Yeremiya 7:15 - Ala Wone Peenok Peebi Mbanak

¹⁵ It inowe-inawot aakumi Eparayim mendek aa'nduk maluk eeko mbareegwa, an wonage me nen wumbiyareegirak nogo pogom, it togop aret an wonage me nen wumbiyaagin,” yegerak me, yokkiragi o.

Yeremiya 7:15 ပူးပေါင်းရင်းမြစ်များ

2 Endagembogut 17:23

Aliku ALA nen yorage kagak yoraga ayeloman mini nogo yorage kagak, Iterali yorogo nogogwaarak nogo ndak-ndak, “Iterali ambinom pegiyoorak neebio,” yinuk, mbo piige mbareegi, at aap Atiyut inowe endagembogut nen it Iterali wonogogwam nogome nen kugun wogoren, o Atiyut piya nagagerak o yogondak wonogwe aret o.

2 Endagembogut 24:20

It aakumi o Yerutalem mendek inom, Yekura mendek inom, aaninggin inoba kwi'nagagerak nogo ti, at Aliku ALA anini inombareegerak paga eerogo piinok, “It inoba aberak logorak neebi o,” yinuk, mbo piyareegerak ti aret.

2 Mbinineegwaarak 15:9

Ogobakkigirogo punuk, it Yekura mendek inom, Mbeniyamin mendek inom, abok aret kuwak eerogo piige, ndi, it aakumi Iterali mendek apit aret nen Ata ogoba Aliku ALA imbirak wonage kogo nogogwaarik, Iterali wonogwe me nen at ka wa'nuk, it Eparayim mendek inom, Manate mendek inom, Timeyon mendek inom, inenggela'me wonogwe nogo inom kuwak eeppiige, eereegerak.

Ndawi 51:11

Pekkoorak neebi o, yinuk, an mbo panege, Aberiniki wo'nereegindak nimbirak wonage nogo ndinggolage, Eeriyak mage o.

Yetaya 7:16

at nen maluk kenok mbo pege, obeelom kenok miikkolage, eenu ariyak eyom awo ari waga'lek kagak, it aap inendagembogut ineebe mbere paga kinagabiti mbakwi nogo it inanggween paga aakumi lek o wogome kwak aret age kaamunggup o.

Yeremiya 15:1

Yoge mbaki, Aliku ALA nen an yo'nege logonet, “It Muta Temuwen imbirak kunduk nenggaanom paga mi'na'nuk, It aakumi yi, inabuwa mbaru o, yo'neremenggaarak kwe, an nen, It aakumi yi, inabuwa mbarigin mondok lek o, yoraagin me, kat nen it yi, an wonage me nen nawak nduk wumbiyet o.

Yeremiya 23:33

Aliku ALA nen ari logonet, “It aakumi yi nen a, Ala yegerak me yagi o, yaga nen a, it an neebe unde nen a, kat yokkogo logonet, Aliku ALA iniki aaninggin logonet, yokkegerak nogo ngge o? Yokkugwi iinok, kat nen it yorage logonet, Naliku ALA an niniki aaninggin wonage nogo ti, it paga aret me, mbo piyaagin, yegerak, yoraamunggun o.

Yeremiya 23:39

an abet aret piginake logominggirik, it inom, inogobamini inom, o kota yi wogoragagirak nogo mbo pege logonet, ineebe inom an wonage me nen mbo wumbiyaagin me,

Yeremiya 3:8

Ogonggelo mbo punuk ugun-ugun eerit nage kenok, Kwe yi mbo pigi o, yinuk, liiru mbanogo wogo'nuk nappogo mengga kwak, it ugun eerit nugwi Iterali nogo togop aret mbo piyareegirak o. Iterali ugun eerit nugwi inawuluk Yekura nogo nen enegen iyareegerak kwe, agabiti mbaka'lek wundi nanuk, togop aret ugun-ugun eerit nege kagagirak o.

Yeremiya 52:3

It aakumi o Yerutalem mendek inom, Yekura mendek inom, aaninggin inoba kwi'nagagerak nogo ti, at Aliku ALA anini inombareegerak paga eerogo piinok, “It inoba aberak logorak neebi o,” yinuk, mbo piyareegerak ti aret. Ti'nuk, aap Terekiya nen, “Aap Mbaben inowe endagembogut wone lengganogo yo'nirage logorak neebi o,” yinuk, mbo pereegerak.

Yeremiya 9:19

Ninawi wurik langgunogo pit wagaarak paga ninanggween mbo punuk, mbaganiyak agaarak me, Nineebe lek eerogo pinanugwi, ninenggali eerogo pinanugwi, Eekwi me, Ninabuwa o! yinuk, O Tiyon nen leendawi ari nogo konenit nogo agaarik o,” yinuk, yegerak me, yokkiragi o.

Yetikiyen 23:31

At oweeluk maluk eerit nage nagagerak nogo awuluk aret eerit nage me, oweeluk eeke nagagerak onggo niyoowa'na toolak kwak wogoreegirak nogo aret awuluk nawak nduk, eenggime pigin o,” yinuk, yegerak o.

Yetikiyen 33:25

Aliku Itok Menggerak ALA nen yegerak nogo yi aret o, yinuk, yorage logonet, It Iterali ti nen inaanggumi warak inamiya inom nunggwi, inagugi yeenggwaaraawak nduk wiigwi, aakumi inookwi, eeko logonet, Nit nggween yi, unde eeppatinuk logowok o, yinuk, yogwe ti, op aret yogo agaarik?

Oteya 1:4

Ndake mbareegi, at Aliku ALA nen Oteya yoge logonet, “At aap Yeku nen o Yiteren time aakumi kaliirubu pup eerogo inoorogo piyareegerak me, an nen at Yeku paga wiganak nogo aaninggin inoba kwippiige logonet, it Iterali wonogwe me wone lengganogo yorogo menggam nogo, lek eerogo pikit nduk eeke me, wulaga ti, endage Yiteren aret toonu o.

Oteya 12:1

O wiya mugurok nogo logonet, ambi kola nogolik aanom warogo mugurok nogo mengga kwak, It aakumi Eparayim mendek togop aret eerit nogwe, O wiya oonegen lagi wage menggim pa'nggwe nen warit wage nogo mugurok nogwe iigak, O kubondendok nen o kiyoma ari nage menggi kwak eerit nogwe, Eeko agaarik o. Togop eeko logonet, pilit pugunit nogwe nogo nggwok wigak ari, Aakumi maluk eeppiinet nugwi nogo mban pilak ari, Eeke kagak It aap Atiyut mendek ninom yogop eeruwok o, yinuk, iniki ambit eeppunuk wone koonogo pugwi, “Nit ninoreewi aret o,” mbaruwak nduk, tayitun amburu wonok o Metit nogwe, Eeko agaarik o.

Oteya 7:13

It an mbo paninuk nomo agan nogogwaarak me, inabuwa o! An yorage nogo, Eeriyak, ineebi mbareegwaarak me, ineebe lek eerogo piyaagin o. Inagap ndarogo piyaakit lak, ao, mbake kwe, an nenggaanom paga inoone pilit mban yo'nogo menggaarak o.

Oteya 9:13

O Tirut kwak o Eparayim ti, iri'ngga yarak enete abu abe kagagirak kwe, Yogondak perak, inapuri aret inooruwak nduk, wogoren wundi wogwe iigi o, yinuk, yegerak me, yokkiragi o,” yoragagirak.

Oteya 9:3

Aliku ALA nen kit Eparayim nggween wokkiragagim nogome wonogo logomunggup lek kiniyokan o Metit nogwe, Ndi, o Atiyut time nen mbi ogole warak mendek nunggwi, Eeko logomunggup o.

Oteya 9:9

O Nggibeya mendek maluk abu iya lombok eeko nogogwa kwak kit maluk iya lombok eekko'net unggwogwe me, Kit maluk eerit nugwi nogo at Ala abeke, Ndi, kinomaluk onggo eeppinagage, Eeke logogin o.

Yunut 2:4

An nogo, kat wonage me nen mbo panegendak kwe, Kat kawi wurik abu alik leenak nogo an ambinom kaagin aret o, mbake neegak,

Linggineegwaarak 1:32

At Yutup aput Eparayim inanebunu mendek ti, ndarak ndegek lombok ndarak iigak tahun 20 nen aginggwe eerit nagaarak wim namburiyak inobam kero, ineebe empat puluh ribu lima ratus aret inendage liiru mbanggwi,