Yeremiya 8:1 - Ala Wone Peenok Peebi Mbanak

¹ Aliku ALA nen ari logonet, “Ne ti eyom paga it aakumi Yekura inoweewi inendagembogut inowak nggininik inom, it inawuri nagawan-nagawan inowak nggininik inom, it aap neebe unde inowak nggininik inom, it aap an nen yorage neegak yoraga inowak nggininik inom, it aakumi Yerutalem mendek inowak nggininik inom, nggween taanak me nen abok aret kabologo wumbiya wa'nuk,

Yeremiya 8:1 ပူးပေါင်းရင်းမြစ်များ

1 Endagembogut 13:2

Nage nagagerik, Aliku ALA yoge kagak oone nggwok paga kani kunggak ogobakkigirik nogo, wone yoge logonet, “Kat kani kunggak yi wae. Kat kani kunggak yi wae. At Aliku ALA nen ari logonet, At Ndawut paga wiganak nen ombooluk wulaga endage Yotiya aret ndarigin o. Ndake kenok, it aap puut-puut alut eeko menggam unde wonogwe nen kat paga warogo kani kunggo menggaarak nogo, at nogo nen ineebe inoorogo kat paga kani kuninake, aakumi kambak inowak nenenak kunduk, kat paga mban kani kungge, eerigin o,” yinuk, yoreegerak.

2 Endagembogut 23:16

Ti'nuk, at Yotiya nen ena logurogon ni'nage nagagerik, puut irip pi nagagim aakumi kambeegwaarak nggween taambiyareegwam enegen kage nagagerik, “Inowak nenenak ti, pilanogo wonok woraanip o.” Yoragagerak wonok wogo mbareegwa, at Aliku ALA nen aap Ala wone liirogon eeka nogo yoge kagak, “Ndogop eekwi iyaamunggup o,” yinuk, yorage nagagerak ndak-ndak, “Ogole warak logowak o,” yinuk, it inagugi inake warogo wogorogo menggam nogo paga inowak nenenak nogo kani kuneegerak.

2 Endagembogut 23:20

ndi, it aap puut-puut paga kugi ake warogo wogogo menggam unde nogo, inagugi inake warogo wogorogo menggam nogo paga ineebe aret inoorogo piige nagagerik, aakumi inowak nenenak nogo inom lambunogo kani kumbiinok, iyokan o Yerutalem wagagerak.

2 Endagembogut 9:37

o Yiteren yabume time eebe nggween mili eerigin me, Yi kwe Iteben owako, yinuk, yogo logogun lek o, yinuk, ayeloman aap Titebe mendek Eliya nogo yoge mbareegi, yereegerak nogo ndak-ndak aret agaarak kogo o,” yinuk, yoreegwaarak.

Ndawi 53:5

It aap Ala apuri inooriyak eekwi nogo Ala nen mbo piige mbaremenggi, It Ala apuri nen tebenogo piinet nugwi iigak, Ala nen inowak nggininogo nappit namenggerak inigen kaagun kwe, It maluk eeka nogo nen Ala apuri inagabiti aganaburak mendek eeppiiga'lek iigak, Ala apuri ti, nonggop nduk it paga inagabiti nen inamineeri ne agan nage agaarik o?

Yeremiya 14:16

Ndi, it aap agan nugwi ti, inoone abet mba'nuk wamenggaarak aap inom, inakuwi inom, inapuri wologwe-komologwe inom, mbi noogelo paga kanggwi, wooluwak paga inoorak kanggwi, eeremenggaarak ineebe nggween taambiyoorak aakumi lek me, o Yerutalem tu paga tu paga time aret mbo piyaagun o. Nit eekwi onggo eeppinanigi, mbaruwak nduk, inoba kwippiyaagin nogo ti aret o.

Yetikiyen 37:1

Ti'nuk, Aliku ALA omaawi noba panege logonet, at Aberiniki yoge mbareegi, neebe wo'neren wundi nanuk, o kobappaga aakumi inowak nggininik yagabit aago wonage me enggela'me time pani nagagerak.

Yetikiyen 6:4

it paga kugi ake warogo wogogo menggam wurik nogo minogo pege, it paga obari abe kaga kani kunggo menggam wurik nogo kalenak-pugunik eerogo pege, it paga kugi ogut eerak enaame time it inapuri inoorogo piinet nage, eerigin o.

Yetikiyen 6:5

It Iterali ineebe inoorak nogo, inagugi ogut eerak it paga wonage me taati mbo-mbo nappiinet nage, inowak nggininik wonage nogo, inagugi ake warogo wogogo menggam it paga wurik enaagan-ambokan mak eerogo pit nage, eerigin o.

Amot 2:1

Aliku ALA nen ari logonet, “It aakumi o Mowap menggaarak ti, ne kenagan mban maluk eerulik, ne ambi inom eekak mban eeko nogogwaarak me, An nanini eeppiyoorak koonak wonage nogo, teppiyaagin lek eeppiyaagin aret o. It Mowap mendek nen aap Erom mendek inowe endagembogut meek eerogo pogo logonet, owak nenenak kani kuneegwaarak wun aret agagerak me,