Yetaya 1:15 - Ala Wone Peenok Peebi Mbanak

¹⁵ It ineenggi paga aap inamiya wonage kagak eekwi me, Tamban eeko logonet, ineenggi nippunuk eekwi iinok, an nena nomok ari, Ko'lu-kii'me tamban eekak mban eeremenggaarak kwe, an naruk konengga'lek mbo pege, Eerigin o.

Yetaya 1:15 ပူးပေါင်းရင်းမြစ်များ

Mika 3:4

“Yeenggwa niru o,” yinuk, Aliku ALA yoriyak eyom ari woramenggerak yorumonggotak kwe, at nen kinoone konengge, Maluk eeko monggotak me, ne ti eyom paga kit tamban eekwi nogo, at etenggen kumaappatinuk wonage, Eeke logogin o.

Kini Wuppiige 1:28

Ne ti eyom paga it aap ti nen an yo'neremenggaarak kwe, an wone onggo yoraga'lek puk age, An kwaa'nabit namenggaarak kwe, kwaa'neega'lek aret wonogwe, Eerugun o.

Takariya 7:13

At Omaawi Lombok Menggerak Aliku ALA nen ari logonet, “It wiirage neenok, Ninaruk koneniyak nineebi o, mba'nuk mbo pereegwaarak me, it nen nggino yo'nugwi iinok, an naruk koneniyak neebi o, yinuk, mbo pereegirak o.

Yeremiya 14:12

It nen inambe mage negen logonet, Yeenggwa niret o, yinuk, nggino yo'nirimenggaarak kwe, inoone yogwe an naruk konengge, ndi, ndomba warogo nake kani kunggwi, gandum anggen yigirik niri wogwe, eeremenggaarak kwe, nale'nggen nen wagangge, eerigin lek o. Ata, wooluwak paga, mbi noogelo paga, kugilingga paga, ineebe lek eerogo piyaagin o.”

Ndawi 66:18

An maluk eeriyak ninikime koongge logonet, Nogoba Ala yo'netak en, at aruk konenenetak lek kwe,

1 Endagembogut 8:22

Yorage nagagerik, at Talomo nogo Aliku ALA ake warogo wogogo logowam ogobakkigirik me enaame taa'nogo mi'nari nage nagagerik, aakumi Iterali wonogwe abok aret inenggaanom paga eenggi mbogut paga nippege nagagerik,

Yetaya 58:7

It aap inambi abu wonogwe iinok, inambi magarogwe, It owunik nugwi iinok, iname wogoren piya unggwogwe, It inayum yirik lek inagabolo kin nugwi iinok, inayum yippiigwi, Aap it mendek iinok, ineebe kumaa'naga'lek wogonakwi, Eeko logorak nogo ti, Inambe mage negen logonet, eeko logorak koonogo pereegirak ti aret nogo lek a?

Ndawi 55:1

Ala wae. An tamban eeke, nggino yokkege, eeke yi, Karuk konengga'lek negen eeppunuk logorak mage o. Ata, karuk konengge,

Ayup 27:20

Niyo wu'nuk wage logonet aan lebeninake kwak, Inamineeri noorak mendek inoba ari wage, Oonikiya paga o wiya nen iri'ngga wonok nage kwak, It togop aret wogoren nage,

1 Endagembogut 8:54

At Talomo nogo Aliku ALA ake warogo kani kunggak enaame taati endobanggun yindumbege nagagerik, eenggi mbogut paga nippunuk, tamban eeke, Aliku ALA nggino yoge, eeke nogo abok aret yoge nagagerik, mi'na'nuk,

Matiyut 23:13

Wone ambinom yorage logonet, “Kit Ala wone liiru mbanak unde aap Pariti kinom kiniki laakot logonet, eeko monggotak yi, aakumi at mbogut paga mendek abu'me unggwogwe iyo, tu narogo wumbiigwi, kit unggwaga'lek logonet, it unggwi woroorak mbakwi nogo, tu non mbanogo piigwi, eeko monggotak me, kinabuwa o! (

Matiyut 6:7

It aap endekem konenggulik mendek nen, Ninoone nggorek yogwi paga aruk konenigin, mba'nuk, inoone nambi-namberak yogo mengga kwak, kit tamban eeko logonet togop eeko logogup o.

1 Timotiyut 2:8

Togop me, it aap yi awi ndi awi abok aret inanini mbakwi, wone wakwi, eeka'lek obeelom mban logonet, ineenggi nippunuk, tamban eeko logowak nduk, “Ao!” lombok inombake minggirak.

Yetaya 8:17

At apuri Yakup paga wiganak nen enete kogwe iyo, kumaappatinuk wonage Aliku ALA nogo an tokkage, Niniki at paga panggonak wonage, Eeke agarik o.

Ndawi 134:2

At awi wurik alik leenak menggim nen kineenggi nippugwi, Nippunuk, Aliku ALA tiyappugwi, Eeko logonip o.

Etara 9:5

Ari nage mbareegi, niniki wakkolagagirak nogo lek eerogo punuk, nayum nggorek inom, nayum neebe paga yirik inom, nibinogo pateegirak nogo kagak aret nendobanggun yindumbunuk, neenggi Aliku nogoba Ala titik ege logonet,

Yaya 9:31

It aap maluk eeko menggaarak inoone Ala aruk konenggeelik ti nineenu o. Aakumi Ala ayuk wuppunuk, at eeriyak mbake nogo eekwi iinok, inoone Ala aruk konengge menggerak.

Wundeegwaarak 9:29

Yorage mbareegi, it nen at yogwi, “O nggween yi, Aliku ALA mban unde menggerak keenu arenok nduk, o ngguurubu eeke nogo lek age, o mayu kumulinggen wangge nogo mbangge, eeruwak nduk, an o kota yime nen wundi nage logominggirik, neenggi titik eerogo Aliku ALA yori nagin kwe,

Ayup 35:13

At aret konenuwak o, yinuk, yogwe lek inoone we ugun, Ai ao, yogwe me, Ala aruk konengge, At Omaawi Lombok Menggerak nen liippiige, Eerigin lek abet aret mbake logot o.

Yetaya 4:4

At Aliku ALA nen komologwe o Tiyon mendek mili lenggenak wonogwe nogo koorogo piige, ndi, o Yerutalem aap inamiya wambemenggerak aberak logokwak, anini kani negen wunuk ari logonet, eeremenggaarak onggo ndak-ndak eeppiige, eerigin o.

Yetaya 45:15

Iterali inagap ndaka nogoba Ala wae. Kat Ala abet aret kumaa'na'nuk wonage menggendak o.

Yetaya 58:4

Inambe mage negen eeppunuk wonogwe ti eyom paga neebi-keebi yit nogo logomenggaarik, irip paga wone wakwi, Yawi pit nogwe, ineenggi kepulilin yogwe, Eeko menggaarak me, Yogondak inambe mage negen logonet eekwi yi kwak eekwi iinok, At tiyanak lombok menggim menggerak nogo nen ninoone aruk konengge agaarik o, yinuk, yugwaarik o.

Yetaya 64:7

Nit eekwi paga kat kenggaawak kumaappatinuk wonage, Nit maluk mban eerit nogwe paga nineebe lek eerogo patuwak nduk mbo pinanege, Eekendak me, Yeenggwa niret o, yinuk, kendage kunogo yokkugwi, Koone yo'nirage woppunuk eekwi, Eeka'lek aret ogoorik o.

Yeremiya 4:31

Kwe ambi aagaluk enegen paganak yagan wake logonet, kwa ari, Kwe ndugum aagaluk aa'nduk ndake logonet, ke'mbogonik ari, Eeko mengga kwak, O Tiyon Aagalukwe nogo iniki nggiluk ari, Eenggi ndek ari logonet, “Ninom wim mbanak nen nooriyak eekwi paga niniki ma'nage me, nabuwa o,” yinuk, ari, Eeke naruk konengge agarik o.

Yeremiya 11:11

it apit aret inagap ndakko'nok mbaganiyak meek aaninggin nggwok mendek inoba kwippiyaagin o. Kwippiige neenok, Ninagap ndaru o, yinuk, inoone nggwok paga yo'nirugun kwe, an nen it yo'nugwi ti, naruk konenigin lek aret o,” yinuk, Aliku ALA nen aret yegerak o.

Yetikiyen 11:6

it nen yi aap ndi aap ambik lombok o kota yi paga inoorogo piinet nagaarak tu paga ineebe inoorak yagabit eerak wonage o,” yinuk, yoroorak yo'nege kagagirak.

Yetikiyen 14:3

“Aakumi nen ndarak yi wae. It aap yi nen, Kugi eeko logowok o, yinuk, koonogo punuk eekwi, iniyogobit lik togon yigeebu wambuwok nduk ti mban inenggaawak paga punuk eerit nugwi, eeko logonet, yo'nugwi iinok, inoone an nonggop togon koneniyak? Lek aret me,

Yetikiyen 39:23

Ndi, it Iterali mendek nen an yorage nagagirak liirogon mugurok noolik, mbo punuk, maluk eeko mbareegwa, nenete kumaappatinuk logonet, inawim ineenggime piige mbareegi, ineebe ambik wooluwak paga inookwi, eegu ambik wogoren mbo piya nogwe, eeruwak nduk, eeppiyareegirak nogo, yi aakumi ndi aakumi ineenu arugun o.

Oteya 5:6

At Aliku ALA ninom lambunuwok o, yinuk, Inaanggumi tapi-ndomba wonok nake pi woramenggaarak kwe, an ninom lambungga'lek aret wonogwe, It inenggela'me nen mbo piinok mbaganggirak neegwi, Eerugun o.

Kini Wuppiige 6:17

Wogoppatit inigen mbogut paga nugwi, Pilit wone pugunit nugwi, Maluk eeka'lek iigak inooremenggaarak inamiya ineenggi paga wonogwe,