Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yeremiya 8:2 - Ala Wone Peenok Peebi Mbanak

2 it iniki kunik aganakwi, inake eerit nugwi, muguren nogwe, Nonggop o? yinuk, kin wogonakwi, inayuk wukwi, eeko nogogwaarak inagugi oonegen inom, tut inom, laaluguragan mbogut paga wonogwe abok aret inom, it abok inenggaanom kin paga piyaagun me, kuwak eerogo piigwi, taambiigwi, eerugun lek yabume nggween mili ake aret arugun o.

အခန်းကိုကြည့်ပါ။ ကော်ပီ




Yeremiya 8:2
32 ပူးပေါင်းရင်းမြစ်များ  

At Aliku inogoba Ala nen, “Yogop ee'nu ndogop ee'nu,” yoragagerak nogo, abok aret taganogo mbo punuk, inagugiwak kwak mbuti paga tapi inogut mbere ogobakkigikwi, kugigwe Atiyera ageyo arelen yinogo pugwi, inendobanggun yindumbunuk laaluguragan abok aret inayuk wukwi, kugi Mba'an alut eekwi, eeko nogogwaarak.


Eeke logonet, at ogoba Kitikiya nen puut-puut paga inagugi inake eeko menggam lek eerogo pereegerak nogo, obaane'me ogobakkigirogo pege, kugi Mba'an ake warogo wogogo logorak ogobakkigirogo pit nage, it Iterali inowe endagembogut Akap nen kugigwe Atiyera ageyo arelen mippereegerak kokwak, at togop aret eerogo pege, laaluguragan yigin abigan abok inabu'me tebe yinuk, inalut eeke,


Aliku ALA awi wurik me owa'nagat mbere wurik nogome laaluguragan yigin abigan abok inake warogo wogoragak ogobakkigirogo pege,


Pi nanuk, it aap Yekura inoweewi inendagembogut nen puut-puut o Yekura kota-kota wonage inom, o Yerutalem enaagan-ambokan wonage inom, inagugi inake obari abe kaga mendek kani kunggo logowak nduk, mippiyareegwaarak kugi Mba'an inom, oonegen inom, tut inom, laaluguragan ambi'me ninggirik wonage inom, laaluguragan yigin abigan inom, inake obari abe kaga nogo mendek kani kunggo nogogwaarak unde nogo abok aret, “Eeko logorak lek aret o,” yinuk, yorage,


It aap Ala apuri inooriyak eekwi nogo Ala nen mbo piige mbaremenggi, It Ala apuri nen tebenogo piinet nugwi iigak, Ala nen inowak nggininogo nappit namenggerak inigen kaagun kwe, It maluk eeka nogo nen Ala apuri inagabiti aganaburak mendek eeppiiga'lek iigak, Ala apuri ti, nonggop nduk it paga inagabiti nen inamineeri ne agan nage agaarik o?


Aap Orep Teep imbirak eeppiyareegin kwak, It aap ti inoweewi inengga warak togop aret eeppiige, “Ala andomba ndegeninake menggim Nit unde eeppatinuk logowok o,” yereegwaarak Aap Teba Talumuna imbirak eeppiyareegin kwak, It aap ti, inoweewi nagawan-nagawan nogo togop aret eeppiige, Eeru o.


Aap ambi nda'nagagerak nggorek lombok logonet, apuri 100 ndappiinok, eebe obeelom logomenggerak kwe, iniki ale'nggen mbaka'lek logonet kangge kenok, “Aap nogo aret kanggi o,” yaga'lek logonet, nggween abe taambega'lek ugun-ugun taanogo pugun me, an nen mbake logonet, “Aap ndarak nggorek logorak ti meek kwe, elege warak nda'nariyak perak op aret o,” mbake minggirak.


Ndi, it aap agan nugwi ti, inoone abet mba'nuk wamenggaarak aap inom, inakuwi inom, inapuri wologwe-komologwe inom, mbi noogelo paga kanggwi, wooluwak paga inoorak kanggwi, eeremenggaarak ineebe nggween taambiyoorak aakumi lek me, o Yerutalem tu paga tu paga time aret mbo piyaagun o. Nit eekwi onggo eeppinanigi, mbaruwak nduk, inoba kwippiyaagin nogo ti aret o.


kat nen it yorage logonet, At Aliku ALA nen, It inombomini an mbo paninuk, an wonage neegak kugi mugurok nogo logonet inake eekwi, inayuk wukwi, eeko nogogwaarak paga aaninggin inoba kwippiyaagin, yegerak, yoraamunggun o. Ndi, it an mbo panugwi, eeko logorak yorage nagagirak nogo eeka'lek teppugwi, eeko nogogwaarak ti abet aret kwe,


“It ti, andi kambuurak iya nogo mendek inoba aremenggaarak kanggwi iinok, inale yogwe, nggween taambiigwi, eeka'lek we nggween mili ake yabume time mbo piyaagun o. Wooluwak paga inoorak inom, mbi noogelo paga inom, kambemenggaarak me, ineebe kambak nogo yi towe ndi towe wiga agan nugu menggaarak inambi age, ndiimbu-nggwiya nggween paga nugu menggaarak inambi age, eerigin,” yegerak o.


“O yime aap inendage warak inom, inendage lek inom, ambugwi aret kambugun me, ineebe nggween taambiigwi, inale yogwe, ineenggi mbanggwi, ineeruwak mbanogo pugwi, eerugun lek aret o.


O kota Yerutalem inawi wurik kirin ndoonak paga time laaluguragan ninggirik inake obari abe kaga kani kunggwi, an wonage neegak kwe, it kugi inake anggur amburu kilirogo pugwi, eekwi iinok, o Topet maluk ogole warak eerogo pereegwa kwak, aakumi Yerutalem mendek inawi wurik inom, it aakumi Yekura inoweewi inendagembogut inawi wurik inom, togop aret eerogo pigin, yoret o,” yinuk, yegerak me, yokkiragi o.


Ata, nggeewo kanggetak niik eerogo mbo wumbogo mengga kwak, at eebe niik eerogo o Yerutalem tu unggwogo menggam endekem time mbo wumbugun o,” yinuk, yegerak o.


Ti eyom paga at Aliku ALA nen inoorogo piinet namenggerak nogo, o alome nen nok, o irip me ndak wa'narit nagin me, ineebe inoorak ti, inaleenggu maakwi, ineebe kuwak eerogo piya wa'nuk nggween taambiigwi, eerugun lek we nggween mili ake aret arugun o.


Inowak nggininik kunduk, nake kani kunik wun kunduk, mbo pi nogo menggam o kobappaga time abok aret inom, ndi, oonegen lagi wage menggim pa'nggwe niyo Kiriron aa'nggi paga yabu ye'mban-mban eerit wambi nogo menggam nen nok, Tu Unggwogo Menggam Kuda Mbanak yogwe unggu'me abok aret inom, ti, Naliku ALA nake alik leenak aret logogin o. Ndi, o kota ti, langgunogo pugwi, yigirogo pugwi, eeka'lek mondok-mondok aret logogin o,” yinuk, yegerak o.


Yoreegerak ti paga at Yekura inowe endagembogut eeppuurak Nalik Ku ALA nen ari logonet, “Ndawut wone lengganogo yorage nagagim at Yoyakim apuri wiganak paga ambi wone lengganogo yorogo logogun mondok lek aret o. At eebe kambemenggerak mbo pemenggaarak endekem wonage kagak, o liingge paga mo andi wake, oonikiya paga togwi nen miin tu eerogo pege, eeke logogin o.


Togop me, kit kumi yi wae. Aliku ALA wone yegerak yokkirage yi, kinaruk konenggwi, At ambe me nen wone wungge nogo kinaruk konembunuk waganggwi, Eeko logonip o. Kinaagalogwe komologwe leenggu maakak yuwak nduk, mamunirogwe, Kit ambi nen leendawi it ambi mamuniragak eekwi, Eeko logonip o.


Nineebe kambuurak ninawi wurik pugagi ambe mbanak me nen muk unggwi wage, Ninawi nggwok abe wurik kagak unggwi wage, Eeke logonet, Elege-aabologwe tu paga nugwi nogo inoorogo piinet nage, Wologwe tawe o kota-kota nugwi nogo ambeme yonggorinabit nage, Eekerak o.


“Aliku ALA nen yegerak yi aret o,” yinuk, yorage logorak yo'negerak nogo yi aret. “Liirubu koorogo yabu yarak me yumbunogo pit nogo mengga kwak, aakumi ineebe inoorak nogo yumbunogo piinet nogwe, Gandum anggen mbanogo pit nogo logonet, eegu yumbu-yumbu wanggetak anebeniyak anggon menggi kwak, Inowak nggininik togop aret kalo logonak wonage, Eerak aret logogin,” yegerak o.


Nigogo wumbunuk, at eebe inom, at niyo elaganggen unde menggim yikwe abok at arinon paga nabenak nogo inom, O karume mbo nappigin o. Mbo nappiminggirak o karume time ngginnarit namenggaarak me, aakumi nen ineebe kuwak eerogo piigwi, Inagabolo nggween taanogo piigwi, eerugun lek, it ndiimbu-nggwiya inom, yirowe ndirowe wiga agan nugu menggaarak inom, Inambi-mbiingga aruwak nduk, wogoraagin o.


Yabu penaame time inoorak wambit nagun o, yinuk, Naliku Nitok Minggirak an ALA nen aret yagarak me, eerigin o.


It Iterali ineebe inoorak nogo, inagugi ogut eerak it paga wonage me taati mbo-mbo nappiinet nage, inowak nggininik wonage nogo, inagugi ake warogo wogogo menggam it paga wurik enaagan-ambokan mak eerogo pit nage, eerigin o.


Kage mbareegi, at nen an wo'neren Aliku ALA awi wurik oore'nggam akem time pani nage mbareegi, at awi wurik me tu unggwogo menggam enaame wone mbanggo menggam inom, ake warogo wogogo menggam inom, oolo taati aap ineebe 25 negen nen Aliku ALA awi wurik inambokan punuk, ina oonegen wundi wage menggim pa'nggwe na'na'nuk, oonegen wundi wage nogo inendobanggun yindumbunuk, ayuk wukwi iyareegirak.


Aliku ALA nen ari logonet, “It aakumi nen Naliku an ALA maluk eerogo paneegwaarak me, An nen it aakumi ti anggon-panggon lombok eerogo piige neenok, aakumi inigen mbuk yu'nduk agan nogo mengga kwak nugu logogun o. Liirubu kale'ngga eerogo mbo pogo mengga kwak, aakumi inamiya togop aret eerogo pugwi, Inaan wurik ogole o, yinuk, mbo pogo mengga kwak, inaanagale togop aret kilirogo mbo pugwi, Eerugun o.


Eeko mbareegwa, at Ala iniki koonogo punuk, oonegen inom, tut inom, laaluguragan inom, mbogut paga menggerak mendek abok aret, alut eeko logowak nduk mbo piyareegerak. Ti eereegwaarak nogo ti, Ala nen yorage kagak yoraga nen yogo logonet, It Iterali mendek ti, o karume wogoren wage logonet, Tahun 40 eeke kagak, nake inaanggumi warogo wo'nugwi, Anggen yigirik nake pugwi, Ee'nip o, Yinuk, yorage nagagirak ya?


Ala obaane'me kugi ogut eerogo mippunuk, abu'me tebe yinuk, alut eeri nage ilik, tut inom, oonegen inom, laaluguragan mbogut paga wonage inom, alut eeke a, an, Eeriyak mage o, yagarak kagak ti mendek abok aret eeremenggerak nogo


Ndi, oonegen inom, tut inom, laaluguragan inom, mbogut paga wonage abok aret ti, yi aakumi ndi aakumi o nggween paga yime menggaarak abok aret at Aliku kinogoba Ala nen terak ninake wo'niragagerak me, kit nen oonegen inom, tut inom, laaluguragan inom, mbogut paga wonage abok aret kinigen nikkogo logomonggotik, inayuk wukwi, inalut eekwi, eeko logobagip nduk, aakumi nen kiniki nomongginabi worookwak, Mage, yokkirage agarik o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ