Yeremiya 9:6 - Ala Wone Peenok Peebi Mbanak

⁶ Inoone pilit mban kilirogo pit nogo menggaarak inenggela'me menggendak o. It aap ti, Ala ninogoba aret o, yinuk, yuurak ineebi mbako menggaarak o,” yinuk, an yo'negerak o.

Yeremiya 9:6 ပူးပေါင်းရင်းမြစ်များ

Kini Wuppiige 1:24

An nen wiigiragarak kwe, Ninaruk koneniyak nineebi o, yinuk, yogwe, Yeenggwa kiraakit nduk, neenggi ndek yagarak kwe, kit nen an liippanulik, mbo panugwi,

Kini Wuppiige 1:29

It nogo nen yi wone ndi wone ineenu ariyak nogo ineebi mbakwi, Aliku ALA ayuk wuriyak uugwe mbaka'lek wonogwe,

Yetaya 1:25

An nen at Yerutalem ena koonogo pege logonet, Ambuti perak yi'mbaani kunik nogo koorogo pege, Mili lenggenak wonage nogo mbeenogo nappege, Eeke logominggirik,

Yetaya 1:3

Tapi nen, Ninogoba yi aret kogo, yinuk, liippugwi, Ndi, keledai kunduk, inogoba nen inambi pipuk eerogo piige menggim ineenu wonogwe, Eeko menggaarak kwe, It an napuri Iterali perak, inogoba an liippanega'lek kobak aret wonogo agaarik o,” Yinuk, yegerak o.

Yetaya 4:4

At Aliku ALA nen komologwe o Tiyon mendek mili lenggenak wonogwe nogo koorogo piige, ndi, o Yerutalem aap inamiya wambemenggerak aberak logokwak, anini kani negen wunuk ari logonet, eeremenggaarak onggo ndak-ndak eeppiige, eerigin o.

Yeremiya 11:10

An yorage nagagirak nogo inombomini nen, Eeriyak, nineebi o, yinuk, mbo punuk, maluk eerit nugu nogogwaarak nogo aret mugurok nogwe, an wonage neegak kwe, kugi mugurok nogo logonet, ayuk wukwi, eeko agaarik o. It Iterali paga wiganak inom, it Yekura paga wiganak inom, nen wone eeko logorak inombomini ninom koonogo pereegirak nogo piinogo mbo pereegwaarak me,

Yeremiya 13:10

It aakumi inobaabut maluk logonet, noone konembunuk, eeriyak ineebi mbakwi, inogogumbuk logonet, it eeriyak mbakwi mban mugurok nogwe, an wonage neegak, kugi mugurok nogo logonet, ayuk wukwi, alut eekwi, eeko menggaarak nogo ti, kobee'le nibik yegerak ambi eeriyak meek ti pogom aret wonogwe me,

Yeremiya 18:18

Yorage mbareegi, it aap ineebi nombakwi nen yogo logonet, “It aap Ala unde nen eeko logorak wone mamunnirogwe nogo lek age, it aap iniki warak nen ninaruk wakwi nogo lek age, ndi, Ala nen yorage kagak yoraga nen nit yo'nirogwe nogo lek age, eerigin lek me, aap Yeremiya ari menggerak ti, lek eerogo puurak koonuwok nduk, woraanip o. At wone yo'nirage nogo aret abut laganogo at yogwi, ndi, at, Yogop eeriyak, ndogop eeriyak, yo'nirage liippega'lek mbo pugwi, eekwi paga oone lek arigin me, eeruwok aret o,” yinuk, yereegwaarak me,

Yeremiya 20:10

It aakumi apit aret nen, Inamineeri ne agan noorak mendek yi o ndi o ndak warit nege o. At eekerak yora nawi, yora nawi, yinuk, Inoone mumun paga yogwe naruk konengge agarik o. Noreewi kunduk nen an ambi eeriminggirak paga yilunnabuwok nduk, to'neego logonet, Ambokan laganemenggaarak paga yigeebu wangge kagak Nit tebenogo punuk, oone omaawi paga yo'nirage nagaarak nogo onggo eeppuwok o, yinuk, yogo agaarik o.

Yeremiya 5:27

Towe ineenik inawina yagabit eerogo mambiinok tu keele maarogo piigo mengga kwak, It iname logonet, aakumi wi-wi eerogo piyoorak mban koombunuk, inamendek waganogo iname yagabit eerogo patit unggwogwe, Ineenggi warak eekkologwe, inendage tiyappakwi,

Yeremiya 8:5

Eeko menggaarak kagak, it aakumi yi, nonggop nduk tu nomo agan mban nogwe, It Yerutalem wonogwe nogo nonggop nduk nomoninuk nogwe, Eeko agaarik mbakop? Aakumi inambokan lagangga kagak mugurok nogo logonet, iniyokan woroorak ineebi mbako menggaarak.

Oteya 11:8

It togop eekwi iigak kwe, an nonggop togon it Eparayim ti teppiige, It Iterali ti, nenegen aanggot iinok, nonggoti mbo piige, Eeriyak mbakop? It aakumi Arama mbo piyareegi kwak, it Eparayim mbo piige, It Teboyim eeppiyareegi kwak it Iterali eeppiige, Eeriyak ti nonggoti o? Niniki nenaame ari wage logonet, inabuwa lombok mbake me,

Oteya 4:6

Ndi, it an napuri kunduk, neebe liippanega'lek me, ineebe lek aret arugun o. It neebe unde nen an liippaniyak wone nogo, it yoraga'lek mbo pereegwaarak paga an nen it mbo piige, Eeko logorak wone an inogoba Ala nen yoragagirak nogo, Mari eerogo pereegwaarak paga an nen it inapuri liippiyaagin lek mbo piige, Eerigin o.

Takariya 13:9

It mbere inooke logonet, ambi teppigin nogo ti, mbuti perak at mendek mban aruwak nduk, kani paga worako mengga kwak, Mbuti emas etenggen yelok kaawak nduk, kani paga worako mengga kwak, It togop aret eerogo piyaagin o. Ti eeke neenok, it nen an nendage kunogo nggino yo'nugwi iinok, naruk konembunuk, yorage logogin o. It an napuri aret o, ari neenok, it nen kunduk, Aliku ALA ti, ninogoba aret o, yinuk, yogo logogun,” yegerak o.

Oroma 1:28

Ndi, it nen, “Ala ti abet aret wonage, yuurak kwe, ambi eeppinaniyak lek me,” mbako nogogwaarak paga, iniki lek negen a'nuk, eeriyak lek mendek kagak, eeko logowak nduk, Ala nen pulunogo mbo piyareegerak.

1 Korindut 15:34

It ando kinenggela'me Ala wone ineenggo'lek iigak, kit maluk eekwi me, maluk eeko monggotak nogo mbo punuk, kiniki warak a'nip o. Wone yokkirage yi, kit kinenggali arubagip nduk, yokkiragi o.

1 Tamuwen 2:12

At Eli apuri nen Aliku ALA inagabiti mbaka'lek inobaabut abu maluk lombok aret wonogogwaarak.