Yeremiya 7:33 - Ala Wone Peenok Peebi Mbanak

³³ Ti eyom panggoni wage kenok, inoorak nogo towe wiga agan nugu menggaarak inom, ndiimbu-nggwiya nggween paga nugu menggaarak abok aret inom, aap ambi nen mugogo nappiyoorak ineebe lek me, inambi-inambiingga pogom inoorak ti, ugun nenet nogo logogun o.

Yeremiya 7:33 ပူးပေါင်းရင်းမြစ်များ

Yetaya 18:6

Aakumi ti, togop aret inoorogo piinet nagin me, ineebe inoorak logonak nogo ti, Towe enggaanggum nengga puut-puut nugu menggaarak inom, Nggeewo-wam endekem mendek inom, nunggo logowak nduk mbo pugun o. Mbo pemenggaarak me, O omarip paga kibi ari wage kagak towe nogo nunggwi, O ame unggwi nage logonet, togwi nggut-nggut eeke kagak nggeewo-wam endekem mendek nen nunggwi, Eeko logogun o.

Yeremiya 12:9

Yi towe ndi towe enggaanggum nengga nen Towe it mendek eeruwak yabenggek-ndabenggek aago nogo paga ninggippunuk, warogo mbelek togon nunggo mengga kwak, Neyate kwak napuri nogo togop aganakwi lek mbakop? Togop aganakwi aret me, ndiimbu-nggwiya abok aret nen nawak nduk, kuwak eerogo piya mok o.

Yeremiya 14:16

Ndi, it aap agan nugwi ti, inoone abet mba'nuk wamenggaarak aap inom, inakuwi inom, inapuri wologwe-komologwe inom, mbi noogelo paga kanggwi, wooluwak paga inoorak kanggwi, eeremenggaarak ineebe nggween taambiyoorak aakumi lek me, o Yerutalem tu paga tu paga time aret mbo piyaagun o. Nit eekwi onggo eeppinanigi, mbaruwak nduk, inoba kwippiyaagin nogo ti aret o.

Yeremiya 15:3

Aliku ALA nen ari logonet, “Maluk eerit wundi wogogwaarak onggo aaninggin alom 4 paga an nen inoba kwippiyoorak nogo, ambi, wooluwak paga inookwi, ambi, yi nggeewo ndi nggeewo nen ineebe inoorak nogo nigiren nogwe, ambi, yi towe ndi towe wiga agan nugwi nogo nen ineebe nunggwi, ndi, ambi, ndiimbu-nggwiya nggween paga nugwi nogo nen ineebe lek eerogo nunggwi, eerugun o.

Yeremiya 16:4

“It ti, andi kambuurak iya nogo mendek inoba aremenggaarak kanggwi iinok, inale yogwe, nggween taambiigwi, eeka'lek we nggween mili ake yabume time mbo piyaagun o. Wooluwak paga inoorak inom, mbi noogelo paga inom, kambemenggaarak me, ineebe kambak nogo yi towe ndi towe wiga agan nugu menggaarak inambi age, ndiimbu-nggwiya nggween paga nugu menggaarak inambi age, eerigin,” yegerak o.

Yeremiya 19:7

O yime nen it Yekura mendek inom, Yerutalem mendek inom, iniki, Yogop eeruwok, koonogo pemenggaarak nogo lek eerogo piige, it inawim mendek nen wooluwak paga inooruwak nduk, inili yaga'lek mbo piige, it inooruwok mbarit nugwi nogo ineenggime piige, eeke neenok, inooremenggaarak ineebe yi towe ndi towe wiga agan nugwi inom, ndiimbu-nggwiya nggween paga nugwi nogo inom, inambi-inambiingga kwak nawak nduk, eerogo piyaagin o.

Yeremiya 22:19

Ata, nggeewo kanggetak niik eerogo mbo wumbogo mengga kwak, at eebe niik eerogo o Yerutalem tu unggwogo menggam endekem time mbo wumbugun o,” yinuk, yegerak o.

Yeremiya 25:33

Ti eyom paga at Aliku ALA nen inoorogo piinet namenggerak nogo, o alome nen nok, o irip me ndak wa'narit nagin me, ineebe inoorak ti, inaleenggu maakwi, ineebe kuwak eerogo piya wa'nuk nggween taambiigwi, eerugun lek we nggween mili ake aret arugun o.

Yeremiya 34:20

it inom wim mbanak nen inooriyak mbakwi nogo ineenggime piyaagin o. Piige neenok, inooremenggaarak ineebe ti, yi towe ndi towe wiga agan nega inom, ndiimbu-nggwiya nggween paga nega inom, inambi-inambiingga aret arugun o.

Yeremiya 9:21

Nineebe kambuurak ninawi wurik pugagi ambe mbanak me nen muk unggwi wage, Ninawi nggwok abe wurik kagak unggwi wage, Eeke logonet, Elege-aabologwe tu paga nugwi nogo inoorogo piinet nage, Wologwe tawe o kota-kota nugwi nogo ambeme yonggorinabit nage, Eekerak o.

Yeremiya 9:22

“Aliku ALA nen yegerak yi aret o,” yinuk, yorage logorak yo'negerak nogo yi aret. “Liirubu koorogo yabu yarak me yumbunogo pit nogo mengga kwak, aakumi ineebe inoorak nogo yumbunogo piinet nogwe, Gandum anggen mbanogo pit nogo logonet, eegu yumbu-yumbu wanggetak anebeniyak anggon menggi kwak, Inowak nggininik togop aret kalo logonak wonage, Eerak aret logogin,” yegerak o.

Yetikiyen 29:5

Nigogo wumbunuk, at eebe inom, at niyo elaganggen unde menggim yikwe abok at arinon paga nabenak nogo inom, O karume mbo nappigin o. Mbo nappiminggirak o karume time ngginnarit namenggaarak me, aakumi nen ineebe kuwak eerogo piigwi, Inagabolo nggween taanogo piigwi, eerugun lek, it ndiimbu-nggwiya inom, yirowe ndirowe wiga agan nugu menggaarak inom, Inambi-mbiingga aruwak nduk, wogoraagin o.

Yetikiyen 39:4

Iterali wonogo menggam puut-puut ti paga at inom, awuri ineegin warak inom, yi aakumi ndi aakumi at inom ogogwaarak inom, abok aret inoorak wambit nagun o. Wambit nogwe iinok, an nen ineebe waganogo towe inenggaanggum nengga anebunu lombok abok aret inom, ndiimbu-nggwiya inom, inambi-mbiingga aret aruwak nduk, wogoraagin o.

Pelaareegerak 28:26

Ndi, kineebe kinoorak kambak ti, yirowe-ndirowe wiga agan nugu menggaarak inom, nggwiya endekem mendek inom, it inambi age logomenggerik, nibinogo nunggwi me, aap ambi nen teerogo nappiyaagin lek aret o.

Pelaareegerak 8:20

At Aliku kinogoba Ala oone yokkirage nogo koneniyak kineebi mbarumonggotak paga at Aliku ALA nen kit kinenggaanom paga aakumi inooreegerak togop nogo aret kineebe lek eerogo pinagagin o,” yinuk, yoragagerak.