Yeremiya 7:31 - Ala Wone Peenok Peebi Mbanak

³¹ An nen, Yogop ee'nip o, yinuk, wone lengganogo yorage, niniki kunduk, Togop eerugun, mbake, eerulik kagak, it nen inapuri wologwe inom, komologwe inom, inoorogo kani kuninakak yuwak nduk puut endage Topet Kobappaga Mben-Kinom time inoorogo punuk, kani kuninako logorak wurit nagaarak,” yegerak o.

Yeremiya 7:31 ပူးပေါင်းရင်းမြစ်များ

2 Endagembogut 17:17

Ti eeko logonet, it inapuri wologwe-komologwe inagugi inake kani kumbiigwi, tili pagangga ogwe, magagirak iyagalo ogwe, ndi, Aliku ALA enegen kagak, “Maluk ayeloman arikit,” mba'nuk, maluk mban eekwi, eerit nogo nogogwaarak paga at Aliku ALA anini mbareegerak.

2 Endagembogut 23:10

Ti eeke nagagerik, aakumi nen inapuri wologwe ilik, komologwe a, kugi Molok ake ineenik ngge-ngge kani kuninakwi iyo, ake warogo wogogo menggam Topet kobappaga Mben-Kinom wonagagerak nogo, “Ogole o,” yogo logowak nduk, maluk eerogo pege,

2 Endagembogut 23:20

ndi, it aap puut-puut paga kugi ake warogo wogogo menggam unde nogo, inagugi inake warogo wogorogo menggam nogo paga ineebe aret inoorogo piige nagagerik, aakumi inowak nenenak nogo inom lambunogo kani kumbiinok, iyokan o Yerutalem wagagerak.

2 Mbinineegwaarak 28:3

Iterali ambokan iigak, at Aliku ALA nen aa'nduk a'nuk yi aakumi ndi aakumi mugogo wumbiyareegerak nen ogole warak mendek eeko nogogwaarak nogo mugurok nage logonet, it inayuk wukwi inake warogo kani kungge, at apuri lombok ineenik ngge-ngge kani kuninake,

2 Mbinineegwaarak 33:6

o Mben-Kinom Kobappaga time at apuri ineenik ngge-ngge agugi ake kani kungge, magagirak iyagalo age, tili pagangge, kuguruwo ayonggo pege, aakumi inogoma wiiraga inowagam nage, kambeegwaarak kin aruwak nduk, eeppiiga inom wone mbani nage, eerit nage logonet, Aliku ALA enegen kagak maluk lombok eerit nage nagagerak paga Aliku ALA anini mbareegerak.

Yetaya 30:33

At aap endagembogut Atiyut mendek nogo kani kuniyak ake aa'nduk muk pipuk eerogo pereegerak wonage o. Ti eerogo pereegim nogome inikime teberogon kabunik wonage, ambe wiganak lombok wonage, Kani wurik mban yagabit aago wonage, eerak me, kani kunik kwindagala eerogo nagake menggi kwak, Aliku ALA ambe aagi nappemenggerak paga kani logonak nogo abok aret wunuk yigin o.

Yetaya 57:5

Eyo ndiindi alome inagugi eeko logonet, iniki aganggen eeginabuwak nduk eekwi, Eyo win wiganak alome inagugi ayuk wuko logonet, iniki nengge kenok, kumi ugun-ugun eeginabit nogwe, Eegwa'me inom, yugum ambe nggaganak me inom, inagugi inake inapuri inoorogo wogorogwe, Eeko agaarik.

Yeremiya 19:2

o Mben-Kinom Kobappaga tu endage, Niyoowak Telenak Mbo Pogo Menggam unggwogwe me, taati ari nogwe kiinok, an yokkege neegak, yoroorak nogo yi aret.

Yeremiya 2:23

“It nen, Nit maluk ninoba lenggenak lek aret o. Ndi, kugi Mba'an mugurok nogolik o, yinuk, yogwe ti, nonggop togon yogo menggaarak? It o kobappaga time nugu logonet, inobaabut maluk eeko nogogwaarak nogo iniki aberuwak o. Wam kooli wali kwaarit nggare agan nagak-wagak agan nege menggi kwak,

Yeremiya 32:34

An nawi wurik nendage kunggo menggam inikime time ogole warak inagugiwak pi unggwogogwaarak paga nawi wurik ti maluk eerogo pugwi,

Yeremiya 32:35

It inapurilogwe wologwe inom, komologwe inom, kugi Molok ake inoorogo kani kunggo logowok nduk, inagugi Mba'an ake warogo wogogo logowam o Mben-Kinom Kobappaga time tiyarogon ogobakkigirogo pugwi, eereegwaarak. It ti eeruwak nduk, an nen wone lengganogo yorage, It ogole warak ti mendek eekwi iinok, aakumi Yekura maluk eerugun kagi, yinuk, mbake, mondok eerulik o,” yinuk, yo'nereegerak.

Yetikiyen 16:20

Ti eeke logonet, at nen at aagalogwe wologwe inom, komologwe inom, ndaganake nagagerik, It yi kunduk, at Ala apuri aret o, yinuk, yereegerak kwe, agugi inambi negen nawak nduk inoorogo inake wogorage nagagerak. Kwe yawukak negen eerit nage ti, maluk aret me, Yi kuli aret, yuurak kagak, eerit nage ti, iya lek, yinuk, eeke agaarik ya?

Yetikiyen 20:26

ndi, Naliku ALA an aret ineenu a'nuk, inamineeri ne agan nage logowak nduk, inapuri manggu ndarak inagugi ake inoorogo wogorogwe ti paga inoba maluk eerogo patuwak nen teppiige, eereegirak o.

Yetikiyen 20:31

Inagugi inake wogorogo logonet, inapuri manggu ndarak inoorogo inagugi inake kani kuninakwi paga aa'nduk nen nok, o yogondak ineebe maluk eerogo pako agaarik o. Eeko logonet, it Iterali mendek ti, At Aliku ALA ari yo'niraawak o, yinuk, an nowagam wogwe iinok, an nen, Yo'ninip o, yinuk, yoroorak op ya? An togop yoraagin mondok lek o, yinuk, neenik Naliku Nitok Minggirak an ALA nen aret yagi o.

Ala Unde 18:21

Naliku ALA an aret me, inogoba Ala an nendage miyuk-meya eerogo panukwak, kugi Molok ayuk wuko logonet, at ake warogo kani kunuwak nduk, inapurilogwe wogoriyak mage o.

Mika 6:7

Ndomba ngguunok ineenggi lingginiyak meek ambik lombok iri wogwe paga, Eyo tayitun amburu yi niyo ndi niyo yenggenak kwak ineenggi lingginiyak abu meek wogori wogwe paga, Aliku ALA inikilom mbarigin mbakop? Ndi, Ala wone taganogo pereegurak onggo ninapuri manggu ndarak nogo at ake piya wogwe, Nit maluk eekoorak paga ndaganako menggam nen ndarak nogo ake piya wogwe, Eeriyak op mbakop? Lek aret o.

Pelaareegerak 12:31

It aakumi ti nen inagugi eeko logonet, ogole warak lombok Aliku ALA eebi mbake menggerak nogo mendek eeko logonet, inapuri wologwe-komologwe ineenik iigak waganogo inagugi ake kani kunggo menggaarak me, at Aliku kinogoba Ala alut eeko logonet, it eeko mengga kwak kit ndak-ndak eeko logorak mondok mage o.

Pelaareegerak 17:3

Ala obaane'me kugi ogut eerogo mippunuk, abu'me tebe yinuk, alut eeri nage ilik, tut inom, oonegen inom, laaluguragan mbogut paga wonage inom, alut eeke a, an, Eeriyak mage o, yagarak kagak ti mendek abok aret eeremenggerak nogo

Pelaareegerak 18:10

Kit kinenggela'me time it ambi nen inaagalogwe-inapuri wologwe ilik, komologwe a, agugi inake waganogo kani kumbiigwi, ambi nen iniki koombunuk kugi eeka age, ambi nen magagirak inooka age, ambi nen tili pagangga age, ambi nen kuguruwo nibininaka age,

Yotuwa 15:8

agi Mben-Kinom Kobappaga mugurok it aakumi Yebut menggam o kota Yerutalem puut elan me o ame pa'nggwe ari nanuk, time nen Erepayim Kobappaga o omarip paga pa'nggwe irip me Kinom Kobappaga oonegen kilu yi nage menggim pa'nggwe puut kirin nogo paga nen, nok,