Yeremiya 6:8 - Ala Wone Peenok Peebi Mbanak

⁸ At Yerutalem ti, an kurumbi yoge yi, liippuwak o. Liippega'lek kenok, an nen nambokan pege, It aakumi o yime logorak meek mbaruwak nduk, anggween o wogome eerogo pege, Eerigin o,” yinuk, yegerak me, kat kota Yerutalem yokkigi o.

Yeremiya 6:8 ပူးပေါင်းရင်းမြစ်များ

Ndawi 2:10

Togop aret me, Kit kinendagembogut yi wae! Kiniki warak a'nuk eekwi, Kit yi o ndi o unde nagawan-nagawan yi wae! Wone kurumbi yokkirogwe nogo liippugwi, Eeko logonip o.

Ndawi 50:17

An nen kinaruk wake nogo kineebi mbakwi, Wone yokkirage nogo taganogo pugwi, Eeko monggotak o.

Ndawi 94:12

Kaliku ALA wae. It aap inaruk wake, Koone yugu liiru mbanak nogo liirogon mamuninake, Eeppiige menggendak nogo Inale'nggen aret mbako menggaarak o.

Kini Wuppiige 19:20

Kat karuk wakwi nogo liippege, wone mamunggugwi nogo liippunuk wagangge, eeke keenok, Irip paga kiniki warak lombok eekkake kaamunggun o.

Kini Wuppiige 4:13

An wone mamunggege yi, mbo puurak mage o. Ata, nggirik-nggerok porogo wonage, Wone yi eeke paga keenik logorak me, liirogon unde wake, Eeke logot o.

Yeremiya 17:23

inaruk konenggwi, liippugwi, eeka'lek tagambunuk inanobak yugum pogom logonet, noone konenggwi, iniki koonnaruwak nduk, yorage nogo waganggwi, eeka'lek mbo pereegwaarak o,” yinuk, yegerak o.

Yeremiya 2:15

Singa aakumi nibininabikit nduk oone nggwok agan nege menggi kwak, it inawim nen Iterali togop aret muguren nogo logonet, Inanggween maluk eerogo pugwi, inagota kani pit nogwe, Eereegwaarak me, O time aakumi ambi wonogwe lek aret o.

Yeremiya 31:19

An nomo agan nage nagagirik, An maluk aret eeki, yinuk, niyokan wage, Eekirak kagi o, yinuk, liippake nagagirik, nanobak wakkolage, An wulaga awo tawe logonet, nendage maluk agagerak nogo paga nenggali mbake, Nendage maluk aago kagak nege, Eereegirak o, Yinuk, yo'nereegerak.

Yeremiya 32:33

Inenete mban nomok yogo logolik ineebe apit inambot wo'nugwi, wone mamuneragak eekitak kwe, konengga'lek mbo pugwi, iniki koonnaruwak nduk, eeppiigitak kwe, liippega'lek teppugwi, eeko nogogwaarak o.

Yeremiya 4:14

Kat Yerutalem yi wae. Maluk eeriyak kinikime koonit nage keegak, ne mande ari nagin o. Kagap ndaruwak nduk, komaluk kinikime wonage nogo abu nggarenogo mbo pege logot o.

Yeremiya 7:20

Yo'nege nagaarik, Aliku Itok Menggerak ALA nen yegerak nogo yi aret. “Nanini kani kunik pogom o yi paga wuppi woraminggirak paga aakumi ineebe inom, inaanggumi inom, inageyo inom, ineyabu yarak anggen mbanak inom, abok aret nenet nage logogin me, nogonogo puurak meek aret kaagun,” yegerak o.

Yeremiya 7:28

kat nen it yorage logonet, It aakumi inogoba Naliku ALA noone konembunuk eekwi, iniki koonnaruwak nduk eeppiige nogo waganggwi, eeka'lek mbo pogo menggaarak it aret o. Iniki koonak logonet, liirogon eerit nugwi nogo lek agaarak me, inoone inambe paga yuurak kunduk meek aret aga o.

Yeremiya 7:34

O yime nggween mondok mbuk arigin me, Yekura kota-kota inom, o Yerutalem tu paga tu paga inom, iniki ale'nggen nen inoone amburu paga agan nugwi, kumi-aap lambuninako logonet, inoone agan nugwi, eekwi nogo an nen lek eerogo piyaagin,” yegerak o.

Yeremiya 9:11

At Aliku ALA nen ari logonet, “O Yerutalem ti, an nen o langgu-langgu aago nigabak negen eerogo pigin me, Nggeewo owo iname ari unggwogo logogun o. Ndi, o Yekura kota-kota ti kunduk, o owak mbanak aret eerogo pigin me, Aakumi inawi time logogun lek aret,” yegerak o.

Yetikiyen 23:18

At nen kin paga, Ugun ee'nabuwak, mba'nuk eerit nage logonet, amendek wogoranet nage kenok, an nen, Ogole warak eerit nege kwe yi, neebi o, yinuk, oweeluk mbo pereegi kwak awuluk togop aret mbo pereegirak.

Oteya 2:5

It inagalo ti, kwe terak wuka nege logonet, aagalogwe ndaganabeegerak me, Aagalogwe ti, inenggali mbakak nugu agaarik o. At nen, It aap iniki kunik ee'nako logonet, nambi inom, Naniyo inom, nayum yuurak ndomba eeruwak inom, ligi abe yawenak inom, nagabolo paga eekak amburu inom, anggur amburu an noorak toolak inom, Wo'nogo menggaarak nogo aret muguren nage logogin o, yinuk, yereegerak me,

Oteya 9:12

It inapuri ndappiinok, tawe aganabemenggaarak kwe, inenggaawak lek eerogo piyaminggirak paga leenggu maako logowak nduk, eerogo piyaagin o. An mbo piinok, mbagangge neenok, it inabuwa o.

Ala Unde 26:34

Togop eeppiya wogwe iinok, it Iterali mendek nen inanggween lombok paga wonage logonet, tahun 6 eeppunuk, tahun ambi paga inanggween lubungge logowak nduk mbo puurak nogo eeka'lek me, ti eyom paga it ineebe inanggween paga lek it inom wim mbanak inanggween paga wonogwe iigak, inanggween we o wogo logonet, tahun 7 ti paga inanggween lubungge logowak nduk yabu wagangga'lek mbo punuk, wonogo logorak kokwak aret arigin o.

Tepaniya 3:7

Eeppege nagagirik, an nen mbake logonet, Yogondak it nen an nayuk wukwi, An yorage nogo liippunuk eekwi, It eeriyak yorage nogo, ambi kobak eerogo mbo pugun lek ndak-ndak aret eekwi, Eeko logogun, Mbareegirak kwe, It maluk eerit nugwi nogo mbo puurak mbakulik abunuk iniki aganggen kerek togon eerit nugwi iyareegirak o,” yinuk, yegerak me, yagi o.

Pelaareegerak 32:29

Iniki warak wonogwe, liippunuk ineenu ogwe, Eeppunuk, Nit irip paga togop aret eeppinanugun, kogo, Mba'nuk, ineenu aruwak lak, ao, mbake menggerak o.