Yetaya 1:19 - Ala Wone Peenok Peebi Mbanak

¹⁹ Wone an yorage yi, Konenuwok o, yinuk, ndak-ndak eekwi iinok, It o time ineyabu eeremenggam anggen abe mban mbanogo nunggo logogun kwe,

Yetaya 1:19 ပူးပေါင်းရင်းမြစ်များ

Yetaya 25:6

“Puut yi paga Nomaawi Lombok Minggirak Naliku ALA nen yi aakumi ndi aakumi abok aret Inake yi mendek ndi mendek ombat abe lombok anggur kole agaarak amburu toolak inom, Amok enggaanggum ta'mbanak inom, Anggur amburu at mendek mban toolak inom, Pipuk eerogo pege,

Yetaya 3:10

“It aap iniki abe koonak perak, obeelom eerit nugwi paga obeelom anggen mbanogo nagun me, It obeelom enaani ndegenak aret logogun, yoret o.

Yetaya 58:14

Naliku ALA nen eerogo piige paga inale'nggen mbakwi iigak, Yi aakumi ndi aakumi it inanggween mbanogo wogoraagim paga wonogwe nogo abok aret inayuk wuko logowak nduk eerogo piige, Ndi, it inombo Yakup anggween yate pereegim unde wonogo logonet, anggen yugu mbanogo nenet nogo logowak nduk eerogo pege, Eerigin o,” yinuk, Aliku ALA nen yo'negerak me, yokkiragi o.

Yetaya 65:13

Togop aret me, Aliku Itok Menggerak ALA nen wone yoragaarak nogo yi aret o. “It an nayeloman mini inambi nonggo logogun kwe, it perak, inambi nengga'lek abu aret wonogwe, Nayeloman mini inagi nonggo logogun kwe, it perak, inagi nengga'lek yi abu mban wonogwe, It an nayeloman mini inale'nggen mban mbako logogun kwe, it perak, inenggali mbakak nugwi,

Yeremiya 21:8

Ndi, Aliku ALA nen aakumi yoraabagip nduk, ambinom yegerak nogo yi aret. It aakumi ineenik logorak mugurok noorak tu inom, kambuurak mugurok noorak tu inom, titik irage agarik o.

Yeremiya 7:3

Nomaawi Lombok Minggirak Iterali inogoba Naliku Ala nen yagarak yoroorak nogo yi o. It inobaabut inom, eeko menggaarak inom, abok aret mbo punuk, alik ngget mendek ogwe iinok, o yime logorak an nen, Op aret, yoraagin kwe,

Yeremiya 7:5

Inobaabut inom, eeko menggaarak inom, mbo punuk, alik ngget mendek ogo logomenggaarik, inalitak lombok a'me nggelok eeppiigak mban eekwi,

Yeremiya 7:7

aa'nduk it inombomini mondok-mondok logowak nduk, O wogoragagim yime logorak op aret o, yinuk, an yoraagin kwe,

Yowen 2:26

Ti eerogo piminggirak paga yi mendek ndi mendek ka'lek-pa'let aremenggerak me, nonggo logonet, ndonggoppiyaagin o. It liippuwak nduk, an iya tit eerubok mendek eeke neenok, inogoba Naliku Ala an nendage tiyappogo logogun me, It an napuri ti, ambinom inenggali mbakak nugu logogun mondok lek o.

Ala Unde 25:19

Liirogon eerit nugwi iinok, inanggween ti paga yi mendek ndi mendek yappunuk, anggen ndonggorogon nunggwi, iniki ugun obeelom tayenak wonogwe, eeko logowak o.

Ala Unde 26:3

It nen an wone lengganogo yorage nogo mugurok nogwe, ndi, wone, Yogop ee'nu ndogop ee'nu, yorage nogo liirogon eerit nogwe, eekwi iinok,

Ala Unde 26:5

yaremenggaarak eebe nenet nogwe iigak, anggur anggen kole age, ndi, anggen kole aremenggerak me mbanogo nenet nugwi iigak, peebi yi mendek ndi mendek alik yariyak eyom aret ari nage, eeke logogin me, inambi ndonggok togon nunggwi, iname logonet iniki ugun tayenak aret wonogwe, eeko logowak o.

Agayi 1:12

Yorage mbareegi, at Teyaletiyen aput Terubaben inom, aap Yotarak aput Ala unde inowe Yotuwa inom, it aakumi iniyokan wogogwaarak abok aret inom, Aliku inogoba Ala nen at yoge kagak yoraga Agayi wone yoraawak nduk, nappi wagagerak me, Aliku inogoba Ala yereegerak yoragagerak nogo, inaruk konenggo nogogwaarik, Aliku ALA paga inagabiti mbareegwaarak.

Pelaareegerak 28:1

Yorage nagagerik, ambi yorage logonet, “Kit nen at Aliku kinogoba Ala oone liirogon aret konenggwi, Yogop ee'nu ndogop ee'nu, wone an yogondak yokkirage yi, liirogon waganggo logomonggotik, eerit nogwe, eekwi kiinok, at Aliku kinogoba Ala nen yi aakumi ndi aakumi o nggween paga yime wonogwe nogo abok aret iigak, kit kinalik mban tiyappinagagin o.

Iberani 5:9

Teppege mbareegi, nit ee'ninake menggerak nogo, at abu li'luk eerogo mamunggolage nagagerik, nit at oone woppunuk, eerit nogwe nogo, abok aret nineenik mondok-mondok logowok nduk, ninagap ndake logorak alom at aret agagerak me,