Yeremiya 9:23 - Ala Wone Peenok Peebi Mbanak

²³ Aliku ALA nen yegerak yi aret. “Aap iniki warak ambi nen, Niniki warak me, an iya o, mba'nuk, tiyappake, Aap omaawi ambik ambi nen, Nomaawi ambik me, an iya o, mba'nuk, tiyappake, Ndi, aap eenggi warak ambi nen, An neenggi warak me, an iya o, yinuk, tiyappake, Eerugwaarik o.

Yeremiya 9:23 ပူးပေါင်းရင်းမြစ်များ

Ayup 32:13

Ndi, yogondak kit nen yogo logonet, Aap iniki warak lombok kwaakkogoorak me, Aap nen at ari nogo tebenogo puurak meek o. Ata, Ala nen mban tebenogo puwak o, Yinuk, yuurak mage o.

Ayup 41:15

It inamborowak paga inarin yarak kwak angge'ngget ndo aago wonogwe, Ta'mban-mban penggaarak wonogwe, Eeko menggaarak.

Ndawi 33:5

It aap abe mban eekwi, wone yugu li'lak eekwi, Eeko menggaarak nogo ti, Aliku ALA nen inikilom mbake menggerak me, At iniki kunik eeginabit nage menggerak nogo ti, O nggween paga yime abok aret Mondok ndak warak wonage o.

Ndawi 34:3

“Aliku ALA iya!” yinuk, ninom alut eekwi, Kit an ninom at endage tiyappugwi, Eeko logowok o.

Ndawi 44:9

Togop aret kwe, Kat nen nit mbo pinanege, Ninenggali aruwak nduk eeppinanege, Nawuri wim eeka ninom wundi nogwe niigak, Kat ambinom ninom naga'lek puk age, Eeke agandik o.

Ndawi 62:10

Aakumi inamendek nomonogo kologwe paga Kiniki panggonak wonogwe, Inamendek ndinggologwe paga kiniki wogoppakwi, Eeko logorak mage o. Kinamendek ambik age kenok, Kiniki ti paga panggonak logorak mage o.

Kini Wuppiige 11:4

Inowak looniyak eyom ari wage kenok, “Ninamendek we aanom warogo porogo wonogoorak,” mbarugun kwe, Obeelom eerit nogwe iinok perak, kambunuk nogo menggam nogwe iyo, inili eerogo piyaagin o.

Kini Wuppiige 21:30

“Aliku ALA tebenogo puwok o,” yinuk, aap iniki warak nogo nen at yogwi, Aap yelok kaga nen, Wone ndogop yogwi niinok, “E o,” yuurak yelok kagarak me yogwi, Aap wone koongga nen iniki liirogon koombunuk yogwi, Eeremenggaarak kwe, meek aret kaagun o.

Kini Wuppiige 3:5

Yi wone ndi wone keenu agagindak paga kiniki panggombunuk logorak mage o. Ata, kiniki ambit eeppunuk, at Aliku ALA oba panggombunuk logot o.

Wone Alom Kibingga 2:19

Aap nobaane'me arigin ti, iniki warak ilik, iniki lek wi a, neenggo'lek kwe kagak, oonegen abu'me logonet ligak wuundamo eereegirak inom, niniki warak logonet eerit nage nagagirak inom, abok aret at nen aret unde arigin me, ti kunduk, we aanom warogo mban aret eeriyak kagagirak.

Wone Alom Kibingga 9:11

Oonegen abu'me yime ambi eeke kagagirak nogo yi o. Inogowa ambik kenok inaa'nduk unggwi nogwe, Aap wakaa'ngget kenok, ineegin tiyak ari, Iniki warak kenok, inambi nunggwi, Iniki ngget kenok, ineenggi warak eekkologwe, Ndi, ineenu kenok, obeelom eeppiigwi, Eekulik o. Ata, ti eeriyak abok aret, “Ti eyom paga ariyak,” agaatak me, age menggerak.

Yetaya 10:8

An nawuri ineegin warak inoweewi abok ti, inendagembogut mban wonogwe nogo lek a?

Yetaya 20:5

It aakumi o Kuti iniki panggombunuk wonogwe nogo inom, O Metit ti iya o, yinuk, wogoppiigwi nogo inom, nen iniki ma'nogwe, inenggali ogwe, eerugun o.

Yetaya 47:10

An maluk eerit nage yi paga ambi eeppanega'lek op aret wonage mbake, It ambi nen inigen neega'lek aret, ari, Eeke menggendak o. Niniki warak wonage, yi wone ndi wone neenu wonage, Eeke ti paga tu maluk me pagi nage kagak kwe, an kwak ambi lek an iya aret o, yinuk, ari menggendak.

Yetaya 5:21

It aap nen, “Nit abu niniki warak aret,” yogwe, “Nit yi wone ndi wone abu nineenu aret,” yogwe, Eekwi ti, Mondok inabuwa o!

Yeremiya 31:34

It inendage abu tiyanak inom, inendage abu teberak inom, abok aret neebe ineenu arugun me, Aap ambi at imbirak menggerak nen, Aliku ALA ndogop o, yinuk, mamunege, Aap ambi oreeluk yoge logonet, Aliku ALA eebe keenu aru o, yinuk, yoge, Eerugun lek aret o. It inobaabut maluk lombok logonet eekwi nogo, an nen lek eerogo pege, Ndi, inomaluk eekwi nogo an nen aberak logogin lek nami eerogo pege, Eerigin o,” yinuk, Aliku ALA nen aret yegerak.

Yeremiya 48:14

“It nen yogo logonet, Nit aap wakaa'ngget wim iyagalo mban aret me, wim namburiyak ti ninobam o, Yinuk, yogwe ti, nonggop togon yogo agaarik o?

Yeremiya 48:7

Inayugum pak wurik paga, Inamendek ambik kuwak aago wonage paga, Iniki panggombugwi kwe, it togon tebenogo piigwi, Kugi Kamot kugun wonok nogo logonet, It aap kugi Kamot unde inom, ake eeka inom, wogoren mbo piya nogwe, Eerugun o.

Yeremiya 49:4

O Araba aagalogwe wone yugu liirogon eeka'lek wogoppakwi ti, Inanggween kobappaga abu mili lombok wonage nogo paga nonggop nduk, iniki tiyappako agaarik o? Yi mendek ndi mendek ambik wonage paga panggombunuk yogo logonet, Aap ta nen nineebe ninoorigin? Meek aret o, yinuk, yogwe me,

Yetikiyen 29:9

Lek eerogo piigwi iinok, o Metit ti, yi oone lek ndi oone lek karume aret arigin o. Ti age kenok, Naliku ALA an aret ineenu arugun o. At nogo nen ari logonet, Niyo Nin nage logorak ti, an nen aret eerogo pereegirak me, niyo ti, an namendek aret o, yinuk, yereegerak ti paga

Yetikiyen 7:19

It inawu mbuti perak nogo, tu paga mbo pit nogwe, Ninambuti emas ti abe lek maluk aret o, yinuk, yogwe, eeko logogun o. Naliku ALA nanini inoba piyoorak eyom paga inambuti perak inom, emas inom, nen it inagap ndaganake, ti paga it ndonggoppiige, ti paga nen inaanoma'le age, eerigin lek kagak we, Niniyogobit lik togon maluk eekkolaawok nduk mban porogo wonogoorak kogo o, yinuk, yogo logogun.

Ndaniyen 3:15

Yogondak oone pu eeka trompet nogo oone pu ari kagak, nggawiiwak oone inom, nggitat nggwok oone inom, nggitat mbuuluk oone inom, lobale oone inom, ti mendek oone abok aret ari kinaruk konenggwi kenok, ogut eerak abu'me tebe yinuk, ayuk wukwi kiinok ti, abu op aret o. Ndi, abu'me tebe yinuk, ayuk wuka'lek kiinok perak, ne ti paga aret kineebe waganogo kani omoonuk wunuk ari me mbo mambinagagin o. Mambinagage neenok, kugi ngge nen kinagap ndarigin? Lek aret o!”

Ndaniyen 4:37

At mbogut paga time endagembogut menggerak nogo, eeke menggerak abok aret abe mban eeke, at eerit nage nogo a'me nggelok mban eerit nage, iniki wogoppakwi iinok tebenogo piige, eeke menggerak me, yogondak an Nebukanetat nen at ayuk wuke, alut eeke, endage tiyappege, eeke agarik o.

Mika 6:8

Nit aakumi yi, obeelom eeko logorak ti, Aliku ALA nen muk yo'niragagerak o. Ndi, Aliku ALA nen eeko logorak ninombake nogo ti, ngge o? Lek o. Nit eeko logorak ninombake nogo ti, a'me nggelok eeppiinet nugwi, Aakumi inabuwa mbako logorak ninikilom mbakwi, Niniki tebeppatinuk, ninogoba Ala mugurok nogwe, Eeko logorak ninombake ti aret o.

Tepaniya 1:18

Naliku ALA woroorak ne nogo ti, aakumi apit ineenggo'lek kobak wonogwe iigak woraagin me, Wage logominggirik, it o nggween paga wonogwe nogo abok aret lek eerogo piyaakit nduk, eeke logonet, It an mu'neren woroorak kwe, alik mugurok nogwe yi neebi a, yinuk, nanini kani kunik negen inoba kwippiige neenok, ineebe lek arugun me, Inamendek mbuti perak paga, mbuti emas paga, inagap ndakkolaagun mondok lek aret o,” yinuk, yegerak me, yokkiragi o.

Marakut 10:24

Yoragagerak nogo paga at oone waganggwi nogo, “Wi!” yinuk, pi wako mbareegwa, at Yetut nen, “Nawuri o. At Ala abu'me piige menggim unggwi noorak meek negen kagi o.

Oroma 1:22

It nogo nen, “Nit abok nineenu aret o,” yinuk, yikko'net nugu nogogwaarak kwe, ineenggo'lek wi negen a'nuk, agan nugu logonet,

1 Korindut 1:31

Togop me, “Aap ambi nen wone tiyappuurak mbake kenok, ninowe eeppinanege menggerak wone nogo mban tiyappogo logowok o,” yinuk, yereegerak liiru mbanak ndak-ndak at mban wogoppogo logonip o.

Pelaareegerak 8:17

Kit kinikime nen mbako logonet, Nit ninobaalombok nineenggi omaawi paga nen eekkologoorak paga nineenggi warak agaarak o, yinuk, yuurak kiigirak kwe,

Pilipi 3:10

At Keritut eebe inom, ndi, Keritut ninake kangge mbareegi, Ala omaawi paga eenik agago mippereegerak nogo inom, “Liippatikit lak ao,” mbake logonet, an kambunuk nogo menggam nen neenik agago mippanuwak nduk, at Keritut iniki yanggonak kagak, aaninggin-paaninggin oba punuk, wako mbareegwa, kambunuk, eenik agagerak nogo kwak, an ndak-ndak neegak, eeppaniyak op aret mbake agarik o.

Pilipi 3:8

Ndi, an nowe Keritut Yetut neenu ariyak ti mondok iya me, “Yi mendek ndi mendek eeriyak abok aret we aanom warogo eerit nage logorak kagi,” mbake nagagirik, Muta wone ndak-ndak eeke nagagirak nogo paga obeelom eekkoloorak ti, neebi o. Ata, Keritut abet mbakwi paga Ala nen nit obeelom eerogo pinanege nogo mendek, “Muk eeppagagirak me, Keritut kimbirak kiniki kunik wonage keegi o,” yinuk, yo'niruwak nduk, Keritut kolage nagagirik, an yi eekak ndi eekak eeke nagagirak nogo abok aret, “Yi inambeebuk pogom aret kagi,” yinuk, mbo pereegirak.

1 Timotiyut 6:10

Yiluk-maluk alom lombok ti, wu mban uugwe mbarit nugwi ti aret o. It aakumi ando nen uugwe nduk, kwaarit nugu logonet, wone abet mbareegwaarak nogo mbo punuk, tu alik nomoninuk nogwe me, aap togowa paga ndanunggologo nagaatik, andi kogo mengga kwak, it aap ti, togop aret wakkologo menggaarak.

1 Tamuwen 17:42

aap Pilitin mendek nogo nen ena koonogo Ndawut pekkage nagagerik, at awo tawe etenggen teretak eebe abu kigirikwe kage nagagerik, Meek, ombake logonet,