Yeremiya 8:8 - Ala Wone Peenok Peebi Mbanak

⁸ It aap liiru mbangga nen eeko logorak wone Naliku ALA yoragagirak nogo liiru mbanggo logonet, Eebe yugu kagak alik pugunogo liiru mbaneegwaarak kagak waganeegwaarak me, Eeko logorak wone Aliku ALA nen yereegerak nit porogo wonogwe me, niniki warak aret o, Yinuk, yogwe ti, nonggop togon yogwe mbakop?

Yeremiya 8:8 ပူးပေါင်းရင်းမြစ်များ

Ayup 11:12

Eeke menggerak aret kwe, Keledai nggwiya enegen mbolok kwi nen Aagaluk waanggoluk ndakeelik kokwak Aap wi nogo nen iniki warak ariyak meek aret menggerak o.

Ayup 12:20

It aap inoone abe yaga nogo, inoone lek eerogo piige, Aakumi inoweewi iniki warak nen Yi wone ndi wone koonggwi nogo, iniki kobak eerogo piige,

Ndawi 147:19

At oone nogo Yakup yoge, At wone lengganak inom, eeko logorak wone inom, Iterali yoge,

Kini Wuppiige 17:6

Aap inanggok inenggare-nggare mendaarak ti, inombowologwe aret. Ndi, wologwe nen iya inombakwi nogo ti, inogobamini aret.

Yetaya 43:27

It inombo aa'nduk mendek nen maluk eeke, Ti'nuk, noone wonok yoraga nen kunduk, Oone nineebi o, yinuk, yo'nugwi, Eereegwaarak me,

Yeremiya 18:18

Yorage mbareegi, it aap ineebi nombakwi nen yogo logonet, “It aap Ala unde nen eeko logorak wone mamunnirogwe nogo lek age, it aap iniki warak nen ninaruk wakwi nogo lek age, ndi, Ala nen yorage kagak yoraga nen nit yo'nirogwe nogo lek age, eerigin lek me, aap Yeremiya ari menggerak ti, lek eerogo puurak koonuwok nduk, woraanip o. At wone yo'nirage nogo aret abut laganogo at yogwi, ndi, at, Yogop eeriyak, ndogop eeriyak, yo'nirage liippega'lek mbo pugwi, eekwi paga oone lek arigin me, eeruwok aret o,” yinuk, yereegwaarak me,

Yeremiya 19:7

O yime nen it Yekura mendek inom, Yerutalem mendek inom, iniki, Yogop eeruwok, koonogo pemenggaarak nogo lek eerogo piige, it inawim mendek nen wooluwak paga inooruwak nduk, inili yaga'lek mbo piige, it inooruwok mbarit nugwi nogo ineenggime piige, eeke neenok, inooremenggaarak ineebe yi towe ndi towe wiga agan nugwi inom, ndiimbu-nggwiya nggween paga nugwi nogo inom, inambi-inambiingga kwak nawak nduk, eerogo piyaagin o.

Yeremiya 2:8

It aap an neebe unde nen, Ninogoba Aliku ALA ngge o? yinuk, ambinom yo'nugwi, Eeko logorak wone yugu yoraga nen an ambinom liippanugwi, Eeka'lek wonogogwaarak o. It inoweewi nogo nen, At yo'nirage nogo eeriyak nineebi o, yinuk, An mbo panugwi, Ndi, an yorage neegak yoraga nogo nen kugi ogut aanom warogo alut eeko menggaarak kagak mugurok nogo logonet, At kugi Mba'an nen yorage kagak yorogwe, Eerit nogo nogogwaarak.

Yeremiya 4:22

At Aliku ALA nen ari logonet, “An napuri ti, wi negen aret wonogwe, it an liippanega'lek wonogwe, Elege iniki lek pogom wonogwe, op ariyak maluk ariyak ineenggo'lek kobak aret wonogwe, Obeelom eeriyak mendek kobak logonet kwe, maluk eeriyak kenok perak, Iniki penenak logonet, aganggen kerek togon eerit nugwi, Eeko menggaarak,” yegerak o.

Yeremiya 48:14

“It nen yogo logonet, Nit aap wakaa'ngget wim iyagalo mban aret me, wim namburiyak ti ninobam o, Yinuk, yogwe ti, nonggop togon yogo agaarik o?

Oteya 8:12

Eeko logorak yorage nagagirak wone inake ambik aret liiru mbanogo pereegirak wonage kwe, It nen, Ti aap inambik inake liiru mbanak o, mba'nuk, we aret eerogo pereegwaarak o.

Matiyut 15:6

ogoba ayuk wurogo wogoga'lek kagak, kit nen, Ti op aret eekendak o, yogo monggotak ti paga Ala nen, Yogop ee'nu, ndogop ee'nu, yereegerak wone nogo, taganogo punuk, kit kinombomini eeko nogogwaa rak wandek nogo tiyappugwi kiigi o.

Yaya 9:41

Yogo mbareegwa, at Yetut nen, “Kit kinigen mbuk logonetak en, maluk kinoba lenggenak logonetak lek kwe, kit nen, Nit ninigen obeelom o, yogwe ti paga, maluk kinoba aret wonage o,” yinuk, yoragagerak.

Oroma 1:22

It nogo nen, “Nit abok nineenu aret o,” yinuk, yikko'net nugu nogogwaarak kwe, ineenggo'lek wi negen a'nuk, agan nugu logonet,