Yetaya 1:1 - Ala Wone Peenok Peebi Mbanak

¹ Aap Utiya, Yotam, Akat, Kitikiya, it nen aakumi Yekura inoweewi inendagembogut ambi agak, ambi agak, eeko logonet, wone lengganogo yoragak eekwi iigak, o Yekura inom, kota Yerutalem inom, eeppuurak at Amot aput Yetaya abinggaanggo paga kage nagaatik, yorage nagagerak nogo yi aret.

Yetaya 1:1 ပူးပေါင်းရင်းမြစ်များ

2 Endagembogut 15:1

At Yerobeyam Iterali inowe endagembogut wonage kagak, tahun 26 eeppunuk, ambi age paga aap Amatiya aput Atariya ndarak tahun 16 paga Yekura inowe endagembogut a'nuk, o Yerutalem logonet, wone lengganogo yorage kagak, tahun 52 eereegerak. At agalo ti, kwe Yerutalem mendek endage Yekoliya aret.

2 Endagembogut 15:13

At Utiya nogo Yekura inowe endagembogut wonage kagak, tahun 38 eeppunuk, ambi age paga aap Yabeti aput Talum endagembogut a'nuk, o Tamariya logonet, wone lengganogo yorage kagak, tut ambit mban peneneegerak.

2 Endagembogut 15:32

At Eremaliya aput Peka nogo Iterali inowe endagembogut wonage kagak, tahun ambi eeppunuk, ambi age paga at Utiya aput Yotam nogo, Yekura inowe endagembogut agagerak.

2 Endagembogut 15:7

At Atariya nogo, ombomini kambunuk nogogwam inom yonggonggola nage mbareegi, ombomini kambeegwaarak Ndawut Agota piya unggwogogwam nogome inom tabonogo pi unggwogogwaarak. Pi unggwogo mbareegwa, obaane'me aput Yotam endagembogut agagerak.

2 Endagembogut 18:1

At Ela aput Koteya Iterali inowe endagembogut wonage kagak, tahun mbere eeppunuk, ambi age paga, at Akat aput Kitikiya nogo aakumi Yekura inowe endagembogut a'nuk, wone lengganogo yorage nagagerak.

2 Endagembogut 19:2

Unggwi nage nagagerik, aap endagembogut awi o nggwok abe wurik inarum waka inowe Eliyakim inom, o apit inake liiru mbangga Tebana inom, it aap Ala unde iniki warak inom, yum maluk nibinik mendek yirik at Amot aput Ala nen yoge kagak yoraga Yetaya wonage me nappiyareegerak.

2 Mbinineegwaarak 26:1

At Amatiya kangge mbareegi, kanggwi iinok piya unggwogo menggam pi unggwogo nogogwaarik, aap Utiya ndarak kagak, tahun 16 eereegerak nogo, it aakumi Yekura mendek nen at ogoba Amatiya obaane'me inowe endagembogut mippereegwaarak.

2 Mbinineegwaarak 26:22

Aap Utiya nogo endagembogut a'nuk, wone lengganogo yorage logonet, aa'nduk nen nok, age yobok kuli eeke nagagerak ando abok ti, aap Amot aput Ala nen yoge kagak yoraga Yetaya nen liiru mbanogo pereegerak.

2 Mbinineegwaarak 27:1

At Yotam nogo ndarak kagak, tahun 25 age paga endagembogut a'nuk, o Yerutalem logonet, wone lengganogo yorage kagak, tahun 16 eereegerak. At agalo ti, aap Tarok apuluk kwe endage Yeruta aret.

2 Mbinineegwaarak 28:1

At Akat nogo ndarak kagak tahun 20 age paga endagembogut a'nuk, o Yerutalem logonet, wone lengganogo yorage kagak, tahun 16 eereegerak. Aliku ALA enegen kagak, ombo Ndawut obeelom eeke nagagi kwak, at obeelom togop eeke logolik.

2 Mbinineegwaarak 29:33

Ndi, warogo wogoriyak nggomoorak wogoren wogogwaarak nogo ti, tapi ngguunok enam ratus. Ndi, kambin-ndomba tiga ribu aret.

Ndawi 89:19

Ne ambi paga kat Ala nen It aap inabinggaanggo paga yorage, It kat koone liirogon yoraga nogo yorage, Eeke logonet, Yoragagindak nogo yi o. “Aap wim eeka wakaa'ngget ambi omaawi eeppege, Aakumi inenggela'me nen aap tawe ambi endage tiyanak logowak nduk miirogo pege,

Yetaya 13:1

It o Mbaben mendek eeppiyoorak Ala nen Amot aput Yetaya abinggaanggo paga yoreegerak nogo yi aret.

Yetaya 2:1

O Yekura inom, kota Yerutalem inom, eeppuurak Amot aput Yetaya abinggaanggo paga kagagerak nogo yi aret.

Yetaya 20:2

tahun ti paga, aap Amot aput Yetaya nen aakumi yorage logowak nduk, Aliku ALA nen at yoge logonet, “Kayum maluk mendek keebe paga yirik ti inom, kiyok ogut inom, nggoorogo pu o.” Yoge mbareegi, at yoreegerak nogo ndak-ndak aret ayum inom, iyogogut inom, nggoorogo punuk, we aret nege nagagerak.

Yetaya 21:2

Nagabiti mbariyak mendek nabinggaanggo paga yo'negerak yi aret o. Nggaganagalo nen kurumbi wonok nage, Kugun wagangga nen kugun wonok nage, Eeke kagarak o. Aliku ALA nen, “Kit wim nambuka Elam mendek yi wae! Wim eeri unggwogwe, Kit kineegin warak Marayi mendek yi wae! Inawi paga kwi'nari unggwogwe, Ee'nip o! It Mbaben mendek nen aakumi tebenogo piigwi iinok, inoone, Ai-ao, yogwe nogo, An lek eerogo pigin o,” yinuk, yorage kagarak o.

Yetaya 37:2

Unggwi nage nagagerik, aap endagembogut awi o nggwok abe wurik arum waka inowe Eliyakim inom, o apit inake liiru mbangga Tebana inom, it aap Ala unde iniki warak inom, yum nibinik maluk mendek yirik at Amot aput Ala nen yoge kagak yoraga Yetaya wonage me nappiyareegerak.

Yetaya 38:1

Ne ti eyom paga at aap Kitikiya nogo andi eereegerak abu kambuurak eeke mbareegi, at Amot aput Ala nen yoge kagak yoraga Yetaya nogo, pekka wage nagagerik, yoge, “At Aliku ALA nen ari logonet, At obeelom arigin lek kambigin aret, yegerak me, kawoneninu kaaganapuri yorage logot o.”

Yetaya 40:9

Wone obeelom wone wonok nega kit Tiyon mendek yi wae. Puut nggorek paga lagi nogwe, Wone obeelom wone wonok nega kit Yerutalem mendek yi wae. Kinoone mondok omaawi yorogwe, Kinagabiti mbaka'lek kuum-keek yorogwe, “Kinogoba Ala ti kaanip o,” yinuk, it kota-kota Yekura wonogwe nogo yorogwe, Eeko logonip o.

Yetaya 6:1

Aap endagembogut Utiya kambeegerak tahun ti paga at Ala abu tiyanak, “Wi,” ugwi iigak, wone lengganogo yorage menggim kwi'ndak wonage me, ayum nggorek irip nik aago nogo at awi wurik paga ndak warak wonage, eeke kagarak o.

Yetaya 7:1

Aap Utiya ombooluk Yotam aput endage Akat nogo, o Yekura inowe endagembogut wonage kagak, aakumi o Aram mendek inowe endagembogut Eretin inom, Iterali inowe endagembogut aap Eremaliya aput Peka inom, nen o Yerutalem tebenggolaawok nduk wogo nogogwaarik, wakkogogwaarak mendek, meek aret agagerak.

Yeremiya 23:16

At Omaawi Lombok Menggerak Aliku ALA nen yegerak nogo yi aret. “An yorage neegak yoraga negen nogo nen ambi eeppiyoorak lek mendek iniki lunik logowak nduk, yorogwe, Naliku ALA nen yoraga'lek neegak inalik iniki koombunuk, Nabinggaanggo ndogop kagarak o, yinuk, yorogwe,

Yetikiyen 1:1

Tahun 29 eeppunuk, ambi eerak tut 3 penembunuk, ambi penenak tanggal 5 tut ti paga an aakumi mbo piya nagagerak ninom niyo Kebat aa'nggi paga wonogwe me, nabinggaanggo paga mbogut tu paarak kagak Ala nonggop aago wonage nogo nenegen kagagirak.

Oteya 1:1

It aap Utiya inom, Yotam inom, Akat inom, Kitikiya inom, nen it aakumi Yekura mendek inoweewi inendagembogut a'nuk, wone lengganogo yoragak eekwi, ndi, at Yowat aput Yerobeyam nogo Iterali inowe endagembogut a'nuk wone lengganogo yorage, eekwi iigak, at Aliku ALA nen aap Mbeeri aput Oteya wone yoreegerak nogo yi aret.

Amot 1:1

O mi awo waga'lek kagak tahun mbere eeppunuk, ambi awo eeke paga at aap Utiya aakumi Yekura mendek inowe endagembogut a'nuk wone lengganogo yorage, ndi, at aap Yowat aput Yerobeyam nogo, aakumi Iterali mendek inowe endagembogut a'nuk wone lengganogo yorage, eekwi iigak, aap ndomba ndegeninaka o Tekowa mendek ambi endage Amot nogo nen it Iterali mendek eeppiyoorak abi paga kage nagagerik, yoragagerak nogo yi aret o.

Amot 4:5

Wa! yo'nogo logonet, oroti piike menggerak mendek inom punuk, worarak nogo nake kani kunggwi, Inale'nggen nen, We wogori, yinuk, wo'nogo nagaatik, iniki tiyappatit nugu logonet, agan nugwi, Eekwi ti aret eerit nogo logowak o. Ti eerit nogo menggaarak nogo ti, it Iterali inikilom mbakwi nogo aret me, inobaalombok eerit nogo logowak o,” yinuk, at Aliku Itok Menggerak ALA nen aret yegerak me, yokkiragi o.

Mika 1:1

Aap Yotam kunduk, Akat kunduk, Kitikiya kunduk, it Yekura mendek inoweewi inendagembogut a'nuk, wone lengganogo yoragak eekwi iigak, o Tamariya inom, kota Yerutalem inom, eeppuurak nogo, Aliku ALA nen aap o Mereyet mendek Mika nogo, abi paga yoge nagagerak nogo yi aret.

Nakum 1:1

At Ala nen o Niniwe eeppiyoorak aap Nakum awi Elokoti mendek abinggaanggo paga yoreegerak mbuku mbanak nogo yi aret.

Abakuk 2:2

Ari mbareegi, at Aliku ALA nen an onggo yo'nege logonet, “At liiru mbanak lunemenggerak nogo nen aakumi yoranet nage logowak nduk, kat kabinggaanggo kagandak nogo liiru mbanogo pege, Aakumi nen malenggo logowak nduk, yugum tabak paga kin paga ayo waganogo pege, Eeru o.

Linggineegwaarak 12:6

at Aliku ALA nen it yorage logonet, “An wone yokkirage yi, kinaruk logonip o. Aap ambi Naliku ALA noone yoge neegak yorage menggerak kinenggela'me wonage nogo, An nen abinggaanggo paga neebe nikkage, abi paga yoge, Eeke minggirak o.

Linggineegwaarak 24:16

At Ala nen yo'nege kenok naruk konengga, At Mondok Tiyanak Menggerak nen yo'nege kenok neenu aga, At Omaawi Lombok Menggerak nen nabinggaanggo paga yo'nege kenok yoraga, Neebe nggween paga ngginnage logonet, kin aret kaga, Eeke minggirak an Mbeyot aput Mbileyam nogo nen Peebi eeriyak wone ambi ari agarik o.

Matiyut 17:9

Puurom paga nen wambi wogo logonet, Yetut nen, “An aap aret nda'nagagirak yi, kambunuk nogo menggam nen awo mippanega'lek kagak, eeke kinigen neegotak nogo aakumi abu yoraagup o,” yinuk, inaruk wareegerak.

Nappiigak 10:17

At Peterut nogo, “Nabinggaanggo kagarak yi, eebe nonggop togon kagi?” yinuk, awo koongge wonage me, it Koreneliyut nappiya wagagerak nogo, “Timon awi ngge o?” yinuk, kin wogiinet tungga'nggi paga ari wogo nogogwaarik, inoone nggwok paga yogo logonet,

Nappiigak 26:19

Yorage nagagerik, ambinom yorage logonet, “Nogoba Agiripa o. Mbogut paga nen an nabinggaanggo paga yo'nege kagagirak nogo, an eeka'lek minggirak ti lek o.

2 Korindut 12:1

An ee'nabeegerak iya mba-reegirak ambi yokkiraakit mbake yi, kit ambi eeppinagarak nduk, yokkirage lek kwe, Ala nen nabinggaanggo paga yo'nereegerak inom, ndi, wone kumaarak wonagagerak nogo paganogo yo'nereegerak inom, mbininogo yokkirage logi o.

2 Peterut 1:21

it aap aa'nduk Ala wone yorogo nogogwaarak nogo nen iniki koombunuk yorogo logolik o. Ata, Aberiniki inikime lik yi unggwage mbareegi, Ala nen yorage kagak yorogo nogogwaarak nogo kineenu arubagip nduk yokkiragi o.