinale'nggen mbakwi, Eeko logomunggup o.

Yetaya 35:4

It iniki waanggo mban-mban wonogwe nogo yorage logonet, “It nen aaninggin kinoba pinagagwi nogo, kinogoba Ala nen anini wuk togon onggo eeppiige logonet, Kinagap ndari woraagin me, Kinagabiti mbaka'lek kinogogumbuk logonip o,” yinuk, yorogo logomunggup o.

Yetaya 49:26

It tebenogo pagarak eekwi nogo it ineebe lombok aret nunggwi, Anggur amburu nenok kumili ogo mengga kwak it inamiya lombok nenok kumili kunggwi, Eeruwak nduk, Eeppiyaagin o. Ti eekwi iinok, At Yakup ogoba Nomaawi Lombok Minggirak, Kagap Ndaka, Wondet Eerogo Pagaga ti, Naliku ALA an aret me, Yi aap ndi aap abok ineenu arugun o,” yinuk, yoge kagarak o.

Yetaya 59:18

Eeke nagagerik, aakumi eereegwaarak onggo ndak-ndak eeppiinet nage logonet, awim nogo anini inoba piige, Inom ogoorak nogo eereegwaarak ndak-ndak onggo wogorage, It aakumi inawi niyo oolo ku'mbanak paga nda wonogwe nogo eereegwaarak onggo ndak-ndak eeppiige, Eerigin o.

Yetaya 60:16

Kwe ambi aagaluk elak wogoge menggi kwak yi aakumi ndi aakumi inamindik-inamendek at wogogwi iinok kolage, It aap inendagembogut nen ndegenggo logonet, abe mendek wogogwi iinok, wagangge, Eeke logogin o. Ti eeke kenok, Agap Ndaka, Wondet Eerogo Pega, Yakup ogoba Nomaawi Lombok Minggirak ti, Naliku ALA an aret eenu arigin o.

Yetaya 63:4

Napuri maluk eeppiyareegwaarak onggo eeppiyoorak koonogo pereegirak ne nogo muk ari wage, Ndi, wondet eerogo piyoorak mbareegirak tahun nogo muk panggo yi wage, Eeke mbaki,

Yeremiya 50:34

Togop eerogo piinok wonogwe kwe, an Wondet Eerogo Piiga ti, nomaawi wonage, Nendage ti, Nomaawi Lombok Minggirak Naliku ALA aret o. An nen aret it Iterali inanggween paga wonogo logonet, inabolok lek logorak eerogo piige, Ndi, it o Mbaben wonogwe perak, inabolok mban yogo logorak eerogo piige, Eeruwak nduk, Iterali inawone liirogon amburu mbanogo piige logogin,” yegerak o.

Yeremiya 9:9

It ti eerit nugwi nogo, onggo eeppiiga'lek teppiyoorak mbakop? It aakumi ti eerit nugwi paga nanini mbake nogo tayo yuwak nduk, maluk eeppiyoorak lek mbakop? Eeppiyaagin aret o,” yinuk, Aliku ALA nen aret yegerak o.

Yetikiyen 16:42

Ti eeke neenok, an nanini ombake nogo nini tayok ari, an neegak alik eekwi iinok, nanini mbake nogo lek aret age, eeke kenok, nanini mbake nogo lek age logonet, niniki kwi'narigin o.

Yetikiyen 21:17

Ti eeke kagak an kunduk, neenggi telak eeke, nanini age nogo tebenogo pege, Eerigin o, yinuk, Naliku an ALA nen aret yagarak me, yoret o,” yinuk, an yo'nereegerak o.

Yetikiyen 5:12

O kota Yerutalem inikime time at aagalogwe ando mogonak kugilingga paga nen ilik, mbi noogelo paga nen a, kanggwi, kota pak wurik endekem ando mogonak wooluwak paga inoorak kanggwi, ndi, ando mogonak o wiya irip-irip warit nage menggi kwak mappiige logominggirik, nawooluwak nutik muguren nage neenok kanggwi, eerugun o.

Yetikiyen 5:13

Ti eekwi iinok, nanini wungge nogo lek age, nanini nen eeppiyoorak mbake nogo tayok ari, Abu ndak-ndak aret eeppigi o, yinuk, nini tayok ari, eerigin o. Nanini mbake nogo abok aret eeppiyaminggirak lek age kenok, Aliku ALA mondok anini mbake logonet yo'niragaarak kogo o, yinuk, ineenu arugun o.

Pelaareegerak 28:63

At Aliku ALA nen, Kit obeelom mban eerit nogwe, kineebe ambik lombok wigannarit nogwe, eerumunggup nduk, inikilom paga eeppinagareegerak nogo ndak-ndak kit o unggwi nogo logomonggotik, unde a'nuk logowam time nen nggiginogo wumbinagage, kineebe mondok pup eerogo lek eeppinagage, eeppinagarak nogo ti, inikilom paga aret eeppinagagin o.

Pelaareegerak 32:43

Togop aret yereegerak me, Ala nen at ayeloman mini inamee'nggo wagangge, Inom wim mbanak nen eeppiyareegwaarak inikime aberak nogo onggo inooke, At apuri inom, inanggween inom, obeelom eerogo piige, Eerigin me, Kit aakumi kinanebunu lombok yi wae. Kiniki ale'nggen nen at apuri kinom keyage wako logonip o.” yinuk, ndawi pereegerak, nogo ti aret.

Iberani 10:13

Ala nen at inom wim mbanak mendek aan lebenogo abu'me tebenogo piyaawak nduk, tokkage agaarik o.

Wayu 18:8

At eerit nage menggerak awone amburu mbanogo owak loonigin ninogoba Ala nogo ti, omaawi ambik me, At wogoppatit nege onggo ne ambit liingge aaninggin oba age logonet, mbi abu age, andi nen aagalogwe kambit nogwe iinok, iniki wakkolage, eeke logonet, Le ari kagak, eebe waganogo kani kumbugun o,” yinuk, yo'nege kagarak.