Yeremiya 7:21 - Ala Wone Peenok Peebi Mbanak

²¹ At Omaawi Lombok Menggerak Iterali inogoba Aliku Ala nen yegerak nogo yi aret. “An nake warogo wo'nogo logonet, nake warogo kani kunggwi nogo mendek oba lunogo punuk, enggaanggum nogo inobaalombok nunggo logowak o.

Yeremiya 7:21 ပူးပေါင်းရင်းမြစ်များ

Ndawi 50:8

Kinaanggo warogo wo'nugwi, Nenggaanom paga nake warogo kani kunggwi, Eekak mban eekwi paga mbekkirage lek o.

Yetaya 43:23

Nake warogo kani kuniyak ndomba wonok niri wogwe, Nayuk wuko logonet, nake warogo wo'nugwi, Eeka'lek aret agaarik o. Ndi, aaninggin inoba age kero, anggen yigirik nake wo'niri wogwe, Obari abe kaga nogo kani kuni wogwe, Eeko logowak o, yinuk, Noone omaawi paga yoraga'lek aret agarik o.

Yeremiya 14:12

It nen inambe mage negen logonet, Yeenggwa niret o, yinuk, nggino yo'nirimenggaarak kwe, inoone yogwe an naruk konengge, ndi, ndomba warogo nake kani kunggwi, gandum anggen yigirik niri wogwe, eeremenggaarak kwe, nale'nggen nen wagangge, eerigin lek o. Ata, wooluwak paga, mbi noogelo paga, kugilingga paga, ineebe lek eerogo piyaagin o.”

Yeremiya 6:20

It nen obari abe kaga o Tiyeba nen wonok nake pi wogwe, En weeri amburu aberogon o nda nen wonok niri wogwe, Eekwi ti, Nano ake eeko agaarik? Ti we aanom warogo aret! Warogo nake kani kunggwi ti, ninikilom mbake, Warogo wo'nugwi ti, nale'nggen mbake, Eekeelik mban aret o,” yinuk, yegerak me yokkiragi o.

Yetikiyen 33:25

Aliku Itok Menggerak ALA nen yegerak nogo yi aret o, yinuk, yorage logonet, It Iterali ti nen inaanggumi warak inamiya inom nunggwi, inagugi yeenggwaaraawak nduk wiigwi, aakumi inookwi, eeko logonet, Nit nggween yi, unde eeppatinuk logowok o, yinuk, yogwe ti, op aret yogo agaarik?

Oteya 8:13

An nake pugu nogo, it nen warogo wo'nugwi, Nake warak nogo enggaanggum it nunggwi, Eeko menggaarak kwe, Naliku ALA nen ninikilom mbakeelik aret agarik o. It maluk eekwi ti, an niniki aberak logonet, onggo aaninggin inoba kwippiyoorak nogo ti, Iniyokan o Metit nappiyaagin ti aret!

Pelaareegerak 12:27

Pi nogo logomonggotik, eebe warogo kani kuniyak nogo warogo eebe inom, amiya inom, apit aret waganogo at Aliku kinogoba Ala ake kani kunggo menggam nogome ake pugwi, ndi, warogo noorak amiya nogo at Aliku kinogoba Ala ake kani kunggo menggam nogome eraanu kilirogo punuk, eebe nogo kit nunggwi, eeko logomunggup o.