Yeremiya 9:19 - Ala Wone Peenok Peebi Mbanak

¹⁹ Ninawi wurik langgunogo pit wagaarak paga ninanggween mbo punuk, mbaganiyak agaarak me, Nineebe lek eerogo pinanugwi, ninenggali eerogo pinanugwi, Eekwi me, Ninabuwa o! yinuk, O Tiyon nen leendawi ari nogo konenit nogo agaarik o,” yinuk, yegerak me, yokkiragi o.

Yeremiya 9:19 ပူးပေါင်းရင်းမြစ်များ

Yetaya 32:9

Kit kumi kiniki ugun ale'nggen mban wonogo monggotak yi wae. Wone an yokkirage yi, kiniki aganggen kerek togon waganggo logonip o. It kumi ti, inaagalogwe komologwe nen, “Ambi eeppinanigin lek o,” yinuk, kiniki ugun monggotak kit yi wae. An wone yokkirage yi, liippogo logonip o.

Yeremiya 15:1

Yoge mbaki, Aliku ALA nen an yo'nege logonet, “It Muta Temuwen imbirak kunduk nenggaanom paga mi'na'nuk, It aakumi yi, inabuwa mbaru o, yo'neremenggaarak kwe, an nen, It aakumi yi, inabuwa mbarigin mondok lek o, yoraagin me, kat nen it yi, an wonage me nen nawak nduk wumbiyet o.

Yeremiya 2:14

“It Iterali ti, aakumi inayeloman mbakwi ya? Aakumi inabu'me logonet, inake eeko logorak ndarak ya? Lek kagak nonggop nduk it kugun wogo negen eerogo piinok menggaarak?

Yeremiya 4:13

At wage yi, kinigen pekkaanip o. Ndugwi kilanogo nippit wage menggi kwak, at kin ari wage, O wiya nombok-kombok eerit wage menggi kwak, at anggweendo wim eeka togop aret wogwe, Towe nggindooni nggarek togon nogo menggaarak kwe, at aguda perak, mondok nggare agan wogwe, Eekwi paga Nit mondok lek eerogo pinanigin me, ninabuwa o!

Yeremiya 4:20

Ne ambi paga yigirogo piya unggwagak, ne ambi paga yigirogo piya unggwagak, eeko logonet, O yi abok aret mondok maluk eerogo pugwi iigirak o. Ne ambit liingge an nawi wurik mi eerogo pugwi, Yini-panip nawooliya wurik nogo yinik-minik eerogo pugwi, Eekwi iigirak o.

Yeremiya 7:15

It inowe-inawot aakumi Eparayim mendek aa'nduk maluk eeko mbareegwa, an wonage me nen wumbiyareegirak nogo pogom, it togop aret an wonage me nen wumbiyaagin,” yegerak me, yokkiragi o.

Yeremiya 7:19

Ti eekwi paga an niniki wariyak nduk mban eekwi mbakop? Lek o! It kunduk maluk eekkologo logonet, inenggali ariyak kagak eeko menggaarak nogo lek a?”

Yeremiya 7:29

Naliku ALA nanini it aakumi yogondak ndarak yi, inoba agaarak wonage nogo, Neebi o, yinuk, mbo piigirak me, ineeruwak mbanogo mbo punuk, puut puluk ko aago paga lagi nanuk, le ndawi piyanggo logowak, yegerak, yoret o,” yinuk, yo'negerak o.

Leendawi 4:15

“Kit kinogole warak lombok me, nanip o,” yorogwe, “Nit mbaanniyokwak kineebe tayo yinip. Tayo yinip,” yorogwe, eekwi iinok, It mbaganit yi aap ndi aap wonogwe me ya yembanggak nda yembanggak nugwi iinok, It aakumi ti nen, “Ninom yime elaambirik logorak mage o,” yinuk, yorogo menggaarak.

Leendawi 5:2

Yate kwak ninanggween nogo aakumi inambik ineenggime age, Ninawi wurik me aap nggiru nen ye mbanggola unggwogwe, Eereegwaarak o.

Yetikiyen 27:2

“Aakumi nen ndarak yi wae. O Tirut eeppuurak nogo, leendawi ambi tiyangge logot o.

Ala Unde 18:25

Maluk lombok eerit nugwi paga ineebe inom, inanggween inom, ti maluk agagerak me, maluk eekwi onggo inoba kwippiinet nage neenok, peyak wuko mengga kwak, inanggween nen peyak wurogo mbo piyareegerak.

Ala Unde 18:28

An yorage liirogon eeka'lek iinok, inanggween maluk aret aremenggerak me, it logowam nogome unggwaga'lek iigak, yi aakumi ndi aakumi inanggween nen peyak wurogo mbo piyareegerak nogo kwak, nggween ti nen it Iterali togop aret peyak wurogo mbo piyaagin o.

Ala Unde 20:22

An Ala nen o piya naminggim nggween ti nen peyak wurogo piyookwak, an nen wone lengganogo yorage inom, eeko logorak wone yorage inom, it mondok nggirik-nggerok porogo logonet, eerit nogo logowak o.

Mika 2:10

It o yime it yonggonggologo logorak lek maluk eerogo pereegwaarak obeelom eerogo pigin lek pulunik aret me, mi'na'nuk nayok a!

Mika 2:4

Ne ti eyom paga it aakumi nen, Op togon eeppinagagi, yinuk, yorogo logogun o. Nineebe lek eerogo pinanege, ninanggween mbanogo wogorage, Ndinggolage nagagerik, it aap tebenogo pinanugwi nogo wogorage, eereegerak o, Yinuk, yogwe nogo inomaani mbanggo logonet, Kayik a! yinuk, le ndawi paga inanep pogo logogun o,” yinuk, Aliku ALA nen yegerak me, yokkiragi o.

Pelaareegerak 28:29

aakumi inigen mbuk o apit paga liinggwi agan nugu mengga kwak, kit kinigen obeelom aret kwe, o liingge kagak aret liinggwi agan nugu logomunggup o. Kit ambi eekkolaawok nduk, eerumonggotak kwe, abe eya mbanogo nengga'lek kiigak, ko'lu-kii'me wi-wi eekkinakwi, kineenggime ndinggologwe, eekwi iigak, aap ambi nen kinabuwa mba'nuk yeenggwa kirogo logogun lek aret o.