Yeremiya 9:5 - Ala Wone Peenok Peebi Mbanak

⁵ At oreeluk ambi nen oreeluk ambi ambokan lagangge, Aap ambi nen abet ariilik pilit mban ari, Eeko menggaarak. Inoone pilit agan nugu logorak mendek abu mamunggologogwaarak me, ti mendek mban agan nugwi, Maluk mban eerit nugu logonet, inomaawi lek eerogo pakwi, Eeko menggaarak.

Yeremiya 9:5 ပူးပေါင်းရင်းမြစ်များ

Wakkagagerak 19:11

Tu nggelok togon nappogo nogogwaarik, it aap endekem oonggu'me wonogwe nogo aap tawe inom, aap inanggok inom, abok tigitogon inigen mbuk eerogo piigo mbareegwa, tungga nogo inigen abu kaga'lek aret wonogogwaarak.

Ayup 11:3

Kat wone ugun-ugun agan nage paga Aakumi inoone lek eerogo piyaamunggun mbaken? Aap miyuk-meya eerogo piinet nage keenok, It ambi nen kat kenggali wappagarak lek mbaken?

Ayup 15:5

Komaluk nen kiniki nggagangge kagak koone ari, Inoone amburu ndik-ndik agan nugwi kwak agan nege, Eeke agandik.

Ndawi 140:3

Waalo aakumi inooka kwak logonet, Inamili irip paga wone agan nugwi, Waalo muuru eyak inooketak kanggo mengga kwak, wone agan nugwi, Eeko menggaarak.

Ndawi 50:19

Kit kinambe arum waka'lek Wone maluk mendek mban agan nugwi, Kinamili nggeroppega'lek pilit wone agan nugwi,

Ndawi 52:3

Obeelom eeriyak mendek mbo punuk, Maluk eeriyak mendek mban kiniki kunik eekko'net nege, Wone abet mban yukwak pilit wone mban yuurak kiniki kundugu logonet agan nege,

Ndawi 64:3

Inamili ti, wooluwak engget nggabunogo pugwi kwak me, It inoone paga nen nooruwak nduk koonogo pugwi, Maale irip paga wi perenak mba'mbak irogo mengga kwak, Inoone andiigwi paga nooruwak nduk li'luk eekwi,

Ndawi 7:14

It maluk eeriyak koonggo nagaatik, pilit mban pugunit nugu menggaarak nogo ti, Kwe ambi elege logongge nagaatik, abila a'nuk yagan warogo ndake menggi kwak aret o.

Kini Wuppiige 12:5

Aap iniki abe koonak nen a'me nggelok mban eeppiinet nawok nduk, wone koonogo pogo menggaarak kwe, It aap maluk mendek perak, aakumi inambokan laganiyak koonogo punuk, eeppiinet nogo menggaarak.

Yetaya 5:18

Iri'ngga keele pugumbunuk nikkenok nogo mengga kwak, it aap pilit agan nugwi paga maluk wiganogo pit wundi nogwe, Ndi, nggweendoongga keele pugumbunuk, nikkenok nogo mengga kwak, maluk nikkenok unggwi wogwe, Eekwi ti, Mondok inabuwa o!

Yetaya 57:10

It inagugi kwaarit o nda nugu logonet, ta'liila eeginake kenok, Yi we aanom warogo eerit nogo ogoorik o, yinuk, yuurak kwe, togop yaga'lek Iniki aganggen eeginake ti'nen wogoren nage me, inomaawi lek aga'lek kagak kwaarit nogo agaarik o.

Yeremiya 12:13

Naliku ALA nanini kani kunik negen inoba piige me, It an napuri nen gandum awi yumbunogo pegaarak kwe, anggen abe yege lek iri'ngga alok-palok mban lagangge, It yabu ta'liila eekaarak kwe, anggen maluk mban yege, Eeke paga Inenggali mbakak nugu agaarik o,” yinuk, yegerak o.

Yeremiya 12:6

Koreewi inom, kowe-kawot lombok inom, nen maluk eeppagarak koonggo logonet kwe, inoone yanggok-yanggok yokkugwi, Pikkabuwok nduk yonggo piinok, inoone yina-yina yokkugwi, Eekwi me, Inoone amburu ndik-ndik yokkugwi iinok, Yi abet aret yo'nogo agaarik o, yinuk, koneniyak mage,” yegerak o.

Yeremiya 13:23

It aap Kuti mendek inagabolo mili nogo inagabolo laambu ariyak op mbaken? Ndi, mba'ngge eeruwak tikkarok aago nogo alik eekkoloorak op mbaken? Nogo ndak-ndak kat maluk kunik mban eeke menggendak nogo obeelom eeriyak ti meek aret keegi o.

Yeremiya 4:22

At Aliku ALA nen ari logonet, “An napuri ti, wi negen aret wonogwe, it an liippanega'lek wonogwe, Elege iniki lek pogom wonogwe, op ariyak maluk ariyak ineenggo'lek kobak aret wonogwe, Obeelom eeriyak mendek kobak logonet kwe, maluk eeriyak kenok perak, Iniki penenak logonet, aganggen kerek togon eerit nugwi, Eeko menggaarak,” yegerak o.

Yeremiya 51:58

At Omaawi Lombok Menggerak Aliku ALA nen yegerak nogo yi aret. “O Mbaben yugum pak wurik ambe wiganak nogo yigirogo kobak-kobak eerogo pugwi, Tungga pak tiyarogon mbanak nogo kani nawak nen paarogo pugwi, Eerugun me, It aakumi inanebunu lombok nen inomaawi lik-lek eereegwaarak ti, aanom warogo aret eekwi, Ndi, yi aakumi ndi aakumi yabu ta'liila eereegwaarak ti, kani noorak ake aret eerogo pugwi, Eereegwaarak kaagun o,” Yinuk, yegerak o.

Yeremiya 51:64

Mambunuk yorage logonet, Aliku ALA nen, O Mbaben yi, aaninggin nggwok lombok oba piminggirak paga yugum yobok togon wanggerak ti kwak eerogo pigin me, pilak yigin lek endage lek aret logogin, yegerak, yoraamunggun o,” yinuk, yoreegerak. At Yeremiya nen wone yorage nagagerak irip paga ti aret.

Yeremiya 7:28

kat nen it yorage logonet, It aakumi inogoba Naliku ALA noone konembunuk eekwi, iniki koonnaruwak nduk eeppiige nogo waganggwi, eeka'lek mbo pogo menggaarak it aret o. Iniki koonak logonet, liirogon eerit nugwi nogo lek agaarak me, inoone inambe paga yuurak kunduk meek aret aga o.

Yeremiya 9:3

Aliku ALA nen ari logonet, “It aakumi ti, inamili yigin agale wurik paga maale lumbunuk tekkoorak kwak logonet, Pilit pugunogo nappit noorak mban koonogo pugwi, It wone abet aret agan nugwi nogo o yime wiganogo pugwi lek pilit wone mban wiganogo pugwi, Ala ti, ninogoba aret o, yinuk, yaga'lek maluk ambi eekak mban eerit nugwi, Eeko menggaarak o,” yinuk, yegerak o.

Yeremiya 9:8

It inamili ti, wim komenggabili kwak wonage me, pilit mban agan nugu menggaarak. Inambe paga nen, Nimbirak niniki ambit o, agan nugu menggaarak kwe, inikime perak, Pagi wariyak ta'na pugu kwak, inoreewi maluk eeppiyoorak koonogo pogo menggaarak.

Yetikiyen 24:12

Mili-mili lengge aago wonage ti, lek aruwak nduk, an nen ta'liila eekak mban ari logonet, kani kunggitak kwe, Mili ti, lengge eerogo pit wundi wagaarak me, lek aga'lek kundugu aret wonage o,” yinuk, yegerak o.

Mika 6:12

It aap ineenggi warak o kota kat paga wonogwe nogo inoone omaawi paga aakumi tebenogo piinok, inageerok waganggwi, Aakumi kat paga menggaarak nen pilit mban agan nugwi, Aakumi inambokan laganggo logonet, inoone pilit mban pugunit nugwi, Eeko menggaarak me,

Mika 6:3

Napuri o. An nen kit nano eeppinagareegirak o? An ngge eeppinagareegirak paga an ari koneniyak anggon eekkinake? Wone onggo mbet yo'ninip nda!

Abakuk 2:13

Yi aakumi ndi aakumi nggwiirit-nggwaarit eekwi nogo ti, kani noorak ake eekwi, Aakumi inanebunu lombok ambi koloorak lek we aanom warogo kagak, anggon-panggon eekwi, Eeko logowak nduk, Nomaawi Lombok Minggirak Naliku an ALA nen kooneegirak paga eekwi nogo lek a?

Maleyaki 2:10

Nit abok aret ninogoba ambit aret nogo lek a? Ninogoba Ala ambit nen nineebe ogobakkigi'ninabeegerak nogo lek a? Ti aret kagak, nit-nit wone koonogo pogo monggoorak nogo ndak-ndak eeka'lek ti paga ninombomini eeko logorak Aliku ALA inom abuk nggaruk togon koonogo pereegwaarak nogo aret lale-pale eerogo pugwi ti, nonggop nduk eeko ogoorik?

Epetut 4:25

Togop me noreewi o. Keritut ninom kunik eenggi-iyok kokwak nit aret me, kit-kit aret pilit pugunggo monggotak nogo mbo punuk, kit abok aret wone abet kenok mban yogo logonip o.

1 Timotiyut 4:2

It aap wone ti mendek agan nugwi nogo ti, aakumi inambokan laganuwok nduk, pilit pugunogo yorogo menggaarak aret. Ninagabolo togum agaatak me, kani nengge kagak andi lek menggi kwak, it aap ti, inikime togop aret me, wone yoragaatak kwe, konengga'lek inogogumbuk aret menggaarak o.

Owak Loongga 2:10

Nggween taanogo pogo nogogwaarik, it aap Yotuwa inom ndak-ndak ambugwi tawe ogogwaarak ndarak kero, abok aret inombomini nogogwam nggwogoba wonogwe me nogwe iigak, inobaane'me nda'nogogwaarak nogo, Aliku ALA inom, ndi, Aliku ALA nen Iterali eeppiige nagagerak nogo inom, ineenggo'lek aret wonogogwaarak.