Yeremiya 8:20 - Ala Wone Peenok Peebi Mbanak

²⁰ Ari mbaki, Iterali nen inoone nggwok paga yogo logonet, “Anggen mbaniyak eyom muk lek aret age, Ndi, o kibi eyom kunduk muk yobok ari, Eekerak kagak kwe, Nit perak, ninagap ndaka'lek awo aret agaarik o,” yinuk, yogo agaarik o.

Yeremiya 8:20 ပူးပေါင်းရင်းမြစ်များ

Kini Wuppiige 10:5

Aap ambi aput nen anggen put age eyom paga amendek kuwak eerogo pake nogo ti, iniki warak kogo menggaarak kwe, Anggen mbanggwi eyom paga nogo mban yege kenok perak, enggali aago wonage kogo menggaarak.

Yeremiya 8:19

It an nowe-nawot o nda nen le yogo logonet, “Aliku ALA o Tiyon wonage ilik lek a? O kota time inowe endagembogut wonage ilik?” Yinuk, inoone nggwok paga yogwe nogo karuk konenu o. Yoge mbaki, at Aliku ALA nen, “An niniki wariyak it nonggop nduk inagugi ogut eerogo pugwi, Nonggop nduk it aap inambik inagugiwak aanom warogo kagak mippit nogwe, Eekaarak?”

Yeremiya 8:21

Yogo mbaka, an nen, “It aakumi an nowe-nawot iniki andi negen wonogwe iinok, An kunduk, niniki andi negen logonet, niniki puru ari, nomanggen tayok ari, eeke agaarik o.

Lukat 13:25

At o unde nen mi'na'nuk, tu nake mbaremenggi, kit endekem tu puk-puk eeko logonet, Nogoba! Tu paa'niyet o, yorumonggotak kwe, at nen, Kit aap nggeeme nen wogop? Kit an neenggo'lek o, yokkirage kenok,

Lukat 19:44

kawi yugum paga wurik yi, yugum ambi obaga lu'luk aago logogin lek o. Langgunogo pogo logonet, kaagalogwe kinom abok aret mondok pup eerogo pinagarak eyom panggoni woraagin o,” yinuk, yoragagerak.