Yeremiya 6:6 - Ala Wone Peenok Peebi Mbanak

⁶ At Omaawi Lombok Menggerak Aliku ALA nen yegerak nogo yi aret. “Eyo muurogo pit nogwe, Iniyok punuk ungguurak nda'nggi pit laganggwi, Eeko logowak o. O kota aken time at ambi nen at ambi tebenogo pegak mban eerit nugwi me, Teppiyoorak lek it maluk eekwi onggo inoba kwippiigo logowak o.

Yeremiya 6:6 ပူးပေါင်းရင်းမြစ်များ

Yetaya 37:33

Togop aret mbake me, at Aliku ALA nen, Aap endagembogut Atiyut eeppuurak, yegerak nogo yi aret. At o kota Yerutalem unggwage, Omaale namburogo nappi wage, Anggeemu mulumbunuk wage, Unggwikit nduk, nggween pit lagangge, Eerigin lek aret o.

Yeremiya 20:8

Wone yoroorak age kenok, noone omaawi paga, Aaninggin eeppinagagwi o. Lek eerogo pinagagwi o, yinuk, ti mban yorage minggirak me, Kaliku ALA yo'nege keegak yorage paga o kubondendok nen nok oonikiya ari nage kagak, Nagi'ndok kanggwi, meek eerogo panugwi, Eeko menggaarak.

Yeremiya 22:17

Togop aret eeko menggaarak kwe, at aput ti perak, enegen kage, inikime koongge, eeke nogo ti, Aakumi wi-wi aganake logonet, eenggi warak eekkoloorak mban koonit nege, It aap maluk eeka'lek iigak inooke, Ineebe tebenogo piige, oone omaawi paga inamendek wagangge, Eerit noorak Iniki ti paga mban panggonak menggerak o,” Yinuk, yegerak me, yagi o.

Yeremiya 32:24

O kota yi, oonda mbani ungguwok nduk, pak wurik eraanu nggween pit laganggwi yi ket o. Wooluwak paga, mbi noogelo paga, kugilingga paga, ineebe lek arit nogwe iinok, o kota yi, it oonda mbanuwok nduk eekwi aap Mbaben mendek nogo ineenggime piyaagun o. Yereegindak nogo muk agaarak kenegen kage agandik ti aret o.

Yeremiya 32:31

O kota yi, aa'nduk lombok wureegwaarak ne ti eyom paga nen nok, yogondak yi kuli, it aakumi yi, maluk mban eekwi paga nanini mi'naruwak nduk eekwi, nanini kani kunik negen wunduwak nduk eeppanugwi, eerit wundi wogogwaarak me, nenegen iyoorak neebi nen mondok lek eerogo piyaakit mbake agarik o.

Yeremiya 33:4

It aakumi Mbaben inom wim eeko logonet, wooluwak paga inoori ungguwok nduk, nggween pit laganggwi iinok, it Yekura mendek nen o kota Yerutalem yi, inawi wurik inom, aap Yekura inowe endagembogut awi nggwok abe wurik inom, minogo pak wurik omaawi eerogo pit nogogwaarak paga Iterali inogoba Aliku Ala nen wone yegerak nogo yi aret. O kota yi, maluk abu iya lombok eeko menggaarak me, nenegen iyoorak neebi nen nanini kani kunik negen mi'nage logonet, inooriminggirak o kota yime ineebe inoorak mban yagabit arigin o.

Yeremiya 39:1

O Yerutalem tebeni unggwogogwaarak nogo yi aret. Aap Terekiya nogo Yekura inowe endagembogut wonage kagak tahun 8 eeppunuk, ambi eeke tut 10 penengge ti paga aap Mbaben inowe endagembogut Nebukanetat nogo, awuri wim eeka abok aret inom o Yerutalem wogo nogogwaarik, tebenuwok nduk, eekwi iigak,

Yeremiya 5:29

Ti eerit nugwi iigak, an nen onggo eeppiiga'lek teppiyoorak op mbakop? It aakumi togop mban eekwi paga nanini mbake nogo tayo yuwak nduk, eeppiyoorak lek mbakop?

Yeremiya 5:9

It ti eerit nugwi iigak, an nen onggo eeppiiga'lek teppiyoorak op mbaken? It aakumi togop eekwi paga nanini mbake nogo tayo yuwak nduk, eeppiyoorak lek mbaken? Eeppiyaagin aret o.

Yetikiyen 4:2

Pege logomenggendik, o kota ogut eerak ti, obaga kwi'nari ungguurak wakkagak eeriyak nogo yi aret. Nda'nggi pit laganiyak wakkagak eerogo pege, nggween kabunogo pit lagarak wakkagak eerogo pege, aap ineegin warak inawooliya yendok-wandok wuriyak wakkagak eerogo pege, o pak wurik yengget-wangget punggagak eeko logorak wakkagak koonogo pege, eeru o.

Yetikiyen 5:5

Naliku Nitok Minggirak an ALA nen, Yi aakumi ndi aakumi inawi eraanu wanggerak wonogwe iigak, o kota oolome lombok pereegirak ti, kota Yerutalem yi aret kwe,

Ndaniyen 11:15

Togop aret eekwi iigak, at aap o omarip paga pa'nggwe inowe endagembogut nogo nage logomenggerik, at o ame pa'nggwe inowe endagembogut agota yugum pak wuremenggerak nogo oonda mbani ungguwok nduk, nda'nggi pugwi, nggween pit laganggwi, eeppunuk, oba kwi'nari unggwogwe iigak, at o ame pa'nggwe inowe endagembogut awuri ineegin warak nogo, ko wappunuk puk ogwe, awuri wim eeka wakaa'ngget lombok nogo kunduk, inom wim eeriyak meek aret eeginake, eerigin o.

Tepaniya 3:1

Aakumi tebenogo piigwi, Ala nen yorage nogo eeriyak ineebi mbakwi, O kota enete maluk eerogo pugwi, Eeko menggam o kota Yerutalem ti, abuwa o!

Lukat 19:43

Ala yi eyom aret neya wagaarak o, yinuk, yelok koolik me, kame nen wundi nage keyo, it kinom wim mbanak nen yagat wurogo pagagwi, wanggekkakwi, agi-ogu nen, iru-ogwe nen, yigikkabuwok nduk, panggo yi wogwe, eeko logonet,