Yetaya 1:14 - Ala Wone Peenok Peebi Mbanak

¹⁴ Tut ngget penengge paga lakwi inom, Ndi eyom paga lako logorak, koonogo pugu inom, An mondok neebi lombok ee'nake, eeke me, Ti eekwi ti abok aret aaninggin lombok noba luurogo panugwi me, piyakkoorak anggon lombok ee'nake agaarik o.

Yetaya 1:14 ပူးပေါင်းရင်းမြစ်များ

1 Mbinineegwaarak 23:31

nogo 6 yippunuk, ko'lu tat yonggonggologwe paga, tut ngget penengge paga, laago lariyak age kenok, lako logorak yugu paga, Ala ake warogo kani kunggwi iinok, ndawi ti mendek mban tiyanggwi, eeko logowak nduk, unde eeppiyareegwaarak. It aap Lewi mendek ti, Aliku ALA enggaanom paga ineebe yogop nen eekwi, ndi, “Ndogop eeko logorak o,” yugu nogo ndak-ndak aret eekwi, eeko logowak nduk, unde eeppiyareegwaarak.

Yetaya 29:1

“Aap Ndawut wonagagim o kota Ariyen, Ariyen kabuwa! Tahun ambi eekak, ambi eekak, eeke kagak Laago ambo'me-ambo'me lakak eeko logogun kwe,

Yetaya 29:2

Kat kota Ariyen yi, an nen aaninggin mendek koba nappi woraminggirak paga, Ai-ao, ari, le ari, kendage Ariyen toonak ndak-ndak warogo wogogo menggam amiya labunik kwak age, Eerumunggun o.

Yetaya 43:24

It nen en weeri amburu nake inawu paga kunggwi, Niniki ndonggo yikit nduk, nake ndomba warogo kani kunggo logonet, amok ambik wo'nugwi, Eeka'lek aret kwe, It inomaluk paga niniki aaninggin lombok eerogo panugwi, Noone taganogo punuk, yi maluk ndi maluk eerit nugwi paga nomanggen tayenogo panugwi, Eeko agaarik o.

Yetaya 61:8

Aliku ALA nen ari logonet, “Aakumi tebenogo piinok inamendek waganggwi, maluk mban eerit nugwi, eekwi ti, An Naliku ALA nen neebi lombok mbake, Ndi, eekaatak a'me nggelok eeppiigo logorak ti, ninikilom mbake, Eeke minggirak me, It togop eekwi ti, onggo liirogon aret eeppiige logonet, Wone mondok-mondok eeko logorak ninom koonogo pigin o.

Yetaya 66:23

Aliku ALA nen, “Tut ngget ambi penenggak eeke, nogo 6 yippunuk, ko'lu yonggonggologwe nogo ari wagak eeke, eeke kagak, it aakumi abok aret nabu'me tebe yi wa'nuk, nayuk wuko logogun o.

Yetaya 7:13

Yoge mbareegi, Yetaya nen at yoge logonet, “Kit Ndawut paga wiganak yi, kinaruk liirogon konenggo logonip o. Aakumi iniki yungguppunuk, wonogwe inabut mbanggwi nogo kiname'lek kundugu kenok, nogoba Ala iniki yungguppunuk menggerak kunduk, abut mbaniyak mbako ogotik ya?

Oteya 2:11

Ti eeke logonet, iniki ale'nggen nen tahun ambi eekak paga lake inom, Tut ngget penengge paga lake inom, Nogo 6 yippunuk, ko'lu yonggonggologo logorak yugu paga eeke nogo inom, Ale'nggen nen laago nggwok lake logorak yugu abok aret an lek eerogo pigin o.

Oteya 5:7

It nen Naliku ALA liirogon mu'neren naga'lek logonet, Kwe elege terak ndarogo piinet nage menggi kwak, Iterali togop aret eerogo piinet nugwi me, An mbo paninuk alik mugurok nogwe nogo nen ineebe ambeme yonggorinake logonet, ineyabu yarak inom ambeme yonggoligin o, yinuk, yegerak me, yokkiragi o,” yoragagirak.

Amot 2:13

Togop me, nggweendo gandum anggen mbanak yebet ee'nuk nage me, aaninggin nen aan lebe eerogo pege menggi kwak, An togop aret eerogo piyaagin o.

Amot 5:21

“Nalut eeko logonet, inale'nggen nen laago lakwi ti, abu neebi lombok mbake, ogole warak lombok mbake, Eeke minggirak o. Nalut eeruwok nduk, kuwak eekwi ti kunduk, nale'nggen mbake mondok lek aret!

Takariya 11:8

Wogoren nege logonet, tut ambi owak eerogo punuk, ambi penenak paga it ndomba ndegeninaka ineebe kenagan nogo wumbiyareegirak. Wumbiige mbareegi, it ndomba nogo nen an pe'neyoorak ineebi nombakwi iige nagagirik, ambinom ndegeninaburak anggon ee'nake kenok,

Maleyaki 2:17

Kinoone agan nugwi paga at Aliku ALA koneniyak anggon eerogo pogotak kagak kit nen yogo logonet, “Ninoone nonggop yogwe paga at koneniyak anggon eerogo pogoorak?” yogwe ti paga an yokkira o. Kit nen yogo logonet, “It aakumi maluk eeko menggaarak ti, at Ala nen inooka'lek teppiige me, Op aret eekwi, mbake,” yogwe, ndi, “A'me nggelok eeke menggerak Ala nogo ngge o?” yinuk, yogwe, eekwi ti paga at Aliku ALA kinoone koneniyak anggon eerogo pogotak me nduk, yokkirage agaarik o.